Yoobu 7:18 - Bibeli Gusunɔn Gari

¹⁸ mɑ ɑ nùn nɔni ɡirɑri bururu bɑɑtere, mɑ ɑ nùn wɛ̃ɛrimɔ sɑɑ bɑɑyere.

Yoobu 7:18 ပူးပေါင်းရင်းမြစ်များ

Torubu 22:1

Yenibɑ kpuron biruwɑ Gusunɔ u Aburɑhɑmun lɑɑkɑri mɛɛrɑ u nùn sokɑ u nɛɛ, Aburɑhɑmu. Mɑ Aburɑhɑmu u wurɑ u nɛɛ, nɛ wee, Yinni.

Yoobu 14:3

Tɔnu wiyɑ ɑ mɛɛrɑ, mɑ ɑ nùn siribu sokɑ?

Yoobu 23:10

Kɑ mɛ, u nɛn swɛɛ kpuro yɛ̃ yi nɑ swĩi. Ù n mɑn kpɛ̃ɛ lɑɑkɑri mɛɛribu sɔɔ, kon yɑriwɑ min di, nɑ n dɛɛre nɡe wurɑ ye bɑ dɔ̃ɔ doke.

Womusu 73:14

Yinni, tɔ̃ru bɑɑtere ɑ rɑ mɑn sɛɛyɑsiewɑ, kpɑ ɑ mɑn nɔni sɔ̃ bururu bɑɑtere.

Yɑribu 20:5

I ku rɑ yiirɑ i bwɑ̃ɑroku ɡɑɡu sɑ̃, domi nɛnɑ bɛɛn Yinni wi u rɑ n wɑ̃ɑ. Nɛ, Yinni nisinuɡiiwɑ, nɛ wi nɑ rɑ bɑɑbɑbɑn durum mɔɔru mwɛ ben bibun mi be bɑ mɑn tusɑn suunu sɔɔ sere kɑ ben sikɑdominun bibɔ.

Yɑribu 32:34

Yen sɔ̃, ɑ doo ɑ tɔn be kpɑrɑ i dɑ sere yɑm mi nɑ nun sɔ̃ɔwɑ. Wee nɛn ɡɔrɑdo u ko n nun ɡbiiye mi. Adɑmɑ sɑɑ yɑ sisi yè sɔɔ kon tɔn be nɔmɑ doke n bu sɛɛyɑsiɑ ben durum sɔ̃.

Esɑi 26:14

Yinni, be bɑ ɡu, bɑ ǹ mɑɑ seemɔ bu wɑ̃ɑru di. Domi ɑ bu wɔri ɑ kpeerɑsiɑ. Bɑ ǹ mɑɑ bu yɑɑyɑmɔ.

Yeremi 9:7

Wee, tɔn ben yɑrɑ yɑ sɑ̃ɑwɑ nɡe sɛ̃ɛ dɛ̃ɛɡuu ɡe ɡɑ rɑ ɡo. Weesɑ bɑ rɑ n mɔ̀, kpɑ bɑ n ben berusebu bɔri yɛndun ɡɑri sɔ̃ɔmɔ. Adɑmɑ ben ɡɔ̃ruɔ, yinɑ bɑ rɑ n bu bɛrie.

Dɑniɛli 12:10

Bɑ koo dɑbinu sɑ̃rɑsiɑ bu dɛɛrɑ mɑm mɑm. Tɔn kɔ̃sobu bɑ ko n kɔ̃sɑ mɔ̀. Ben ɡoo kun tubu ye yɑ koorɑmɔ. Adɑmɑ be bɑ bwisi mɔ, beyɑ bɑ koo tubu.

Sofoni 3:5

Adɑmɑ kɑ mɛ, Yinni Gusunɔ u wɑ̃ɑ kɑ bɛɛ. U sɑ̃ɑwɑ ɡemɡii, u ku rɑ weesu ko. U rɑ win ɡem terɑsiewɑ siribu sɔɔ bururu bɑɑtere. U ku rɑ tɔ̃ru bure. Adɑmɑ tɔn kɔ̃sobɑ bɑ kɔ̃sɑ mɔ̀, sekurɑ kun bu mɔ̀.

Sɑkɑri 13:9

Kon sube tee te dɔ̃ɔ doke kpɑ n tu sɔwɑ nɡe mɛ bɑ rɑ sii ɡeesu sɔwe. Kon tu sɔwɑwɑ nɡe mɛ bɑ rɑ wurɑ sɔwe. Tɑ koo nɛn yĩsiru soku kpɑ n tu wurɑri. Kon tu sɔ̃ n nɛɛ, tɑ sɑ̃ɑwɑ nɛn tɔmbu. Kpɑ ten tii tu mɑɑ nɛɛ, nɑ sɑ̃ɑwɑ Gusunɔ ten Yinni.

Sɔ̃ɔsiru 8:16

U sun mɑnnɑ wɛ̃ ɡbɑburu mi, sɑ di ye bɛsɛn bɑɑbɑbɑ bɑ ǹ dɑɑ yɛ̃. Mɑ u derɑ sɑ nɔni sɔ̃ɔrɑ su kɑ tii kɑwɑ kpɑ u kɑ bɛsɛn lɑɑkɑri mɛɛri u sere sun ɡeɑ kuɑ.

Piɛɛ I 1:7

Lɑɑkɑri mɛɛri bi, bu bɛɛn nɑɑnɛ dokebu wɛ̃ɛrimɔ. Nɡe mɛ bɑ rɑ wurɑ mɛɛri kɑ dɔ̃ɔ, bɑɑ mɛ yɑ koo kɑm ko, nɡe mɛyɑ bɑ bɛɛn nɑɑnɛ dokebu mɛɛrimɔ, bi bu wurɑ bɛɛrɛ kere ɡem ɡem, bu kɑ bin dɑm ɡiɑ. Kpɑ i siɑrɑbu kɑ yiiko kɑ bɛɛrɛ wɑ sɑnɑm mɛ Kirisi koo kurɑmɑ.