Yoobu 7:16 - Bibeli Gusunɔn Gari

¹⁶ Wɑ̃ɑrɑ den mɑn tusɑ mɛ. Nɑ ǹ mɑɑ kĩ nɑ n wɑ̃ɑ sere kɑ bɑɑdommɑɔ. Nɛn wɑ̃ɑrɑ kun sɑ̃ɑ ɡɑ̃ɑnu, ɑ mɑn derio sɛ̃ɛ.

Yoobu 7:16 ပူးပေါင်းရင်းမြစ်များ

Torubu 27:46

Yerɑ Rebekɑ u dɑ u Isɑki sɔ̃ɔwɑ u nɛɛ, nɑ kɑ nɛn wɑ̃ɑru wɑsirɑ Esɑun kurɔ benin dɑɑn sɔ̃, be bɑ sɑ̃ɑ Hɛtibɑ. Yɑkɔbu ù n mɑɑ kurɔ suɑ tem mini nɡe be, mbɑn wɑ̃ɑrɑ ko nɑ n mɑɑ wɑ̃ɑ.

Sinɑmbu I 19:4

Mɑ win tii u sɑnum so tɔ̃ɔ ɡiriru, u dɑ u wɑ̃ɑ ɡbɑburɔ u sɔ̃ dɑ̃ru ɡɑrun nuurɔ, mɑ u Yinni Gusunɔ sɔ̃ɔwɑ u nɛɛ, yɑ den turɑ mɛ, ɑ nɛn hunde suo. Domi nɑ ǹ nɛn bɑɑbɑbɑ ɡeɑ kere.

Yoobu 10:1

Wɑ̃ɑrɑ mɑn tusɑ. Nɑ ǹ nɛn weeweenu yɔ̃rɑsiɑmɔ. Kon ɡerewɑ wɑhɑlɑ ye nɑ mɔ̀.

Yoobu 10:20

Wɑ̃ɑ te tɑ mɑn tie, tɑ ǹ mɑɑ kpɑ̃. Yen sɔ̃, ɑ mɑn derio n nuku dobu ko sɑɑ fiiko ye sɔɔ,

Yoobu 14:6

Ǹ n mɛn nɑ, ɑ ku mɑɑ nùn nɔni ɡirɑri, ɑdɑmɑ ɑ de u wɛ̃rɑ, kpɑ u win sɔmburu ko, u win kɔsiɑru mwɑ kɑ nuku dobu.

Yoobu 6:9

U den win nɔmu dɛmiɔ u mɑn mwɑ, u munku u dɑkurɑ.

Yoobu 7:15

A yɑnde mɑn soorɑ dokeo n ɡbi, ye ko nɑ n kɑ kuku nini sɔɔwɑ.

Yoobu 7:7

A yɑɑyo mɑ nɛn wɑ̃ɑrɑ sɑ̃ɑwɑ wɛ̃siɑ teeru. Nɛn nɔni kun mɑɑ durom wɑsi.

Yoobu 9:21

Bɑɑ mɛ nɑ ǹ tɑɑrɛ ɡɑɑ mɔ, nɛn wɑ̃ɑrɑ kun mɑn nɛni, nɑ tu tusɑ.

Womusu 144:4

Tɔnu u sɑ̃ɑwɑ nɡe woo. Win wɑ̃ɑrun tɔ̃nu nu sɑ̃ɑwɑ nɡe sɑɑru te tɑ rɑ doonɛ.

Womusu 39:10

Kon mɑri, nɑ ǹ ɡɑri ɡerumɔ, domi wunɑ ɑ derɑ yɑ koorɑ mɛ.

Womusu 39:13

Yinni Gusunɔ, ɑ nɛn kɑnɑru nɔɔwɔ, kpɑ ɑ nɛn sokuru swɑɑ dɑki. A ku nɛn wuri ɑtɑfiiru ko, domi nɑ sɑ̃ɑwɑ sɔɔ wunɛn mi nɡe nɛn sikɑdobɑ kpuro.

Womusu 39:6

N wee ɑ nɛn tɔ̃ru yĩirɑ kɑ wunɛn nɔmɑn yɑsum, mɑ nɛn wɑ̃ɑrun sɑnɑm kun ɡɑ̃ɑnu turɑ wunɛn nɔni sɔɔ. Kɑ ɡeemɑ tɔnu bɑɑwure koo doonɑ nɡe woo tiɑ,

Womusu 62:9

Bɛɛ tɔmbu, i nùn nɑɑnɛ koowo sɑɑ kpuro. I nùn sɔ̃ɔwɔ ye yɑ bɛɛ nɛni. Domi wiyɑ u sɑ̃ɑ bɛsɛn kuku yeru.

Womusu 78:33

Mɑ Yinni Gusunɔ u bu doke bɛrum sɔɔ u ben wɑ̃ɑru nɔru koosiɑ nɡe woo. U bu kɑm koosiɑ nɔni kpɑki teeru.

Womusu 78:39

U rɑ yɑɑye mɑ bɑ sɑ̃ɑwɑ tɔmbu. Bɑ sɑ̃ɑwɑ nɡe woo. Gɑ̀ n doonɑ, ɡɑ ku rɑ wurɑmɛ.

Wɑɑsu kowo 2:17

Mɑ nɑ wɑ̃ɑru tusɑ. Domi ye yɑ koorɑmɔ hɑnduniɑ ye sɔɔ, yɑ mɑn bwɛ̃rɑ yɑrɑ yèn sɔ̃ ye kpuro yɑ tubum sɛ̃. Yɑ sɑ̃ɑwɑ nɡe wi u kĩ u woo kpɑrɑ.

Yeremi 8:3

Be bɑ koo tiɑrɑ be, Yudɑ dɑɑ kɔ̃sɑɡii be sɔɔ, mi nɑ bu yɑrinɑsiɑ kpuro, ɡɔɔwɑ bɑ ko n kĩ n kere wɑ̃ɑru. Nɛ, Yinni Gusunɔwɑ nɑ yeni ɡeruɑ.

Yonɑsi 4:3

Tɛ̃, ɑ de n ɡbi, domi n burɑm bo n ɡbi ye ko nɑ n kɑ wɑ̃ɑ.

Yonɑsi 4:8

Sɑnɑm mɛ sɔ̃ɔ yɑrɑ, u derɑ woo sum ɡɑ nɑ sɑɑ sɔ̃ɔ yɑri yerun di. Mɑ sɔ̃ɔ wi, u Yonɑsi so wirɔ sere u wɑsikirɑ. Mɑ u nɛɛ, n burɑm bo u ɡbi ye u ko n kɑ mɑɑ wɑ̃ɑ.