Yoobu 7:11 - Bibeli Gusunɔn Gari

¹¹ Nɑ ǹ kpɛ̃ n nɔɔ mɑri, domi nɑ nuki sɑnkire. Kon nun weeweenu koosi, domi nɑ nɔni sɔ̃ɔre.

Yoobu 7:11 ပူးပေါင်းရင်းမြစ်များ

Torubu 42:21

mɑ bɑ sɔ̃ɔnɑ bɑ nɛɛ, kɔ̃sɑ ye sɑ bɛsɛn wɔnɔ Yosɛfu kuɑ yerɑ yɑ sun kɔsiemɔ tɛ̃, domi sɑ win nuku sɑnkirɑnu wɑ. Ye u sun suuru kɑnɑ sɑ ǹ wure.

Yoobu 10:1

Wɑ̃ɑrɑ mɑn tusɑ. Nɑ ǹ nɛn weeweenu yɔ̃rɑsiɑmɔ. Kon ɡerewɑ wɑhɑlɑ ye nɑ mɔ̀.

Yoobu 10:15

Nɑ̀ n sɑ̃ɑn nɑ tɔn kɔ̃so, nɑ kuɑ bɔ̃ruro. Nɑ̀ n mɑɑ dɛɛren nɑ, nɑ ǹ mɑɑ wiru seeyɑmɔ, domi sekurɑ mɑn mɔ̀, mɑ nɑ nɔni swɑ̃ɑru nɔɔrɑmɔ.

Yoobu 13:13

I mɑrio, kpɑ i de n ɡɑri ɡere, kpɑ n mɑn deemɑ ye n ko n mɑn deemɑ.

Yoobu 16:6

Nɑ̀ n ɡɑri mɔ̀, nɛn wɑhɑlɑ yɑ ǹ kpeemɔ. Nɑ̀ n mɑɑ mɑɑri, yɑ ǹ doonɔ.

Yoobu 21:25

Adɑmɑ ɡɑbu bɑ rɑ ɡbiwɑ wɑhɑlɑ sɔɔ, bɑ kun doo nɔɔru wɑ bɑɑ fiiko.

Yoobu 23:2

sere kɑ ɡisɔ nɑ Gusunɔ weeweenu koosimɔ. Nɛn nɔni swɑ̃ɑru tɑ nɛn wuri kere.

Yoobu 36:21

A n tii sɛ kpɑ ɑ ku rɑ kɔ̃sɑ ko. Domi wɑhɑlɑ ye, yɑ nun deemɑwɑ kpɑ ɑ wɑ ɑ kɑ kɔ̃sɑ dukɑ suuri.

Yoobu 6:26

I kĩwɑ i nɛn ɡɑri ɡɔburu wɑ, i yi mɛɛri kɑm, kpɑ i mɑn tɑɑrɛ wɛ̃, nɛ wi nɑ ǹ mɑɑ ɡɑ̃ɑnu yĩiyɔ?

Yoobu 9:27

Nɑ̀ n nɛɛ, kon nɛn weeweenu deri n nɛn wuswɑɑ dɛɛrɑsiɑ, kpɑ nɑ n nuku dobu mɔ,

Womusu 39:3

Nɑ rɑɑ mɑɑri, nɑ ǹ ɡɑ̃ɑnu ɡeruɑ, mɑ nɑ deemɑ n kuɑ kɑm, domi nɛn nɔni swɑ̃ɑru tɑ sosiwɑ.

Womusu 40:9

Gusunɔ nɛn Yinni, nɑ kĩ n wunɛn kĩru ko. Wunɛn woodɑ yɑ wɑ̃ɑ nɛn ɡɔ̃ruɔ.

Esɑi 38:15

Mbɑ kon mɑɑ ɡere, domi Yinni Gusunɔ u nɛn kɑnɑru nuɑ u mɑn wisɑ. Kon sĩ kɑ tii kɑwɑbu sere nɛn wɑ̃ɑrun tɔ̃ru tu kɑ kpe nɛn nuku sɑnkirɑ tenin biru.

Esɑi 38:17

Wee, nɛn wɑhɑlɑ yɑ ɡɔsirɑ bɔri yɛndu, ɑ wurɑ ɑ mɑn yɑrɑ siki wɔrun di wunɛn kĩrun sɔ̃. Domi ɑ nɛn durum kpuro wɔkɑ ɑ kɔ̃ wunɛn biruɔ.

Luku 22:44

Nuku sɑnkirɑ bɑkɑnu sɔɔ u kɑnɑru mɔ̀ kɑ dɑm, mɑ win wɛnyɑnu kuɑ nɡe yɛm nu dɑ̃ɑkumɔ temɔ.]

Korinti II 2:4

Mɛyɑ nɑ bɛɛ tireru yoruɑ kɑ nɔni swɑ̃ɑru kɑ nuku sɑnkirɑnu kɑ mɑɑ yĩresu, n ǹ mɔ n kɑ bɛɛ nuki sɑnku. Nɑ kĩwɑ i ɡiɑ nɡe mɛ nɑ bɛɛ kĩ n nɛ.