Yoobu 6:6 - Bibeli Gusunɔn Gari

⁶ Bɑ koo kpĩ bu dĩɑnu di ni nu mɑɑri sɔ̃ɔ sɔ̃ɔ nu ǹ bɔru mɔ? Goo sɛ̃ɛrun kpikum mu rɑ n do?

Yoobu 6:6 ပူးပေါင်းရင်းမြစ်များ

Yoobu 12:11

Yen sɔ̃nɑ bɑ mɔndu kuɑ bɑ nɛɛ, soowɑ ɡɑ rɑ ɡɑrin dobu wunɑnɛ, kpɑ dɑro ɡu mɑɑ dĩɑnun dobu wunɑnɑ.

Yoobu 16:2

nɑ ɡɑri yin bweseru nɔɔre nɔn dɑbinu. Bɛɛ, i sɑ̃ɑwɑ nuku yɛmiɑsio be bɑ nɛn wɑhɑlɑ sosimɔ.

Yoobu 34:3

Domi swɑsɑ su rɑ ɡɑrin dobu wunɑnɛ, nɡe mɛ yɑrɑ yɑ rɑ dĩɑnun dobu wunɑnɛ.

Yoobu 6:25

Tɔnu u koo ɡem wurɑ. Adɑmɑ ye i mɑn ɡerusimɔ mi, mɑnɑ yen ɑsɑnsi wɑ̃ɑ.

Yoobu 6:30

Gɑri kɔ̃si yi rɑ n wɑ̃ɑ nɛn nɔɔwɔ? I tɑmɑɑ nɑ ku rɑ ɡeɑ kɑ kɔ̃sɑ wunɑnɛ?

Yoobu 6:5

Kɛtɛku ɡbeeku ɡɑ rɑ swĩ ɡɑ̀ n yɑkɑ bekusu wɑ ɡɑ dimɔ? Kɛtɛ yɑ rɑ swĩ yɑ̀ n yɑkɑsu wɑ yɑ dimɔ?

Yoobu 6:7

Nɑ ku rɑ dĩɑ nin bweseru kɑ̃. Nɡe mɛyɑ nɑ wɑhɑlɑ ye nɑ mɔ̀ mini tusɑ.

Womusu 119:103

Wunɛn ɡɑri yi tim dobu kere nɛn nɔɔwɔ.

Sɑ̃ɑrun Woodɑ 2:13

Dĩɑ ni ɑ kɑ yɑ̃kuru mɔ̀ kpuro, kɑɑ nu bɔru dokewɑ. A ku duɑri ɑ kun tu doke. Domi bɔru tɑ sɑ̃ɑwɑ wunɛ kɑ Gusunɔn ɑrukɑwɑnin yĩreru. Yen sɔ̃nɑ bɑ ko n dɑ tu doke yɑ̃kuru bɑɑtere sɔɔ.

Mɑteu 5:13

Yesu mɑɑ nɛɛ, bɛɛyɑ hɑnduniɑn bɔru , ɑdɑmɑ bɔru tɑ̀ n nɔɔ ɡu mbɑ bɑ koo kɑ tu dorɑsiɑ. Tɑ ǹ mɑɑ ɡɑ̃ɑnu ɡɑnu mɑ n kun mɔ bu yɑri kpɑ tɔmbu bɑ n te tɑɑkumɔ kɑ ben nɑɑsu.

Luku 14:34

Mɑ Yesu mɑɑ nɛɛ, bɔru ɡɑ̃ɑ ɡeenɑ, ɑdɑmɑ bɔru tɑ̀ n nɔɔ ɡu, mbɑ bɑ koo mɑɑ kɑ tu dorɑsiɑ.

Kolose 4:6

I de bɛɛn ɡɑri yi n nɔɔbu do kpɑ yi n swɑɑ swĩi, kpɑ i n kɑ yɛ̃ nɡe mɛ n weenɛ i bɑɑwure wisi.