Yoobu 5:9 - Bibeli Gusunɔn Gari

⁹ U rɑ ɡɑ̃ɑ bɑkɑnu kowɑ ni tɔnu kun kpɛ̃ u ɡiɑ. U rɑ mɑɑmɑɑki dɑbinu ko.

Yoobu 5:9 ပူးပေါင်းရင်းမြစ်များ

Yoobu 10:16

Nɑ̀ n wiru seeyɑ, ɑ rɑ mɑn nɑɑ ɡire nɡe ɡbee sunɔ, kpɑ ɑ mɑn so ɑ surɑ kɑ wunɛn sɔm mɑɑmɑɑkiɡiɑ.

Yoobu 13:1

Wee nɛn nɔni yi ye kpuro wɑ, nɛn swɑsu su mɑɑ ye kpuro nuɑ, mɑ nɑ ye lɑɑkɑri kuɑ.

Yoobu 37:14

Yoobu, ɑ yenibɑ kpuro lɑɑkɑri koowo. A Yinni Gusunɔn sɔm mɑɑmɑɑkiɡinu mɛɛrio ɑ wɑ.

Yoobu 37:16

A yɛ̃ nɡe mɛ ɡuru winu nu kɑ bwɛ̃ɛ wɔllɔ? Wi u yenin bweseru kuɑ, win yɛ̃ru tɑ yibɑ mɑm mɑm.

Yoobu 37:5

Ù n ɡbɑ̃rɑ, tɔmbu bɑ rɑ biti soorewɑ. Gɑ̃ɑ bɑkɑnɑ u kuɑ mi, ni tɔnu kun kpɛ̃ u tubu.

Yoobu 42:3

A ɡeruɑ ɑ nɛɛ, nɑ derɑ tɔmbu bɑ ǹ wunɛn himbɑ tubumɔ kɑ nɛn wiirɑ ɡɑri. Nɑ wurɑ. Nɑ ɡɑri ɡeruɑ yi nɑ ǹ yɛ̃. Gɑri yi, yi mɑn kpɑ̃ɑru kere.

Yoobu 9:10

U rɑ sɔm bɑkɑnu ko ni bɑ ǹ kpɛ̃ bu tubu. U rɑ sɔm mɑɑmɑɑkiɡinu ko dɑbi dɑbinu.

Womusu 139:18

Nɑ̀ n nu ɡɑrimɔ, nu yɑni sɛɛri dɑbiru kere. Nɑ̀ n mɑɑ dom seewɑ, nɑ rɑ n wɑ̃ɑ kɑ wunɛ.

Womusu 145:3

Yinni Gusunɔ, ɑ kpɑ̃. Wunɑ n weenɛ bu siɑrɑ. Wunɛn kpɑ̃ɑru tɑ ǹ nɔru mɔ.

Womusu 40:5

Doo nɔɔruɡiiwɑ wi u Yinni Gusunɔ nɑɑnɛ sɑ̃ɑ, wi u ku rɑ ɡɛre u tii suobu kɑ wee kowobu swĩi.

Womusu 40:6

Gusunɔ nɛn Yinni, wunɛn sɔm ɡeenu kɑ wunɛn himbɑ ye ɑ sun kuɑ yɑ dɑbi. Gusunɔ, ɑ kpɑ̃, ɑ ǹ sɑɑrɑ mɔ. Nɑ kĩ n ye kpuro kpɑrɑ n tɔmbu nɔɔsiɑ. Adɑmɑ yen ɡeerɑ kpɑ̃ sere nɑ ǹ kpɛ̃ n ye sɑɑri.

Womusu 72:18

Su Gusunɔ Isirelibɑn Yinni siɑrɑ. Domi wi turowɑ u rɑ sɔm mɑɑmɑɑkiɡinu ko.

Womusu 86:10

Domi ɑ kpɑ̃, ɑ rɑ mɑɑ sɔm mɑɑmɑɑkiɡinu ko. Wunɛ turowɑ ɑ sɑ̃ɑ Gusunɔ.

Wɑɑsu kowo 3:11

Yinni Gusunɔ u rɑ ɡɑ̃ɑnu kpuro kowɑ nin sɑɑ sɔɔ nu n wɑ̃. U mɑm doke tɔnun bwisikunu sɔɔ mɑ ɡɑ̃ɑnu wɑ̃ɑ ni nu ku rɑ kpe, bɑɑ mɛ tɔnu kun kpɛ̃ u tubu sɔmɑ ye Gusunɔ u mɔ̀ sɑɑ toren di sere kɑ hɑnduniɑn kpeerɔ.

Esɑi 40:28

I ǹ yɛ̃? I ǹ nuɑ mɑ Yinni Gusunɔ u rɑ n wɑ̃ɑ? Wiyɑ u tem tɑkɑ kuɑ. U ku rɑ mɑɑ wɑsire. Bɑ ǹ kpɛ̃ bu win bwisikunu ɡiɑ.

Romu 11:33

Annɑ ɑ Gusunɔn dukiɑ kɑ win bwisi kɑ win yɛ̃run dukum wɑ! Goo kun kpɛ̃ u win himbɑ tubu. Goo kun mɑɑ kpɛ̃ u win swɛɛ ɡiɑ.