Yoobu 5:5 - Bibeli Gusunɔn Gari

⁵ Tɔn tukobɑ koo win dĩɑ ni u ɡɑ̃ kɑtɑ ko bu ɡurɑ, bɑɑ kɑ ni u kɑrɑ koosi kɑ sɑ̃ki. Kpɑ be bɑ win dukiɑn binɛ mɔ bu ye suɑ bu kɑ doonɑ.

Yoobu 5:5 ပူးပေါင်းရင်းမြစ်များ

Bɑndun Gɑri II 33:11

Yerɑ Yinni Gusunɔ u Asirin sinɑ bokon tɑbu sinɑmbu ɡɔrɑ bɑ Mɑnɑse mwɑ bɑ yɔni doke, mɑ bɑ nùn bɔkuɑ kɑ sii ɡɑndun yɔni bɑ kɑ dɑ Bɑbiloniɔ.

Yoobu 1:15

Sɑbeɡibu bɑ nɑ bɑ wunɛn yɑɑ sɑbe ni wɔri, bɑ mwɛɛrɑ. Mɑ bɑ wunɛn sɔm kowobu ɡo ɡo kɑ tɑkobi. Nɛ turowɑ nɑ kpĩɑ nɑ bu kisirɑri. Yen sɔ̃nɑ nɑ nɑ n nun sɔ̃.

Yoobu 1:17

Sɑɑ ye sɔɔ, win tii u ɡɑri ɡerumɔ u ǹ kpɑ, win sɔm kowo ɡoo mɑɑ kɑ tunumɑ. U nùn sɔ̃ɔwɑ u nɛɛ, wee Kɑlɑdebɑn wuuru itɑ ɡɑɑ yɑ nɑ yɑ wunɛn yooyoosu wɔri yɑ mwɛɛrɑ. Mɑ bɑ wunɛn sɔm kowobu mwɛɛrɑ bɑ ɡo kɑ tɑkobi. Nɛ turowɑ nɑ bu kisirɑri. Yerɑ nɑ nɑ n nun ye sɔ̃.

Yoobu 12:6

Gbɛnɔbun yɛnu ɡɑ rɑ n wɑ̃ɑ ɑlɑfiɑ sɔɔ. Be bɑ Gusunɔ seesimɔ, bɑ rɑ n wɑ̃ɑ bɔri yɛndu sɔɔ. Bɑ rɑ n ben tiin dɑm sɑ̃ɑmɔ.

Yoobu 2:3

Yinni Gusunɔ u mɑɑ Setɑm bikiɑ u nɛɛ, ɑ nɛn sɔm kowo Yoobu wɑ mi? Goo sɑri wi u kɑ nùn weenɛ hɑnduniɑ sɔɔ. U rɑ mɑn mɛm nɔɔwɛ. U sĩimɔ ɡem sɔɔ. U ku rɑ kɔ̃sɑ kɑ̃. U mɑɑ mɑn nɑsie. Yerɑ ɑ swɑɑ kɑsu n kɑ nùn kɔ̃sɑ kuɑ u kun mɑn ɡɑ̃ɑnu kue?

Yoobu 20:15

Gɑbun dukiɑ ye u mwɛɛ, u koo ye siɑ. Gusunɔwɑ u koo ye yɑrɑ win nukurun di.

Yoobu 20:22

Bɑɑ ù n ye mɔ yɑ kpɑ̃, u ko n nuki sɑnkirewɑ. Sɑ̃ɑru tɑ koo nùn wɔriwɑ.

Yoobu 22:10

Yen sɔ̃nɑ yɛ̃ri nun wɑ̃ɑsi beri berikɑ, mɑ bɛrum nun mwɑ subɑru sɔɔ.

Womusu 109:11

Bèn dibu u nɛni, bu nɑ bu win yɑ̃nu kpuro ɡurɑ. Kpɑ tɔn tukobu bu win dukiɑ ɡurɑ.

Esɑi 62:8

Nɛ, Yinni Gusunɔ, nɑ bɔ̃ruɑ kɑ nɛn dɑm, nɑ nɛɛ, nɑ ǹ mɑɑ wunɛn ɑlikɑmɑ yibɛrɛbɑ wɛ̃ɛmɔ bu di. Mɛyɑ sɔbu bɑ ǹ mɑɑ wunɛn tɑm nɔrumɔ, mɛ mu sɑ̃ɑ wunɛn sɔmburun ɑre.

Yeremi 51:34

Yerusɑlɛmu yɑ nɛɛ, Bɑbilonin sinɑ boko Nɛbukɑnɛsɑɑ u rɑɑ mɑn ɡurɑ, mɑ u mɑn deri nɡe weke diiru. U mɑn sɛ̃re nɡe yɑɑ ɡɔbɑ, mɑ u suɑ ye yɑ ɡeɑ sɑ̃ɑ kpuro nɛ sɔɔ. Yen biru u nɛn tɔmbu ɡirɑ.

Yeremi 51:44

Yinni Gusunɔ u mɑɑ nɛɛ, kon Bɑbilonin bũu wi bɑ mɔ̀ Bɛli seesi. Kon nùn siɑsiɑ ye u rɑɑ mwɛ, kpɑ tɔmbu bu ku mɑɑ nɑ win mi. Wee Bɑbilonin ɡbɑ̃rɑrɑ wɔrumɑ.

Swĩi 2:16

Kpɑ yibɛrɛbɑ bɑ n nɔɔ tɛndu bɛri bɑ n nun yɛ̃ɛmɔ bɑ n mɔ̀, sɑ nun mwɛ nɡe dĩɑ dɔkɑ. Wee, tɔ̃ɔ te sɑ mɑrɑ tɑ tunumɑ, sɑ tu wɑ.

Swĩi 2:5

Yinni Gusunɔ u Isirelibɑ wɔri nɡe yibɛrɛ. U bu mwɑ nɡe dɔ̃ɔ u ben dii ɡeenu di. U ben ɡbɑ̃rɑnu kɔsukɑ, mɑ u derɑ wuri yi nɔɔrɑmɔ bɑɑmɑ ben suunu sɔɔ.

Osee 8:7

Wee i woo duurɑ, yen sɔ̃nɑ i ko i woo bɔkɔ ɡɛ̃. Mɔndu ɡɑrɑ nɛɛ, dobi bɛm sɑri ku rɑ n som mɔ. I n mɑɑ yɛ̃ mɑ bɛɛn ɡbeɑn dĩɑnu nù n dɑɑ ɡeɑ kuɑ, sɔbɑ bɑ koo nu ɡurɑ.

Sɔ̃ɔsiru 28:33

Bwese tuku ni i ǹ yɛ̃ nu koo nɑ nu bɛɛn tem dĩɑnu kpuro kɑ bɛɛn wɑhɑlɑ ye i kuɑn ɑre di. Bɑ ko n bɛɛ dɑm dɔremɔwɑ kpɑ bɑ n bɛɛ tɑki dimɔ bɑɑdommɑ.

Sɔ̃ɔsiru 28:51

Tɑ koo bɛɛn yɑɑ sɑbenu kɑ bɛɛn ɡbeɑn dĩɑnu mwɛɛriwɑ sere tu kɑ bɛɛ kɑm koosiɑ. Tɑ ǹ bɛɛ dĩɑnu ɡɑnu deriɑmmɛ ǹ kun mɛ ɡum ǹ kun mɛ tɑm ǹ kun mɛ yɑɑ sɑberu.

Kpɑrobu 6:11

Yen biruwɑ Yinni Gusunɔn ɡɔrɑdo u nɑ Ofɑrɑɔ u sinɑ dɑ̃ru ɡɑrun nuurɔ. Dɑ̃ɑ te, tɑ sɑ̃ɑwɑ Yoɑsiɡiru wi u sɑ̃ɑ Abiesɛɛn bweseru. Win bii Gedeoni u ɑlikɑmɑ soomɔ dɑ̃ɑ bii ɡɑmɑ yerɔ Mɑdiɑnibɑ bu ku rɑɑ kɑ nùn wɑ.