Yoobu 5:18 - Bibeli Gusunɔn Gari

¹⁸ Domi wiyɑ u rɑ tɔnu mɛɛrɑ ko, kpɑ u yɛ̃ron bosu nɔɔri. Wiyɑ u rɑ tɔnu kɔsuku, kpɑ u nùn bɛkiɑ.

Yoobu 5:18 ပူးပေါင်းရင်းမြစ်များ

Womusu 147:3

U be bɑ nuki sɑnkire nukuru yɛmiɑsiɑmɔ. U ben mɛɛrɑn bosu bɔkumɔ.

Esɑi 19:22

U bu mɛɛrɑ kuɑ, ɑdɑmɑ u koo bu bɛkiɑ. Bɑ koo ɡɔsirɑ win mi, kpɑ u ben kɑnɑru nɔ u bu fɑɑbɑ ko.

Esɑi 30:26

Kpɑ Yinni Gusunɔ u win tɔmbun bosu nɔɔri, kpɑ u bu bɛkiɑ mi u bu mɛɛrɑ kuɑ. Dɔmɑ terɑ, surun yɑm bururɑm mu koo ko nɡe sɔ̃ɔɡim, kpɑ sɔ̃ɔɡim mu dorɑ mu sosi nɔn nɔɔbɑ yiru n kere yellu.

Yeremi 30:17

Adɑmɑ bɛɛ, be bɑ rɑɑ mɔ̀ i kɑm kuɑ, mɑ ɡoo kun bɛɛn lɑɑkɑri mɔ̀, kon bɛɛn mɛɛrɑn bosu bɛkiɑ. Nɛ, Yinni Gusunɔwɑ nɑ yeni ɡeruɑ.

Osee 6:1

Isirelibɑ bɑ sɔ̃ɔnɑ bɑ nɛɛ, i nɑ su ɡɔsirɑ Yinni Gusunɔn mi. Wee u sun so u mɛɛrɑ kuɑ. Adɑmɑ u koo bɛsɛn mɛɛrɑ ye nɔɔri u sun bɛkiɑ.

Sɑ̃ɑrun Woodɑ 14:48

Sɑnɑm mɛ bɑ dii te sɔnwɑ bɑ kpɑ, yɑ̃ku kowo ù n wurɑ u kɑ tu mɛɛri, mɑ u deemɑ disi ɡɔmi yi sɑri, u koo dii te ɡɑrisiwɑ tɑ dɛɛre. Domi disi ɡɔmi yi, yi doonɑ.

Sɔ̃ɔsiru 32:39

Yinni Gusunɔ u nɛɛ, nɛnɑ nɑ wɑ̃ɑ. Goo mɑɑ sɑri wi u sɑ̃ɑ Gusunɔ. Nɛnɑ nɑ rɑ ɡo, nɛnɑ nɑ rɑ mɑɑ seeye. Nɛnɑ nɑ rɑ mɛɛrɑ ko kpɑ n wure n bɛkiɑ. Goo sɑri wi u koo kpĩ u tɔnu wɔrɑ nɛn nɔmun di.

Sɑmuɛli I 2:6

Yinni Gusunɔwɑ u rɑ de tɔnu u ɡbi. Wiyɑ u rɑ mɑɑ de u n wɑ̃ɑ. Wiyɑ u rɑ de u dɑ ɡɔriɔ. Wi turo wiyɑ u rɑ mɑɑ nùn yɑre min di.