Yoobu 4:4 - Bibeli Gusunɔn Gari

⁴ Wunɛn ɡɑri yi be bɑ rɑɑ kpɑnɑmɔ dɑm kɑ̃. Mɑ ɑ be bɑ ɡɔmɑ dwiiyɑ tɑ̃sisiɑ.

Yoobu 4:4 ပူးပေါင်းရင်းမြစ်များ

Yoobu 29:11

Wi u nɛn ɡɑri nuɑ u rɑ nɛɛwɑ, doo nɔɔruɡiiwɑ nɑ sɑ̃ɑ. Wi u mɑɑ mɑn wɑ seedɑ ɡeɑ u rɑ mɑn diiye.

Yoobu 29:25

Nɛnɑ nɑ rɑ n bu swɑɑ ɡbiiye, kpɑ nɑ n wɑ̃ɑ ben suunu sɔɔ nɡe sinɑ boko wi u rɑ win tɔmbu nukuru yɛmiɑsie.

Yoobu 4:3

Wee tɔn dɑbinɑ ɑ keu sɔ̃ɔsi, mɑ ɑ nuku sɑnkirobu dɑm kɑ̃.

Yoobu 4:5

Wee tɛ̃ ɡɑri yi nun deemɑ, mɑ ɑ kpɑnɑmɔ. Wee wɑhɑlɑ yɑ nun ɡirɑri, mɑ ɑ burisinɛ.

Womusu 145:14

Yinni Gusunɔ, ɑ rɑ tɔn be bɑ wɔrumɑɑ dɔɔ ɡɑbe, kpɑ ɑ be bɑ dɑm dwiiyɑ tɑ̃sisiɑ.

Mɔnnu 12:18

Wi u rɑ ɡɑri ɡere u kun bwisikɑ, u rɑ kɑ yi tɔmbu sɔkuwɑ nɡe tɑkobi, ɑdɑmɑ bwisiɡiin ɡɑri yi rɑ tɔnu bɛkiewɑ.

Mɔnnu 25:11

Gɑri yi bɑ ɡeruɑ sɑɑ ye n weenɛ, yi sɑ̃ɑwɑ nɡe ɡɑ̃ɑ ni bɑ burɑru kuɑ kɑ wurɑ ǹ kun mɛ kɑ sii ɡeesu.

Esɑi 50:4

Yinni Gusunɔ u mɑn keu kuɑ kpɑ n kɑ kpĩ n wi u wɑsire dɑm kɛ̃. U rɑ nɛn lɑɑkɑri yɑmiɛ bururu bɑɑtere n kɑ kpĩ n nùn swɑɑ dɑki, nɡe keu bii.

Dɑniɛli 5:6

Yerɑ u nɑndɑ, win wuswɑɑ burisinɑ. Win tororɑ kɑrɑ, u diirimɔ sere win dũu winu soonɑmɔ.

Korinti II 2:7

Yen sɔ̃ tɛ̃, n weenɛ i nùn suuru kuɑ i nùn dɑm kɛ̃ kpɑ nuku sɑnkirɑ bɑkɑnu nu ku rɑɑ de u kom yɑɑ biɑ.

Korinti II 7:6

Adɑmɑ Gusunɔ wi u bwɛ̃ɛbwɛ̃ɛbu dɑm kɛ̃mɔ, u derɑ Titun nɑɑrɑ sun dɑm kɑ̃.

Tɛsɑlonikɑ I 5:14

Sɑ bɛɛ kɑnɑmɔ nɛɡibu, i mɛm nɔɔ sɑriruɡibu kirɔ koowo. I bu dɑm kɛ̃ɛyɔ be bɑ mwiɑ kpɑnɛ. I dɑm sɑriruɡibu somiɔ. I kɑ tɔmbu kpuro tɛmɑnɔ.

Heberu 12:12

Bɛɛ be i wɑsire i nɔmɑ sɑ̃ɑre, i tii tɑ̃sisio i nɔmɑ suɑ kpɑ i de bɛɛn dũɑ yɑ n dɑm mɔ.