Yoobu 38:11 - Bibeli Gusunɔn Gari

¹¹ Nɑ ɡu sɔ̃ɔwɑ nɑ nɛɛ, ɡu nɑ sere mini, kpɑ ɡu yɔ̃rɑ ɡu ku sɑrɑ. Miniwɑ ɡen nim kurenun dɑm mu koo yɔ̃rɑ.

Yoobu 38:11 ပူးပေါင်းရင်းမြစ်များ

Sinɑmbu I 13:28

Yerɑ u seewɑ u dɑ. Mɑ u deemɑ Gusunɔn sɔmɔn ɡoo te wee tɑ kpĩ. Mɑ kɛtɛku ɡe, kɑ ɡbee sunɔ ɡe, nu yɔ̃ ɡoo ten bɔkuɔ. Adɑmɑ ɡbee sunɔ ɡe, ɡɑ ǹ ɡoo te temɛ, ɡɑ ǹ mɑɑ kɛtɛku ɡe ɡo.

Yoobu 1:22

Kɑ yen de kpuro Yoobu kun Gusunɔ kɔ̃sɑ ɡɑɑ mɑni. U ǹ mɑɑ nùn torɑri.

Yoobu 2:6

Mɑ Yinni Gusunɔ u Setɑm sɔ̃ɔwɑ u nɛɛ, wee nɑ nun nùn nɔmu bɛriɑ, ɑdɑmɑ ɑ ku nùn ɡo.

Yoobu 26:10

Mɑ u bubenu kuɑ nim wɔ̃kun wɔllɔ, mi yɑm bururɑm kɑ yɑm wɔ̃kurɑ kɑrɑnɛ.

Yoobu 38:10

Nɑ ɡu woodɑ wɛ̃ nɑ nɛɛ, ɡu yɔ̃ro mini. Mɑ nɑ ɡu ɡɑmbobɑ kɑ kɔkɔrɔbɑ dokeɑ.

Yoobu 38:12

Sɑɑ mìn di ɑ wɑ̃ɑ, ɑ sɔ̃ɔ sɔ̃ɔre u yɑrio bururu,

Womusu 104:9

A nim mɛ yɔ̃rɑ yeru kuɑ mu ku rɑɑ kɑ sɑrɑ mu mɑɑ tem wukiri.

Womusu 124:5

Nim kure dɑmɡinɑ nu koo sun tɑɑre.

Womusu 89:9

Gusunɔ, wɔllu kɑ tem Yinni, wɑrɑ u dɑm mɔ nɡe wunɛ. Wunɛn bɔrɔkinirɑ nun kɑrewɑ tɑ kɑ sikerenɛ.

Mɔnnu 8:29

Sɑnɑm mɛ u nim wɔ̃kun nim yɔ̃rɑ yeru sɔ̃ɔsi u nɛɛ, mu ku tu sɑrɑ, mɑ u tem tɑ̃sisiɑ,

Esɑi 27:8

U bu sɛɛyɑsiɑwɑ sɑkɑ sɔɔ. U derɑ yibɛrɛbɑ bɑ nɑ nɡe sɔ̃ɔ yɑri yerun woo dɑmɡuu, bɑ bu ɡurɑ bɑ kɑ doonɑ.

Yeremi 5:22

Bɑ ǹ koo mɑn nɑsiɑ? Bɑ ǹ koo diiri nɛn wuswɑɑɔ? Nɛnɑ nɑ derɑ yɑni sɛɛri yi nim wɔ̃kun nim ɡunuɑ. Mɑ nɑ nɛɛ, mu ǹ mɑɑ sɑrɑmɔ mi nɑ mɛn nɔɔ burɑ yeru yi mi. Miyɑ mu ko n wɑ̃ɑ sere kɑ bɑɑdommɑɔ. Bɑɑ mɛ nim kurenu nu rɑ se, nu ǹ dɑm mɔ. Bɑɑ mɛ nu rɑ wɔki, mu ku rɑ ɡɑm de.