Yoobu 32:13 - Bibeli Gusunɔn Gari

¹³ Yen sɔ̃, i ku ɡere i nɛɛ, i win ɡɑrin wɛ̃ɛ nɔɔ wɑ. Gusunɔ turowɑ koo kpĩ u nùn siri, n ǹ mɔ tɔnu.

Yoobu 32:13 ပူးပေါင်းရင်းမြစ်များ

Yeremi 9:23

Adɑmɑ wi u kĩ u woo kɑnɑ, u woo kɑnɔ yèn sɔ̃ u bwisi mɔ u kɑ mɑn tubu, mɑ u yɛ̃ mɑ nɛnɑ nɑ sɑ̃ɑ Yinni Gusunɔ. Nɑ sɑ̃ɑwɑ nɑɑnɛɡii wi u rɑ siri dee dee, kpɑ u de durom mu n wɑ̃ɑ tem sɔɔ. Tɔn benin bweserɑ bɑ rɑ mɑn wɛ̃re. Nɛ, Yinni Gusunɔwɑ nɑ yeni ɡeruɑ.

Korinti I 3:18

I ku de ɡoo u win tii nɔni wɔ̃ke. Bɛɛn wi u tɑmɑɑ u bwisi mɔ hɑnduniɑ ye sɔɔ, u de u ko ɡɑri bɔkɔ kpɑ u bwisi ɡee wɑ u mwɑ.

Yohɑnu 19:11

Mɑ Yesu u nùn wisɑ u nɛɛ, ɑ ǹ dɑm ɡɑm mɔ nɛ sɔɔ bɑ̀ kun nun mɛ wɛ̃ wɔllun di. Yen sɔ̃nɑ wi u mɑn nun nɔmu sɔndiɑ, win tɑɑrɛ yɑ wunɛɡiɑ kere.

Sɑkɑri 12:7

Nɛ, Yinni Gusunɔ kon Yudɑbɑn yɛnusu fɑɑbɑ ko, kpɑ Dɑfidin yɛnun bɛɛrɛ kɑ Yerusɑlɛmuɡibun bɛɛrɛ yu ku rɑɑ Yudɑ be bɑ tieɡiɑ kerɑ.

Esekiɛli 28:3

U tɑmɑɑ u Dɑniɛli bwisi kere mɑ ɑsiri ɡɑɑ kun nùn berue.

Esɑi 48:7

Tɛ̃rɑ nu koo koorɑ, n ǹ mɔ ni nu rɑɑ koorɑ. I ǹ dɑɑ nin ɡɑri nɔɔre mɑ n kun mɔ ɡisɔ, kpɑ i ku rɑ kɑ ɡere i nɛɛ, i rɑɑ nu yɛ̃ kɔ.

Esɑi 48:5

Yen sɔ̃nɑ nɑ bɛɛ yeni kpuro nɔɔsiɑ sɑɑ yellun di. Nɑ bɛɛ ye nɔɔsiɑwɑ yu sere tunumɑ, kpɑ i ku rɑ kɑ ɡere i nɛɛ, bɛɛn bũuwɑ u ye koosiɑ. Ǹ kun mɛ i nɛɛ, bɛɛn bwɑ̃ɑroku ɡe i kuɑ kɑ sii ɡɑndu ǹ kun mɛ kɑ dɑ̃ɑ, ɡerɑ ɡɑ yen woodɑ wɛ̃.

Esɑi 5:21

Bɔ̃rurobɑ be bɑ tɑ̃sɑ ben tii tiin yɛ̃ru sɔɔ, mɑ bɑ tii mɛɛrɑ bwisiɡibu.

Yoobu 19:21

Nɛn bɔrɔbɑ, i nɛn wɔnwɔndu wɑɑwo. Domi Yinni Gusunɔwɑ u mɑn sɛɛyɑsiɑmɔ.

Yoobu 19:6

I de i n yɛ̃ mɑ Gusunɔwɑ u kɑ mɑn mɔ̀. Mɑ u mɑn suremɔ win yinɑ sɔɔ.

Yoobu 12:2

mɛyɑ, bɛɛyɑ i tɔmbun yɛ̃ru kpuro mɔ. Ì n ɡu, bwisi kpɑwɑ mi hɑnduniɑɔ.

Yoobu 6:4

Domi Dɑm kpuroɡii u mɑn yɑburɑ kɑ sɛ̃ɛnu. Mɑ nin dɛ̃ɛ nɛn wɑsi duuri. Mɑ u mɑn ɡɑ̃ɑ nɑnumɡinu kpɑre nɡe tɑbu kowo.

Yoobu 4:9

Bɑ rɑ n Gusunɔn mɔru seeye kpɑ yu kɑ bu kɑm koosiɑ nɡe woo bɔkɔ.

Yoobu 2:10

Adɑmɑ Yoobu u kurɔ wi wisɑ u nɛɛ, ɑ ɡɑri mɔ̀wɑ nɡe ɡɑri bɔkɔ. A tɑmɑɑ sɑ̀ n ɡeɑ wɑɑmɔ Gusunɔn min di, sɑ ǹ mɑɑ kɔ̃sɑ wɑsi win min di? Kɑ yen de kpuro, Yoobu kun Gusunɔ ɡɑri kɑm ɡerusi.

Yoobu 1:21

wee nɑ yɑrɑwɑ tereru nɛn mɛron nukurun di. Tererɑ bɑ koo mɑɑ mɑn sike. Yinni Gusunɔwɑ u rɑɑ mɑn ye kpuro wɛ̃, wiyɑ u mɑɑ ye kpuro suɑ. Yen sɔ̃, kon nùn siɑrɑ.

Kpɑrobu 7:2

Yerɑ Yinni Gusunɔ u Gedeoni sɔ̃ɔwɑ u nɛɛ, wunɛn tɔn be, bɑ dɑbi too. Nɑ̀ n bu Mɑdiɑnibɑ nɔmu bɛriɑ bɑ ko n tɑmɑɑ ben tiin dɑmɑ bɑ kɑ bu kɑmiɑ. Bɑǹ koo mɑɑ mɑn siɑrɑ.

Torubu 14:23

mɑ nɑ ǹ ɡɑ̃ɑnu ɡɑnu suɑmɔ ni nu sɑ̃ɑ wunɛɡinu bɑɑ wɛ̃ɛ siirɑ, bɑɑ bɑrɑ wɛ̃ru kpɑ ɑ ku rɑ kɑ nɛɛ, wunɑ ɑ mɑn kuɑ dukiɑɡii. Nɑ ǹ ɡɑ̃ɑnu ɡɑnu suɑmɔ,

Yoobu 31:40

tu sɑ̃ki kɑ yɑkɑ kɔ̃susu kpiiyo dĩɑnun ɑyerɔ. Yoobun ɡɑrin kpurowɑ mi.

Yoobu 32:12

Nɑ bɛɛ swɑɑ dɑki kɑ lɑɑkɑri, ɑdɑmɑ nɑ wɑ bɛɛn ɡoon ɡɑri kun Yoobu kɑmiɛ. Goo kun mɑɑ kpĩɑ u nùn wisɑ dee dee.

Yoobu 32:14

N ǹ nɛ Yoobu u kɑ ɡɑri kuɑ. Ǹ n dɑɑ nɛn nɑ, ye kon nùn wisi nɛnɛmɑ.