Yoobu 27:23 - Bibeli Gusunɔn Gari

²³ Tɔmbu bɑ̀ n wɑ mɛsum kpɑ bu nùn yɛ̃ɛ bɑ n tɑki mɔ̀, kpɑ bu nùn wiɑ koosi sɑɑ ye u doonɔ.

Yoobu 27:23 ပူးပေါင်းရင်းမြစ်များ

Sinɑmbu I 9:8

Wi u rɑɑ dii ten kpɑ̃ɑru yɛ̃, ù n doonɔ mi, mɑ u ten bɑnsu wɑ biti koo nùn mwɑ u nɛɛ, kuku! Mbɑn sɔ̃nɑ Yinni Gusunɔ u tem mɛɡibu kuɑ mɛ, kɑ mɑɑ dii teni.

Yoobu 18:18

Domi bɑ nùn yɑrɑ yɑm bururɑm di, bɑ sure yɑm wɔ̃kuru sɔɔ. Mɑ bɑ nùn ɡirɑ hɑnduniɑn di.

Yoobu 20:8

Bɑ koo nùn duɑriwɑ nɡe dosu. U koo doonɑwɑ nɡe wɔ̃kurun kɑ̃siru.

Yoobu 28:1

Yoobu u nɛɛ, tɔmbɑ yɛ̃ mìn di sii ɡeesu kɑ wurɑ yɑ rɑ yɑri bu sere ye teɑ.

Yoobu 34:37

U win durum sɔɔ durum sosimɔ. Domi u Gusunɔ seesimɔwɑ win ɡɑri ɡerubu sɔɔ, u nùn yɛ̃ɛmɔ bɛsɛn suunu sɔɔ.

Yoobu 7:10

U ǹ mɑɑ wee u sinɑ win yɛnuɔ. Bɑ koo nùn duɑriwɑ mɑm mɑm.

Mɔnnu 11:10

Sɑnɑm mɛ ɡemɡibɑ kuurɑmɔ, wuuɡibu bɑ rɑ n nuku dobu mɔwɑ. Tɔn kɔ̃sobu bɑ̀ n mɑɑ biru wurɑ, bɑ rɑ n yɛ̃ɛrimɔwɑ.

Yeremi 19:8

Kpɑ n de Yerusɑlɛmu yu ko bɑnsu si bɑ koo yɛ̃ɛ. Wi u sɑrɔ mi kpuro, ù n ye wɑ, u biti soorɑ u wiɑ ko nɔni swɑ̃ɑ ten sɔ̃.

Swĩi 2:15

Wee, tɛ̃ wi u sɑrɔ u rɑ nun tɑkɑ koosiwɑ u yɛ̃ɛ, kpɑ u wiɑ ko u nɛɛ, wuu ɡeniwɑ bɑ rɑ rɑɑ soku wuu burɔ, ɡèn sɔ̃ hɑnduniɑn tɔmbu kpuro bɑ rɑ n nuku dobu mɔ̀?

Esekiɛli 25:6

Wee ye nɛ, Yinni Gusunɔ nɑ mɑɑ ɡeruɑ. Nɑ nɛɛ, yèn sɔ̃ bɑ tɑki kuɑ, bɑ yɔ̃ɔkɑ mɑ bɑ nuku dobu kuɑ sɑnɑm mɛ Isirelibɑ bɑ nɔni sɔ̃ɔre,

Misee 6:16

Domi i sinɑ boko Omirin dɑɑ kɔ̃sɑ sɑɑrimɔ kɑ sere mɑɑ Akɑbuɡiɑ. I ben dɑɑ sɑɑrimɔwɑ mɑm mɑm. Yen sɔ̃nɑ kon de bɛɛn wuu ɡu ko bɑnsu. Kpɑ n de bu bɛɛ yɛ̃ɛ. I ko i sekuru wɑ bɛɛ kpuro nɡe mɛ nɛn tɔmbu bɑ rɑ wɑ.

Nɑhumu 3:19

Goo kun wunɛn mɛɛrɑ ye nɔɔrimɔ. Yɑ koo nun ɡowɑ. Wi u nuɑ ye yɑ nun deemɑ, u koo tɑkɑ kowɑ nuku dobun sɔ̃. Domi ɡoo sɑri wi ɑ ǹ nɔni sɔ̃ɔwɑ.

Sofoni 2:15

Nɡe mɛyɑ wuu ɡe, ɡɑ koo ko, ɡe, ɡe ɡɑ rɑɑ tii sue mi, mɑ ɡɑ tɑmɑɑ ɡɑ wɑ̃ɑwɑ bɔri yɛndu sɔɔ, mɑ ɡɑ tii sɔ̃ɔmɔ ɡɑ mɔ̀, ɡerɑ ɡɑ kpuro kere. Wee ɡɑ wɔrumɑ ɡɑ bɑnsu kuɑ. Gɑ kuɑ yɛɛn wɑ̃ɑ yeru. Wi u sɑrɔ mi, u koo wiɑ kowɑ u nɔmɑ kpɑrɑ.

Kɑ̃siru 18:20

Wɔllu, ɑ ɡɔ̃ru doro wuu ɡen sɔ̃. Bɛɛ mɑɑ nɑɑnɛ dokeobu kɑ ɡɔrobu kɑ Gusunɔn sɔmɔbu, i ɡɔ̃ru doro yèn sɔ̃ Gusunɔ u ɡu siri ye ɡɑ bɛɛ kuɑn sɔ̃.