Yoobu 27:14 - Bibeli Gusunɔn Gari

¹⁴ Bɑ̀ n bibu mɑrɑ bɑ dɑbi, bɑ koo ɡbiwɑ tɑbu sɔɔ. Ben bibu bɑ ǹ dĩɑnu wɑsi bu di bɑ n kɑ wɑ̃ɑ.

Yoobu 27:14 ပူးပေါင်းရင်းမြစ်များ

Sɔ̃ɔsiru 28:41

I ko i bii tɔn durɔbu kɑ tɔn kurɔbu mɑ ɑdɑmɑ bɑ ǹ mɔ̀ bɛɛɡibu domi bɑ koo bu yoru mwɛɛriwɑ bu kɑ doonɑ tem tukumɔ.

Luku 23:29

Domi n wee, sɑnɑm sisi ye bɑ koo nɛɛ, doo nɔɔruɡibɑ wĩrobu kɑ bèn nukurɑ kun mɑrure, kɑ bèn bwɑ̃ɑ kun bii bɔm kɛ̃ɛre.

Yoobu 20:10

Sɑ̃ɑrobu bɑ koo win bibu wɔri. Nɡe mɛyɑ u koo kɑ bu wesiɑ ye u rɑɑ bu mwɑɑri kɑ dɑm.

Womusu 109:13

Bu win bibun bweseru ɡoowo, kpɑ win yĩsiru tu ɡbi.

Yoobu 15:22

Tɔn kɔ̃so wi, u ku rɑ n yĩiyɔ u yɑm wɔ̃kuru dukɑ suuri. Domi tɑkobi rɑ n nùn mɑrɑwɑ.

Ɛsitɛɛ 5:11

Mɑ u tii suɑ ɡɑri ɡeruɑ tɔn be kpuron wuswɑɑɔ, win dukiɑ bɑkɑ kɑ win bii tɔn durɔ dɑbi te u mɑrɑn sɔ̃ kɑ sere ɡirimɑ ye sinɑ boko u nùn doke u kɑ nùn kuɑ win sinɑ ɑsɑkpɔbu kpuron wiruɡii.

Sɑmuɛli I 2:5

Be bɑ rɑɑ deburu mɔ, berɑ bɑ tɛ̃ sɔmburu kɑsu bu kɑ dĩɑnu wɑ. Be ɡɔ̃ɔrɑ rɑɑ mɔ̀, beyɑ bɑ tɛ̃ wɛ̃re. Wĩro u mɑrɑ bibu nɔɔbɑ yiru. Adɑmɑ wi u rɑɑ bii dɑbinu mɑrɑ u tiɑ wi turo.

Sɔ̃ɔsiru 28:32

Bɑ koo bɛɛn bii tɔn durɔbu kɑ tɔn kurɔbu mwɛɛri bu ko tɔn tukobun yobu bɛɛn nɔni biru i n mɛɛrɑ, kpɑ i wɑsirɑ kɑ swɑɑn mɛɛribu sɑɑ kpuro, ɑdɑmɑ i ǹ kpɛ̃ i ɡɑ̃ɑnu ko.

Yoobu 4:11

Bɑ ko n sɑ̃ɑwɑ nɡe ɡbee sunɔ mɛro ɡe ɡɑ yɑɑ biɑ ɡu di, mɑ ɡɑ ɡu, ɡen binu yɑrinɑ.

Yoobu 18:19

Win bii ɡoo kun nùn bibu mɑruɑmmɛ. Domi win yɛnuɡibu kpuro bɑ koo ɡbi.

Womusu 109:10

Kpɑ win bibu bu ko yɑɑyɑɑre kowobu, bɑ n bɑrɑ mɔ̀. Kpɑ bu ben wuu deri ɡu ko bɑnsu, bu dɑ bɑ n dĩɑnu kɑsu mi n tomɑ.