1 Yoobu u kpɑm win ɡɑri ɡerubu toruɑ u nɛɛ,
Bɛɛn ɡɑri sɑɑrinu nu sɑ̃ɑwɑ nɡe torom. Ye i ɡerumɔ yɑ ǹ dɑm mɔ nɡe weke te bɑ kɑ sɔndu mɔmɑ.
Yoobu u mɑɑ win ɡɑri ɡerum wɔri u nɛɛ,
Nɑ kon ɡɑri bwisiɡii ɡere. Nɛn bwisikunu nu mɑɑ ɑsɑnsi mɔ.
Kon bɛɛ fɑɑɡi ɡɑɑ kuɑ kɑ mɔnnu ye yɑ sɑ̃ɑ yellun ɡɑri.
Nɡe mɛ yɛmɔn nɑɑsu su ǹ ɑrufɑɑni mɔ, nɡe mɛyɑ ɡɑri bɔkɔn mɔndu tɑ ǹ ɑrufɑɑni mɔ.
Sɑɑ yerɑ Bɑlɑmu u ɡɑri ɡeruɑ u nɛɛ, wee Bɑlɑki Mɔɑbun sunɔ u derɑ nɑ nɑ sɑɑ Arɑmun di. Wiyɑ u derɑ nɑ sɑrɑmɑ sɑɑ sɔ̃ɔ yɑri yerun ɡuunun di. U nɛɛ, n be nɑ n Yɑkɔbun bweseru bɔ̃rusi. N be nɑ n kɑ be Isirelibɑ mɔru ko.
Mɑ u mɑɑ nɛɛ, wee ye nɛ Bɑlɑmu Beorin bii nɑ ɡerumɔ, nɛ wi nɑ rɑ yɑm wɑ.
Mɑ u ɡɑri ɡerubu wɔri u nɛɛ, nɛ, Bɑlɑmu, Beorin bii, wee ye nɑ ɡerumɔ. Nɑ rɑ yɑm wɑ.
