Yoobu 24:9 - Bibeli Gusunɔn Gari

⁹ Tɔn kɔ̃so wi, u rɑ ɡobeku mwɛwɑ kɑ dɑm. Kpɑ u sɑ̃ɑron yɑbe tee te u mɔ tɔrubɑ mwɑ.

Yoobu 24:9 ပူးပေါင်းရင်းမြစ်များ

Sinɑmbu II 4:1

Sɔ̃ɔ teeru kurɔ ɡoo u nɑ Eliseen mi. N deemɑ win durɔ u rɑɑ wɑ̃ɑwɑ Gusunɔn sɔmɔn bwɑ̃ɑbu wuuru sɔɔ. Yerɑ kurɔ wi, u Elisee nɔɔɡiru sue u nɛɛ, wee nɛn durɔ wi u sɑ̃ɑ wunɛn sɔm kowo u ɡu. A mɑɑ yɛ̃ mɑ u Yinni Gusunɔ nɑsie. Yerɑ u durɔ ɡoon dibu nɛni. Durɔ wiyɑ u nɑ u nɛn bibu yiru mwɑ. U bu kuɑ yobu.

Nɛɛmi 5:5

Adɑmɑ bɛsɛ kpuro sɑ sɑ̃ɑwɑ bwese teeru. Bɛsɛn bibu kɑ ben bibu tiɑ yerɑ. Adɑmɑ bɑ sun tilɑsi mɔ̀ su kɑ bɛsɛn bibu yoru kpɛ̃ɛ. Bɛsɛn bii wɔndiɑ dɑbiru tɑ mɑm wɑ̃ɑ yoo te sɔɔ kɔ. Sɑ ǹ mɑɑ kpɛ̃ su ɡɑ̃ɑnu ko domi wee bɑ bɛsɛn ɡbeɑ kɑ bɛsɛn resɛm ɡbɑɑnu tɔrubɑ mwɑ.

Yoobu 22:6

Domi ɑ wunɛn berusebun yɑ̃nu tɔrubɑ mwɑ, mɑ ɑ bu deri tereru.

Yoobu 24:10

Be wee, bɑ yɔ̃su bɑsi tɔn kɔ̃son kɑrɑ sɔɔ. Bɑ doo bɔkɑ sɔɔwɑ, mɑ ɡɔ̃ɔrɑ bu mɔ̀. Bɑ nùn ɡum kuɑmmɛ, bɑ resɛm ɡɑmɑmɔ. Adɑmɑ bɑ ǹ kɑ̃kɔ bu ye nɔ, bɑɑ mɛ nim nɔru ɡɑ bu mɔ̀.

Yoobu 24:8

Be wee bɑ dɑ bɑ bɑkɑ kpee bɑɑbɑ sɔɔ yèn sɔ̃ bɑ ǹ wɑ̃ɑ yeru mɔ. Miyɑ ɡurɑ bu wɑɑyɑmɔ.

Yoobu 29:12

Domi nɑ rɑ wɔnwɔndo somi ù n somiru kɑnɑ, kpɑ n ɡobeku wi bɑ yinɑ bu somi dɑm kɛ̃.

Yoobu 6:27

Bɛɛ, i ko kpĩ i ɡobeku tɛtɛ toosi, kpɑ i mɑm bɛɛn bɔrɔ dɔrɑ.

Esɑi 3:14

U win siribu toruɑ kɑ win tɔmbun ɡuro ɡurobu, kɑ ben wiruɡibu. U nɛɛ, i tɔmbun dĩɑnu wɔrɑ mɑ i ye i sɑ̃ɑrobu mwɑɑri yii bɛɛn yɛnusɔ.

Sɔ̃ɔsiru 24:7

Bɛɛn ɡoo ù n win Isirelisi mwɑ u ɡɔsiɑ yoo ǹ kun mɛ u nùn dɔrɑ, i ko i yɛ̃ro wi ɡowɑ. Nɡe mɛyɑ i ko i kɑ kɔ̃sɑ yen bweseru wunɑ bɛɛn suunu sɔɔn di.