Yoobu 22:12 - Bibeli Gusunɔn Gari

¹² Sɑ yɛ̃ mɑ Gusunɔ u wɑ̃ɑ wɔllɔ. A mɛɛrio ɑ wɑ sere mi kperi wɑ̃ɑ.

Yoobu 22:12 ပူးပေါင်းရင်းမြစ်များ

Yoobu 11:7

A tɑmɑɑ kɑɑ kpĩ ɑ Gusunɔn bwisikunu tubu? A tɑmɑɑ kɑɑ kpĩ ɑ wi, Dɑm kpuroɡii ɡiɑ mɑm mɑm?

Yoobu 11:8

Win yɛ̃ru tɑ wɔllu ɡunum kere. Ǹ n mɛn nɑ, mbɑ kɑɑ ko. Tɑ mɑɑ ɡɔribun wɑ̃ɑ yeru dukum kere. Ǹ n mɛn nɑ, mbɑ kɑɑ tubu mi.

Yoobu 35:5

A wɔllu mɛɛrio, kpɑ ɑ ɡuru winu lɑɑkɑri ko nɡe mɛ nu tomɑ.

Womusu 115:16

Wɔllu tɑ sɑ̃ɑwɑ wiɡiru, mɑ u tɔmbu tem wɛ̃.

Womusu 115:3

Gusunɔ bɛsɛn Yinni u wɑ̃ɑ wɔllɔ, u mɔ̀ ye u kĩ.

Wɑɑsu kowo 5:1

A ku ɡɑri ɡere kɑ sɛndɑru. A ku mɑɑ Gusunɔ nɔɔ mwɛɛru kuɑ kɑ sɛndɑru. Domi u wɑ̃ɑwɑ wɔllɔ mɑ wunɛ ɑ wɑ̃ɑ temɔ. A ku de wunɛn ɡɑri yi n dɑbi.

Wɑɑsu kowo 5:2

Geemɑ, bwisiku dɑbinɑ nu rɑ kɑ dosusu nɛ. Gɑri sɑɑri dɑbiru sɔɔrɑ mɑɑ ɡɑri kɑnkɑm ɡerubu wɑ̃ɑ.

Esɑi 57:15

Nɛ, Gusunɔ Wɔrukoo, nɛ wi nɑ dɛɛre, nɑ wɑ̃ɑ wɔllɔ sere kɑ bɑɑdommɑɔ, ɑdɑmɑ nɑ mɑɑ wɑ̃ɑ kɑ tɔnu wi bɑ tɑɑre mɑ win nuki sɑnkire, kpɑ n kɑ nùn dɑm kɛ̃.

Esɑi 66:1

Yinni Gusunɔ u nɛɛ, wɔllɑ sɑ̃ɑwɑ nɛn sinɑ ɡɔnɑ, mɑ tem mu sɑ̃ɑ nɛn nɑɑ sɔnditiɑ. Ǹ n mɛn nɑ, dii teren bweserɑ i ko kpĩ i mɑn bɑniɑ. Nɡe wɑ̃ɑ yee terɑ̀ i ko mɑn wɛ̃ nɑ n dɑ n wɛ̃re mi.