Yoobu 2:3 - Bibeli Gusunɔn Gari

³ Yinni Gusunɔ u mɑɑ Setɑm bikiɑ u nɛɛ, ɑ nɛn sɔm kowo Yoobu wɑ mi? Goo sɑri wi u kɑ nùn weenɛ hɑnduniɑ sɔɔ. U rɑ mɑn mɛm nɔɔwɛ. U sĩimɔ ɡem sɔɔ. U ku rɑ kɔ̃sɑ kɑ̃. U mɑɑ mɑn nɑsie. Yerɑ ɑ swɑɑ kɑsu n kɑ nùn kɔ̃sɑ kuɑ u kun mɑn ɡɑ̃ɑnu kue?

Yoobu 2:3 ပူးပေါင်းရင်းမြစ်များ

Torubu 6:9

domi u win woodɑbɑ mɛm nɔɔwɑ. U ǹ tɑɑrɛ mɔ win wɑɑti ye sɔɔ, mɑ u kɑ Gusunɔ swĩinɑ. Bii tɔn durɔbu itɑwɑ u mɑrɑ. Ben yĩsɑ wee, Sɛmu kɑ Kɑmu kɑ Yɑfɛti.

Sɑmuɛli II 20:20

Mɑ Yoɑbu u nùn wisɑ u nɛɛ, su ku wɑ mɛ, bu nɛɛ, nɛnɑ nɑ wuu ɡe kpeerɑsiɑ nɑ ɡen dukiɑ ɡurɑ.

Yoobu 1:1

Durɔ ɡoo wɑ̃ɑ Usiɔ, win yĩsirɑ Yoobu. Durɔ wi, u sɑ̃ɑwɑ wi u rɑ Gusunɔ mɛm nɔɔwɛ. U sɑ̃ɑ ɡemɡii, mɑ u Gusunɔ nɑsie. U ku rɑ kɔ̃sɑ kɑ̃.

Yoobu 1:11

Tɛ̃, ɑ win ye u mɔ nɔmu dokeo ɑ wɑ. Nɑ yɛ̃ kɑm kɑm mɑ u koo nun bɔ̃rusi wunɛn tiin wuswɑɑɔ.

Yoobu 1:6

Yerɑ sɔ̃ɔ teeru Yinni Gusunɔn ɡɔrɑdobɑ bɑ nɑ bɑ yɔ̃rɑ win wuswɑɑɔ. Mɑ Setɑm tii u mɑɑ nɑ u yɔ̃rɑ ben suunu sɔɔ.

Yoobu 1:8

Mɑ Yinni Gusunɔ u mɑɑ Setɑm bikiɑ u nɛɛ, ɑ nɛn sɔm kowo Yoobu wɑ mi? Goo sɑri wi u kɑ nùn weenɛ hɑnduniɑ sɔɔ. Durɔ wi, u rɑ mɑn mɛm nɔɔwɛ, kpɑ u n sĩimɔ ɡem sɔɔ. Mɛyɑ u ku rɑ kɔ̃sɑ kɑ̃. U mɑɑ mɑn nɑsie.

Yoobu 13:15

Gusunɔ ù n kĩ, u mɑn ɡoowo. Kɑ mɛ, wiyɑ nɑ nɑɑnɛ sɑ̃ɑ. Kon kɑ tii yinɑ win wuswɑɑɔ.

Yoobu 2:2

Yinni Gusunɔ u Setɑm bikiɑ u nɛɛ, mɑn diyɑ ɑ wee. Mɑ u nùn wisɑ u nɛɛ, nɑ tem bɔsu bɔsu nɑ kɑ sikerenɑwɑ. Yerɑ nɑ den ɡɔsirɑmɑ nɑ wee.

Yoobu 2:4

Mɑ Setɑm u wisɑ u nɛɛ, ɑ ǹ yɛ̃ ye tɔnu u mɔ kpuro, yerɑ u koo wɛ̃ u kɑ win wɑ̃ɑru yɑkiɑ?

Yoobu 9:17

Domi u mɑn wɔri nɡe woo ɡunɑ. Mɑ u mɑn mɛɛrɑ dɑbinu kuɑ kɑm, nɑ ǹ ɡɑ̃ɑnu kue.

Yoobu 9:20

Bɑɑ nɑ̀ n ɡem mɔ, kɑ mɛ, nɛn ɡere yɑ koo mɑn tɑɑrɛ wɛ̃. Bɑɑ nɑ̀ kun tɑɑrɛ mɔ, u koo mɑn sɔ̃ɔsi mɑ nɑ sɑ̃ɑ durumɡii.

Womusu 26:1

Dɑfidin womu. Yinni Gusunɔ, wunɑ nɑ nɑɑnɛ sɑ̃ɑ mɑm mɑm. Nɑ sĩimɔwɑ dee dee wunɛn woodɑbɑ sɔɔ. A mɑn ɡem wɛ̃ɛyɔ.

Womusu 37:37

A tɑɑrɛ sɑriruɡii mɛɛrio kpɑ ɑ n nùn lɑsɑbu sɑ̃ɑ. Domi wi u rɑ bɔri yɛndu kɑ̃n bweserɑ kun kpeemɔ.

Womusu 41:12

Nɛn yibɛrɛ ù kun mɑn kɑmiɛ, sɑɑ ye sɔɔrɑ kon ɡiɑ mɑ ɑ mɑn kĩ.

Mɔnnu 11:8

Gemɡii u rɑ yɑriwɑ nuku sɑnkirɑnun di, kpɑ tɔn kɔ̃so u kɔsire ko ni sɔɔ.

Mɔnnu 13:6

Wi u win tii nɛni dee dee, win dɑɑ ɡeɑ yɑ koo nùn kɔ̃su, ɑdɑmɑ wi u kɔ̃sɑ mɔ̀, kɔ̃sɑ yɑ koo nùn surɑ.

Mɔnnu 14:2

Wi u sĩimɔ ɡem sɔɔ, u Yinni Gusunɔ nɑsiewɑ, ɑdɑmɑ wìn sɑnu sɑnusu su ǹ dɛɛre, u nùn ɡɛmɑwɑ.

Mɔnnu 15:8

Yinni Gusunɔ u ku rɑ tɔn kɔ̃sobun yɑ̃kuru wɑɑbu kɑ̃, ɑdɑmɑ ɡemɡibun kɑnɑru tɑ rɑ nùn wɛ̃re.

Mɔnnu 16:17

Gemɡii u rɑ kɔ̃sɑ dukɑ suuriwɑ. Wi u win sɑnu sɑnusu lɑɑkɑri sɑ̃ɑ, u rɑ win wɑ̃ɑru nɔni dokewɑ.

Yohɑnu 9:3

Yesu u bu wisɑ u nɛɛ, n ǹ mɔ durɔ wi, ǹ kun mɛ win tundo kɑ win mɛro bɑ torɑ, ɑdɑmɑ bɑ nùn mɑrɑwɑ kɑ wɔ̃koru kpɑ Gusunɔn sɔmburu tu kɑ sɔ̃ɔsirɑ wi sɔɔ.

Filipi 3:12

N ǹ mɔ nɑ ɑre nɔmɑ turɑ ɡinɑ, n ǹ mɑɑ mɔ nɑ yibɑ. Adɑmɑ nɑ yi nɑɑ ɡire yi kɑ ko nɛɡii yèn sɔ̃ Yesu Kirisi u mɑn kuɑ wiɡii.

Yɑkɔbu 1:12

Doo nɔɔruɡiiwɑ wi u lɑɑkɑri mɛɛribun sɑɑ sɔɔ tɛmɑnɑ. Domi win lɑɑkɑri mɛɛribun biru u koo wɑ̃ɑru wɑ tèn nɔɔ mwɛɛru Yinni bu kuɑ be bɑ nùn kĩ.

Piɛɛ I 1:7

Lɑɑkɑri mɛɛri bi, bu bɛɛn nɑɑnɛ dokebu wɛ̃ɛrimɔ. Nɡe mɛ bɑ rɑ wurɑ mɛɛri kɑ dɔ̃ɔ, bɑɑ mɛ yɑ koo kɑm ko, nɡe mɛyɑ bɑ bɛɛn nɑɑnɛ dokebu mɛɛrimɔ, bi bu wurɑ bɛɛrɛ kere ɡem ɡem, bu kɑ bin dɑm ɡiɑ. Kpɑ i siɑrɑbu kɑ yiiko kɑ bɛɛrɛ wɑ sɑnɑm mɛ Kirisi koo kurɑmɑ.

Piɛɛ I 5:10

Gusunɔ durom kpuroɡii, wi u bɛɛ sokɑ i n kɑ bɔnu mɔ win yiiko nɔru sɑri sɔɔ, bɛɛ kɑ Kirisin ɡbinnɑɑn sɑɑbu, wiyɑ u koo bɛɛ ko tɔn yebunu kpɑ u bɛɛ yɔ̃rɑsiɑ sim sim, kpɑ u bɛɛ dɑm kɛ̃, kpɑ u bɛɛ tɑ̃sisiɑ, sɑnɑm mɛ i nɔni swɑ̃ɑru wɑ sɑɑ fiiko sɔɔ i kpɑ.