Yoobu 17:9 - Bibeli Gusunɔn Gari

⁹ Wi u sɑ̃ɑ ɡemɡii u koo yɔ̃rɑwɑ dim dim win swɑɑ sɔɔ. Kpɑ wi u dɛɛre, u tii dɑm kɛ̃ u sosi.

Yoobu 17:9 ပူးပေါင်းရင်းမြစ်များ

Torubu 20:5

N ǹ win tiiwɑ u mɑn sɔ̃ɔwɑ mɑ win sesuwɑ? Mɑ kurɔ win tii u mɑɑ ɡeruɑ mɛ. Ǹ n mɛn nɑ, nɑ ǹ kɔ̃sɑ bwisikɑ nɛn ɡɔ̃ruɔ n sere mɑm nɛɛ, nɑ durum kuɑ kɑ nɛn nɔmɑ.

Sɑmuɛli II 3:1

Sɔɔlun yɛnuɡibu bɑ kɑ Dɑfidi yibɛrɛ tɛɛru kuɑ n tɛ. Mɑ Sɔɔlun yɛnu ɡɑ dɑm dwiiyɑmɔ ɡɑ dɔɔ, ɑdɑmɑ Dɑfidiɡuu ɡɑ dɑm sosimɔwɑ ɡɑ dɔɔ.

Yoobu 22:30

U koo mɑm tɑɑrɛɡii yɑrɑ kɔ̃sɑn di, wunɛn dɛɛrɑrun sɔ̃.

Yoobu 27:5

Gusunɔ u mɑn bere n kɑ bɛɛ ɡem wɛ̃. Sere kɑ nɛn ɡɔɔn tɔ̃rɔ, ko nɑ n mɔ̀wɑ nɑ dɛɛre.

Yoobu 27:6

Nɑ yɔ̃rɑriwɑ mɑ nɛn dɑɑ yɑ wɑ̃. Nɛn ɡɔ̃ru ɡɑ ǹ mɑn tɑɑrɛ wɛ̃ɛre nɛn wɑ̃ɑrun tɔ̃ru ɡɑru sɔɔ.

Yoobu 31:7

Nɛn sɑnu sɑnusu sù kun sɑ̃ɑ dee dee, ǹ kun mɛ nɛn ɡɔ̃ru ɡɑ̀ n kɔ̃sɑ binɛ kuɑ ye nɛn nɔni yi wɑ, ǹ kun mɛ durum ɡɑɑ yɑ̀ n mɑn wɑ̃ɑsi,

Yoobu 33:9

ɑ dɛɛrewɑ mɑm mɑm ɑ ǹ durum mɔ. Tɑɑrɛ ɡɑɑ mɑɑ sɑri wunɛ sɔɔ.

Womusu 11:3

Sɑnɑm mɛ duniɑ kpuro sɑnkirɑ, mbɑ ɡemɡii u koo mɑɑ kpĩ u ko.

Womusu 24:4

Wi u koo yɔ mi, wiyɑ wìn ɡɔ̃ru ɡɑ dɛɛre. Wiyɑ wìn nɔmɑ yɑ sɑ̃re. Wiyɑ wi u ku rɑ weesu swĩi. Wiyɑ wi u ku rɑ bɔ̃re u kɑ tɔnu nɔni wɔ̃ke.

Womusu 26:6

Nɑ rɑ nɛn nɔmɑ niɛwɑ n kɑ sɔ̃ɔsi mɑ nɑ ǹ tɑɑrɛ mɔ. Nɑ rɑ de n nun sɑ̃ nɑ n wunɛn yɑ̃ku yeru sikerenɑmɔ,

Womusu 73:13

Mɑ nɑ tii sɔ̃ɔwɑ nɑ nɛɛ, ǹ n mɛn nɑ, kɑm sɔɔrɑ nɑ nɛn ɡɔ̃ru dɛɛrɑsiɑ, mɑ nɑ niɑ n kɑ sɔ̃ɔsi mɑ nɑ dɛɛre.

Womusu 84:11

Nɛn sɔ̃ɔ teerun wɑ̃ɑru wunɛn sɑ̃ɑ yerɔ, tɑ nɛn yɑm tukum wɑ̃ɑrun sɔ̃ɔ dɑbi dɑbinu kere. N burɑm bo nɑ n wɑ̃ɑ wunɛn sɑ̃ɑ yerun kɔnnɔwɔ, ye ko nɑ n kɑ wɑ̃ɑ diru mi tɔn kɔ̃sobɑ wɑ̃ɑ.

Womusu 84:7

Bɑ̀ n sɑrɔ wɔwɑn di ye bɑ mɔ̀ Yĩresu, ɑ rɑ de bwii yi koorɑwɑ mi, kpɑ ɡurɑ yu kɑ ye domɑru nɑɑwɑ.

Womusu 84:8

Nɡe mɛ bɑ dɔɔ bu kɑ Gusunɔ yinnibun Yinni sɑ̃ Siɔniɔ, nɡe mɛyɑ ben dɑm mu rɑ n sosimɔ ɡbɑbu te sɔɔ.

Mɔnnu 10:25

Wɑhɑlɑ yɑ̀ n seewɑ nɡe woo ɡunɑ, yɑ rɑ tɔn kɔ̃so surewɑ, ɑdɑmɑ ɡemɡii u rɑ n yɔ̃wɑ dim dim sere kɑ bɑɑdommɑɔ.

Mɔnnu 10:30

Gɑ̃ɑnu ɡɑnu sɑri ni nu koo ɡemɡii surɑ, ɑdɑmɑ tɔn kɔ̃so u ǹ kpɛ̃ u sinɑ tem mɛ sɔɔ.

Mɔnnu 14:16

Bwisiɡii u rɑ durum bɛrum kowɑ, kpɑ u ye deri, ɑdɑmɑ ɡɑri bɔkɔ u rɑ kpuro kowɑ bɛrum sɑri.

Mɔnnu 4:18

Gemɡibun kookoosu su rɑ n sɑ̃ɑwɑ nɡe bururun sɔ̃ɔ yɑnɑ ye yɑ rɑ n dɛɛrɑmɔ sere sɔ̃ɔ u kɑ ye mɑm mɑm.

Mɑɑku 7:2

Bɑ wɑ win bwɑ̃ɑbu ɡɑbu bɑ dimɔ kɑ nɔm ɡbebɑ, bɑ ǹ niɛ.

Yɑkɔbu 4:8

I Gusunɔ susio, u koo mɑɑ bɛɛ susi. I bɛɛn nɔmɑ dɛɛrɑsio, bɛɛ durumɡibu. I bɛɛn ɡɔ̃rusu sɑ̃rɑsio, bɛɛ ɡɔ̃rusu yiruɡibu.

Piɛɛ I 1:5

bɛɛ be Gusunɔn dɑm mu kɔ̃su nɑɑnɛ dokebun sɑɑbu i kɑ fɑɑbɑ wɑ ye yɑ sɔɔru sɑ̃ɑ yu kɑ sɔ̃ɔsirɑ sɑnɑm dɑ̃ɑkim sɔɔ.

Yohɑnu I 2:19

Bɛsɛn suunu sɔɔn diyɑ bɑ yɑrɑ, ɑdɑmɑ bɑ ǹ sɑ̃ɑ bɛsɛɡibu. Domi bɑ̀ n dɑɑ sɑ̃ɑn nɑ bɛsɛɡibu, bɑ ko n dɑɑ wɑ̃ɑ kɑ bɛsɛ. Adɑmɑ bɑ yɑrɑ, mɑ yɑ sɔ̃ɔsirɑ mɑ be kpuro bɑ ǹ dɑɑ sɑ̃ɑwɑ bɛsɛɡibu kɑ ɡem.