Yoobu 16:8 - Bibeli Gusunɔn Gari

⁸ Nɑ woorɑ, nɛn ɡɔnɑ ɡɑwɑre. Yɑ sɔ̃ɔsimɔ mɑ nɑ torɑ.

Yoobu 16:8 ပူးပေါင်းရင်းမြစ်များ

Yoobu 10:17

A mɑɑ mɑn nɔni swɑ̃ɑru suremɔ ɑ sɔnnɑmɔ, mɑ ɑ wunɛn mɔru sosimɔ. A derɑ yibɛrɛbɑ bɑ nɑ bɑ mɑn tɑbu wɔri.

Yoobu 17:7

Nɛn nɔni yi ǹ mɑɑ do, nuku sɑnkirɑnun sɔ̃. Mɑ nɛn wɑsi yi dɑm dwiiyɑ, yi doonɔ nɡe sɑɑru.

Yoobu 19:20

Nɛn wɑsin yɑɑ yɑ nɛn kukunu mɑni. Wee wɛ̃siɑru tɔnɑwɑ tɑ mɑn tie.

Yoobu 33:21

Kpɑ u woorɑ, win kukunu nu terɑ.

Womusu 106:15

A bu yɑɑ wɛ̃ ye bɑ bikiɑ, mɑ bɑ di bɑ debɑ too.

Womusu 109:24

Nɛn dũu winu dɑm dwiiyɑ nɔɔ bɔkurun sɔ̃. Mɑ nɑ wɑsire woorɑrun sɔ̃.

Esɑi 10:16

Yen sɔ̃nɑ nɛ Gusunɔ, wɔllu kɑ tem Yinni, kon de win tɑbu durɔbu bu woorɑ. Kpɑ dɔ̃ɔ u nɑ u bu wukiri sɑnɑm mɛ u wɑ̃ɑ win sinɑndun yiiko sɔɔ.

Esɑi 24:16

Sɑ ko nɔ bɑ womusu mɔ̀ bɑɑmɑ hɑnduniɑn ɡoonu nnɛ sɔɔ bɑ mɔ̀, i ɡemɡii bɛɛrɛ wɛ̃ɛyɔ. Adɑmɑ nɛ, kon nɔɔɡiru suɑ nɑ n mɔ̀, ɡberɑ mɑn di, nɑ kɑm kuɑ, domi yibɛrɛbɑ bɑ hɑniɑ mɔ̀ bɑ yɑ̃nu ɡurɑmɔ.

Efesu 5:27

Domi u kĩ tu nɑ win wuswɑɑɔ kɑ ten bɛɛrɛ kpuro, tɑ kun disinu ɡɑnu mɔ, ǹ kun mɛ suriki surikinu, ǹ kun mɛ serere ɡɑɑ. U kĩwɑ tɑ n dɛɛre kpɑ tɑ kun tɑɑrɛ ɡɑɑ mɔ.

Rutu 1:21

Doo nɔɔrɑ nɑ kɑ yɑrɑ minin di, ɑdɑmɑ Yinni Gusunɔ u derɑ nɑ ɡɔsirɑmɑ nɔm dirɑ. Ǹ n mɛn nɑ, mbɑn sɔ̃nɑ i mɑn sokumɔ Nɑomi. Domi wee Yinni Gusunɔ Dɑm kpuroɡii u mɑn tɑɑrɛ wɛ̃, mɑ u mɑn nuku sɑnkirɑnu kpɛ̃ɛ.