Yoobu 1:21 - Bibeli Gusunɔn Gari

²¹ wee nɑ yɑrɑwɑ tereru nɛn mɛron nukurun di. Tererɑ bɑ koo mɑɑ mɑn sike. Yinni Gusunɔwɑ u rɑɑ mɑn ye kpuro wɛ̃, wiyɑ u mɑɑ ye kpuro suɑ. Yen sɔ̃, kon nùn siɑrɑ.

Yoobu 1:21 ပူးပေါင်းရင်းမြစ်များ

Torubu 30:2

Yerɑ Yɑkɔbu u kɑ Rɑsɛli mɔru bɛsirɑ u nùn sɔ̃ɔwɑ u nɛɛ, nɛnɑ Gusunɔ n kɑ nun yinɑri ɑ mɑ?

Torubu 45:5

Tɛ̃, i ku nuki sɑnkirɑ, i ku mɑɑ tɑɑrɛ wɛ̃ɛnɑ ye i kɑ mɑn dɔrɑ. Domi Gusunɔwɑ u derɑ nɑ nɑ mini n kɑ bɛɛ fɑɑbɑ ko.

Sɑmuɛli II 16:12

Sɔrɔkudo Yinni Gusunɔ u koo nɛn wɔnwɔndu wɑ kpɑ u kɔ̃sɑ ye ɡɔsiɑ ɡeɑ.

Sinɑmbu I 12:15

Nɡe mɛyɑ Roboɑmu u yinɑ u tɔn beɡii swɑɑ dɑki domi Yinni Gusunɔwɑ u derɑ n kuɑ mɛ, kpɑ win ɡɑri yi kɑ koorɑ, ye u Yeroboɑmu Nɛbɑtin bii sɔ̃ɔwɑ sɑɑ Akiyɑ Siloɡiin nɔɔn di.

Sinɑmbu II 20:19

Yerɑ Esekiɑsi u Esɑi wisɑ u nɛɛ, Yinni Gusunɔn ɡɑri yi ɑ ɡeruɑ mi, ɡɑri burɑ. Domi ɑlɑfiɑ kɑ bɔri yɛndu tɑ ko n wɑ̃ɑ nɛn wɑ̃ɑrun tɔ̃ru kpuro sɔɔ.

Nɛɛmi 9:5

Yerɑ Lefi beni, Yosue kɑ Kɑdimiɛli kɑ Bɑni kɑ Asɑbiniɑ kɑ Serebiɑ kɑ Hodiyɑ kɑ Sebɑniɑ kɑ Petɑyɑ bɑ nɛɛ, i seewo i Gusunɔ bɛsɛn Yinni siɑrɑ sere kɑ bɑɑdommɑɔ. Bɑɑwure u nùn siɑro win yĩsi bɛɛrɛɡirun sɔ̃, bɑɑ mɛ i ǹ ɡɑri yɛ̃ yi i ko i kɑ nùn siɑrɑ.

Yoobu 1:11

Tɛ̃, ɑ win ye u mɔ nɔmu dokeo ɑ wɑ. Nɑ yɛ̃ kɑm kɑm mɑ u koo nun bɔ̃rusi wunɛn tiin wuswɑɑɔ.

Yoobu 2:10

Adɑmɑ Yoobu u kurɔ wi wisɑ u nɛɛ, ɑ ɡɑri mɔ̀wɑ nɡe ɡɑri bɔkɔ. A tɑmɑɑ sɑ̀ n ɡeɑ wɑɑmɔ Gusunɔn min di, sɑ ǹ mɑɑ kɔ̃sɑ wɑsi win min di? Kɑ yen de kpuro, Yoobu kun Gusunɔ ɡɑri kɑm ɡerusi.

Yoobu 9:12

Ye u nɛnuɑ, wɑrɑ u koo nùn ye wɔrɑri. Wɑrɑ u koo kpĩ u nùn sɔ̃ u nɛɛ, mbɑ ɑ mɔ̀ mɛ.

Womusu 34:1

Dɑfidi u tii ɡɔsiɑ wiiro Abimɛlɛkin wuswɑɑɔ, yerɑ durɔ wi, u nùn ɡirɑ win min di. Sɑɑ yerɑ Dɑfidi u womu ɡeni kuɑ u nɛɛ,

Womusu 34:2

nɑ kon Yinni Gusunɔ siɑrɑ sɑɑ bɑɑyere. Mɛyɑ nɛn nɔɔ ɡɑ ǹ mɑrimɔ nɑ kun nùn tɔmɛ.

Womusu 39:9

A mɑn yɑkio nɛn durum kpuron di. A ku de ɡɑri bɑkɑsu su n mɑn yɑɑkoru mɔ̀.

Womusu 49:17

Yen sɔ̃, ɑ ku nɑndɑ tɔnu ù n dukiɑ ɡurɑmɔ, mɑ win yɛnun ɑrumɑni yɑ sosimɔ.

Wɑɑsu kowo 12:7

kpɑ tɔnun tii u wurɑ temɔ mìn di u yɑrɑ kpɑ win hunde yu wurɑ Gusunɔ wi u rɑɑ nùn ye wɛ̃n mi.

Wɑɑsu kowo 5:14

U koo ɡbiwɑ tereru nɡe mɛ bɑ kɑ nùn mɑrɑ. U ǹ kpɛ̃ u win sɔmburun ɑre ɡɛɛ suɑ.

Wɑɑsu kowo 5:15

U koo ɡbiwɑ nɡe mɛ bɑ kɑ nùn mɑrɑ. Yerɑ yɑ sɑ̃ɑ kɔ̃sɑ bɑkɑ. Ǹ n mɛn nɑ, ɑrufɑɑni yerɑ̀ u wɑ mi win sɔmburu sɔɔ. Tɑ kuɑwɑ kɑm dirum.

Wɑɑsu kowo 5:19

Adɑmɑ yɛ̃ro u ku rɑ yɑɑye mɑ win wɑ̃ɑru tɑ ǹ dɛ̃u yèn sɔ̃ Gusunɔ u nùn nuku dobu yibiɑ.

Esɑi 24:15

bɛɛ be i wɑ̃ɑ sɔ̃ɔ yɑri yeru ɡiɑ kɑ be bɑ wɑ̃ɑ nim wɔ̃kun ɡooru ɡiɑ, i Gusunɔ Isirelibɑn Yinni bɛɛrɛ wɛ̃ɛyɔ.

Esɑi 42:24

Wɑrɑ u derɑ bɑ Isireli be bɑ sɑ̃ɑ Yɑkɔbun bweseru wɔri bɑ ben yɑ̃nu ɡurɑ. N ǹ Yinni Gusunɔn tii ro? Bɛsɛ Isirelibɑ sɑ durum kuɑ win wuswɑɑɔ. Sɑ yinɑ su win woodɑbɑ swĩi, su ye mɛm nɔɔwɑ.

Esɑi 45:7

Nɛnɑ nɑ rɑ de yɑm bururɑm kɑ yɑm wɔ̃kurɑ n wɑ̃ɑ. Nɛnɑ nɑ rɑ mɑɑ de ɑlɑfiɑ kɑ wɑhɑlɑ yɑ n wɑ̃ɑ. Nɛ, Yinni Gusunɔwɑ nɑ rɑ ye kpuro ko.

Swĩi 3:38

Wi, Gusunɔ Wɔrukoo wiyɑ u rɑ de ɡeɑ kɑ kɔ̃sɑ yu nɑ.

Amɔsu 3:6

Bɑ rɑ tɑbun kɔbɑ so wuuɔ wuuɡibu bɑ kun nɑnde? Kɛ̃siru ɡɑru tɑ rɑ koore wuuɔ n kun nɛn min di?

Mɑteu 20:15

N ǹ ye nɑ kĩ yerɑ kon kɑ nɛn ye nɑ mɔ ko? Nɡe ɑ nisinu mɔ̀wɑ yèn sɔ̃ nɑ tɔn ɡeeru kuɑ.

Gɔrobun Kookoosu 4:28

Mɛyɑ bɑ yɑbu bɑɑyere kuɑ ye ɑ rɑɑ yi wunɛn dɑm kɑ wunɛn himbɑ sɔɔ.

Efesu 5:20

I n Gusunɔ Bɑɑbɑ tɑkɑru mɔ̀ sɑɑ bɑɑyere ɡɑ̃ɑnu kpuron sɔ̃ kɑ bɛsɛn Yinni Yesu Kirisin yĩsiru.

Tɛsɑlonikɑ I 5:18

I n siɑrɑmɔ bɑɑ ǹ n mɛren nɑ. Yeniwɑ Gusunɔ u kĩ i ko bɛɛ kɑ Yesu Kirisin wɑ̃ɑsinɑɑ sɔɔ.

Timɔte I 6:7

Domi sɑ ǹ kɑ ɡɑ̃ɑnu ɡɑnu nɛ hɑnduniɑ ye sɔɔ, mɛyɑ sɑ ǹ mɑɑ kɑ ɡɑ̃ɑnu wiɔ.

Yɑkɔbu 1:17

Kɛ̃ɛ ɡeeru bɑɑtere kɑ kɛ̃ɛ burɑnu kpuro sɑɑ wɔllun diyɑ nu rɑ nɛ. Nu mɑɑ weewɑ Gusunɔn min di wi u sɔ̃ɔ kɑ suru tɑkɑ kuɑ. Wiyɑ wi u ku rɑ kɔsi, u ǹ mɑɑ tiro mɔ.

Yɑkɔbu 5:11

Wee, sɑ bu sokumɔ doo nɔɔruɡibu yèn sɔ̃ bɑ yɔ̃rɑ dim dim. I Yoobun tɛmɑnɑbun bɑɑru nuɑ, i mɑɑ yɛ̃ ye Yinni Gusunɔ u nùn kuɑ yen biru. Domi Yinni u rɑ wɔnwɔndu kɑ tɔn ɡeeru ko.

Rutu 1:21

Doo nɔɔrɑ nɑ kɑ yɑrɑ minin di, ɑdɑmɑ Yinni Gusunɔ u derɑ nɑ ɡɔsirɑmɑ nɔm dirɑ. Ǹ n mɛn nɑ, mbɑn sɔ̃nɑ i mɑn sokumɔ Nɑomi. Domi wee Yinni Gusunɔ Dɑm kpuroɡii u mɑn tɑɑrɛ wɛ̃, mɑ u mɑn nuku sɑnkirɑnu kpɛ̃ɛ.

Sɑmuɛli I 2:7

Yinni Gusunɔn min diyɑ yɑ̃ɑru kɑ ɑrumɑni yɑ rɑ nɛ. U rɑ ɡoo tɑɑre temɔ, kpɑ u ɡoo wɔlle suɑ.

Sɑmuɛli I 2:8

U rɑ wɔnwɔndo seeye tem di. Kpɑ u wi bɑ ɡɛmɑ wɔlle suɑ. U rɑ bu sinɑsie kɑ sinɑ bibu sɑnnu kpɑ bu ko bɛɛrɛɡibu. Wiyɑ u hɑnduniɑn kpɛɛkpɛɛku swĩi. Gen wɔllɔwɑ u ye sɔndi.

Sɑmuɛli I 3:18

Mɑ Sɑmuɛli u nùn ɡɑri yi kpuro sɑɑriɑ. U ǹ nùn yin ɡɛɛ berue. Mɑ Eli u nɛɛ, Gusunɔ wiyɑ Yinni. U koowo nɡe mɛ n weenɛ win nɔni sɔɔ.