Yonɑsi 4:9 - Bibeli Gusunɔn Gari

⁹ Yerɑ Gusunɔ u nùn sɔ̃ɔwɑ u nɛɛ, ɑ ǹ ɡem mɔ ɑ kɑ mɔru ko dɑ̃ɑ kiku ɡen sɔ̃. Mɑ Yonɑsi u nɛɛ, nɑ ɡem mɔ n kɑ mɔru ko too too sere n ɡɔɔ kɑnɑ.

Yonɑsi 4:9 ပူးပေါင်းရင်းမြစ်များ

Sinɑmbu I 21:4

Mɑ Akɑbu u ɡɔsirɑ yɛnuɔ kɑ nuku sɑnkirɑnu u mɔruɑ Nɑbɔti Yisirɛɛliɡiin ɡɑri yin sɔ̃. U dɑ u kpunɑ u kɔ̃ruɑ, u yinɑ u di.

Yoobu 18:4

Wunɛ Yoobu, wunɛn mɔruwɑ yɑ nun wɑhɑlɑ mɔ̀. A tɑmɑɑ yɑ koo de tɔmbu bu yɑrinɑ kpɑ wuu ɡu ko bɑnsu, kpɑ kpenu nu doonɑ nin ɑyerun di?

Yoobu 36:18

A ku de mɔru yu nun ɡɑwɑ ɑ kɑ kɔ̃sɑ ko. A kun mɑɑ tɑmɑɑ kɑɑ Gusunɔ kɛ̃ru ɡɑru wɛ̃wɑ kpɑ u ku kɑ nun sɛɛyɑsiɑ.

Yoobu 5:2

Gɑri bɔkɔ u rɑ ɡbiwɑ win mɔrun sɔ̃. Bwisi sɑriruɡii u rɑ ɡbiwɑ win nisinun sɔ̃.

Yonɑsi 4:1

Yerɑ Yonɑsin mɔru seewɑ ɡɑ̃ɑ ni Gusunɔ u Ninifuɡibu kuɑn sɔ̃.

Yonɑsi 4:10

Mɑ Yinni Gusunɔ u wisɑ u nɛɛ, ɑ ǹ sɔmburu ɡɑru kue dɑ̃ɑ ten sɔ̃. N ǹ wunɛ ɑ tu kpiisiɑ. Wee tɑ kpɛ̃ɑ wɔ̃ku teeru, mɑ tɑ ɡu wɔ̃ku kpɑɑru. Kɑ mɛ, wee ɑ tu wɔnwɔndu kuɑmmɛ.

Yonɑsi 4:8

Sɑnɑm mɛ sɔ̃ɔ yɑrɑ, u derɑ woo sum ɡɑ nɑ sɑɑ sɔ̃ɔ yɑri yerun di. Mɑ sɔ̃ɔ wi, u Yonɑsi so wirɔ sere u wɑsikirɑ. Mɑ u nɛɛ, n burɑm bo u ɡbi ye u ko n kɑ mɑɑ wɑ̃ɑ.

Mɑteu 26:38

Yerɑ u bu sɔ̃ɔwɑ u nɛɛ, nɛn nukurɑ sɑnkirɑ sere n ɡɔɔ ɡum ɡirɑri. I yɔ̃ro mini i kɑ mɑn dom se.

Korinti II 7:10

Domi nuku sɑnkirɑ ni Gusunɔ u dendimɔ nu rɑ dewɑ tɔnu u dɑɑ kɔsi kpɑ u fɑɑbɑ wɑ. Mɑ nin bweserɑ ku rɑ n nɑ̀ n dɑɑ yɛ̃ mɔ. Adɑmɑ hɑnduniɑn nuku sɑnkirɑnɑ nu rɑ ɡɔɔ mɑ.

Kɑ̃siru 9:6

Suru nɔɔbu ye sɔɔ, tɔmbɑ koo ɡɔɔ kɑsu ɑdɑmɑ bɑ ǹ wɑsi. Bɑ koo ɡɔɔ kĩɑ ɑdɑmɑ u koo bu dukɑ suuri.

Kpɑrobu 16:16

Bɑɑdommɑwɑ u rɑ n nùn ɡɑri yi sɔ̃ɔmɔ sere win bɑɑsi bi, bu Sɑnsom bɑnde, u kɑ bu wɑsirɑ.