Yonɑsi 4:8 - Bibeli Gusunɔn Gari

⁸ Sɑnɑm mɛ sɔ̃ɔ yɑrɑ, u derɑ woo sum ɡɑ nɑ sɑɑ sɔ̃ɔ yɑri yerun di. Mɑ sɔ̃ɔ wi, u Yonɑsi so wirɔ sere u wɑsikirɑ. Mɑ u nɛɛ, n burɑm bo u ɡbi ye u ko n kɑ mɑɑ wɑ̃ɑ.

Yonɑsi 4:8 ပူးပေါင်းရင်းမြစ်များ

Torubu 41:6

Mɑ doo winu nɔɔbɑ yiru ɡɑnu nu mɑɑ yɑrɑ niɔnɔn temɔ, ni nu sɑkosu sɑ̃ɑ nu ɡbere sɔ̃ɔ kɑ woon sɔ̃.

Sinɑmbu I 19:4

Mɑ win tii u sɑnum so tɔ̃ɔ ɡiriru, u dɑ u wɑ̃ɑ ɡbɑburɔ u sɔ̃ dɑ̃ru ɡɑrun nuurɔ, mɑ u Yinni Gusunɔ sɔ̃ɔwɑ u nɛɛ, yɑ den turɑ mɛ, ɑ nɛn hunde suo. Domi nɑ ǹ nɛn bɑɑbɑbɑ ɡeɑ kere.

Sinɑmbu I 21:4

Mɑ Akɑbu u ɡɔsirɑ yɛnuɔ kɑ nuku sɑnkirɑnu u mɔruɑ Nɑbɔti Yisirɛɛliɡiin ɡɑri yin sɔ̃. U dɑ u kpunɑ u kɔ̃ruɑ, u yinɑ u di.

Yoobu 2:10

Adɑmɑ Yoobu u kurɔ wi wisɑ u nɛɛ, ɑ ɡɑri mɔ̀wɑ nɡe ɡɑri bɔkɔ. A tɑmɑɑ sɑ̀ n ɡeɑ wɑɑmɔ Gusunɔn min di, sɑ ǹ mɑɑ kɔ̃sɑ wɑsi win min di? Kɑ yen de kpuro, Yoobu kun Gusunɔ ɡɑri kɑm ɡerusi.

Yoobu 7:15

A yɑnde mɑn soorɑ dokeo n ɡbi, ye ko nɑ n kɑ kuku nini sɔɔwɑ.

Womusu 121:6

Sɔ̃ɔ sɔɔ, sɔ̃ɔ kun nun soomɔ. Wɔ̃kuru, suru tɑrum kun mɑɑ nun soomɔ.

Womusu 39:9

A mɑn yɑkio nɛn durum kpuron di. A ku de ɡɑri bɑkɑsu su n mɑn yɑɑkoru mɔ̀.

Wɑɑsu kowo 7:9

A ku de wunɛn mɔru yɑ n dɑ fuuku se. Domi ɡɑri bɔkɔn miyɑ mɔru yɑ rɑ n wɑ̃ɑ.

Womu Duro 1:6

I ku mɑn ɡɛm yèn sɔ̃ nɑ tĩri. Sɔ̃ɔwɑ u mɑn kuɑ mɛ. Nɛn sesubu bɑ kɑ mɑn mɔru kuɑ. Bɑ mɑn kuɑ ben reseɛm dɑ̃ɑ ɡbɑɑrun kɔ̃so. Adɑmɑ nɑ ǹ nɛn tiiɡiru kɔ̃su.

Esɑi 49:10

Gɔ̃ɔru kɑ nim nɔru kun bu mɔ̀. Sɔ̃ɔ kɑ win yɑm susurɑ kun mɑɑ bu wɑhɑlɑ mɔ̀. Domi wi u ben wɔnwɔndu mɔ, wiyɑ u koo bu kpɑrɑ u kɑ dɑ mi bwii wɑ̃ɑ.

Esekiɛli 19:12

Adɑmɑ bɑ ye wukɑ kɑ mɔru bɑ surɑ temɔ. Woo ɡe ɡɑ wee sɔ̃ɔ yɑri yerun di, ɡɑ yen mɑrum ɡberɑsiɑ. Yen kɑ̃ɑsi dɑmɡii yi, yi ɡberɑ yi dɔ̃ɔ mwɑɑrɑ.

Osee 13:15

Bɑɑ Isirelibɑ bɑ̀ n kuurɑ ɑmɔ, beɡibun suunu sɔɔ, yibɛrɛbɑ bɑ koo nɑ nɡe woo sum sɑɑ sɔ̃ɔ yɑri yerun di. Nɛ, Yinni Gusunɔ nɑ kon bu seeyɑmɑwɑ ɡbɑburun di, kpɑ bu dɔkɔbɑ ɡberɑsiɑ. Kpɑ bwii yi nim kpe. Gɑ̃ɑ ni nu ɡeɑ sɑ̃ɑ kpurowɑ bɑ koo ɡurɑ bu kɑ doonɑ.

Sɑ̃ɑrun Woodɑ 10:3

Mɑ Mɔwisi u Aroni sɔ̃ɔwɑ u nɛɛ, Yinni Gusunɔ u ǹ dɑɑ bɛɛ sɔ̃ɔwɑ u nɛɛ, u kĩwɑ be bɑ nùn susimɔ bu win dɛɛrɑru nɑsiɑ, kpɑ bu nùn bɛɛrɛ wɛ̃ tɔmbu kpuron wuswɑɑɔ? Mɑ Aroni u win nɔɔ mɑri.

Yonɑsi 1:4

Adɑmɑ Yinni Gusunɔ u derɑ woo bɔkɔ ɡɑ seewɑ nim wɔ̃ku ɡen mi. Mɑ n sɑ̃ɑre ɡoo ɡe, ɡɑ koo nim diirɑ.

Yonɑsi 4:3

Tɛ̃, ɑ de n ɡbi, domi n burɑm bo n ɡbi ye ko nɑ n kɑ wɑ̃ɑ.

Yonɑsi 4:9

Yerɑ Gusunɔ u nùn sɔ̃ɔwɑ u nɛɛ, ɑ ǹ ɡem mɔ ɑ kɑ mɔru ko dɑ̃ɑ kiku ɡen sɔ̃. Mɑ Yonɑsi u nɛɛ, nɑ ɡem mɔ n kɑ mɔru ko too too sere n ɡɔɔ kɑnɑ.

Mɑteu 20:12

Bɑ ɡeruɑ, bɑ nɛɛ, be bɑ dɑ̃kuru nɑ mi, kɔbi tiɑ tɔnɑwɑ bɑ kuɑ mɑ ɑ bu kɔsiɑ nɡe bɛsɛ be sɑ sɔmburu kuɑ bururun di kɑ sɔ̃ɔ boko.

Kɑ̃siru 3:19

Be nɑ kĩ kpuro beyɑ nɑ rɑ nɔni doke kpɑ n bu sɛɛyɑsiɑ. Yen sɔ̃, u hɑniɑ koowo kpɑ u ɡɔ̃ru ɡɔsiɑ.

Kɑ̃siru 7:16

Bɑ ǹ mɑɑ ɡɔ̃ɔru wɑsi, ǹ kun mɛ nim nɔru. Sɔ̃ɔ kun mɑɑ bu soomɔ, mɛyɑ mɑɑ yɑm susurɑ kun bu wɑhɑlɑ mɔ̀.

Sɑmuɛli I 3:18

Mɑ Sɑmuɛli u nùn ɡɑri yi kpuro sɑɑriɑ. U ǹ nùn yin ɡɛɛ berue. Mɑ Eli u nɛɛ, Gusunɔ wiyɑ Yinni. U koowo nɡe mɛ n weenɛ win nɔni sɔɔ.