Yonɑsi 2:7 - Bibeli Gusunɔn Gari

⁷ Nɑ numɑ nɑ dɑ sere ɡuunun kpɛɛkpɛɛkuɔ, mɑ tem sɔɔwɔn ɡɑmbobɑ bɑ mɑn kɛnusi dim dim. Adɑmɑ Gusunɔ nɛn Yinni, ɑ mɑn yɑrɑ min di wɑsiru.

Yonɑsi 2:7 ပူးပေါင်းရင်းမြစ်များ

Bɑndun Gɑri II 30:27

Yerɑ yɑ̃ku kowobu kɑ Lefibɑ bɑ seewɑ bɑ tɔn be domɑru kuɑ. Yinni Gusunɔ u ben nɔɔ nuɑ domi ben kɑnɑ te, tɑ nùn ɡirɑri sere win wɑ̃ɑ yee dɛɛrɑrɔ wɔllɔ.

Womusu 11:4

Adɑmɑ i n yɛ̃ mɑ Yinni Gusunɔ u wɑ̃ɑ win sɑ̃ɑ yee dɛɛrɑrɔ, mɑ u win sinɑ ɡɔnɑ swĩi wɔllɔ.

Womusu 142:3

Nɑ nùn nɛn nuku sɑnkirɑnu sɔ̃ɔmɔ. Nɑ nùn nɛn wɑhɑlɑ sɑɑriɑmmɛ.

Womusu 143:5

Nɑ ɡɑsɔn wɑ̃ɑru yɑɑye. Nɑ wunɛn sɔmɑ kpuro lɑsɑbu mɔ̀, mɑ nɑ wunɛn nɔmɑn sɔmburu bwisikumɔ.

Womusu 18:6

Gɔribun wɑ̃ɑ yerɑ mɑn tɛ̃kuɑ, ɡɔɔ mɑn tɑɑ bɛrie.

Womusu 20:7

Tɛ̃, nɑ yɛ̃ mɑ wunɑ ɑ sinɑ boko ɡɔsɑ, ɑ rɑ mɑɑ nùn somi. Wunɑ ɑ rɑ win kɑnɑru nɔ sɑɑ wɔllun di, kpɑ ɑ nùn nɑsɑrɑ wɛ̃ kɑ wunɛn dɑm bɑkɑm.

Womusu 22:14

Bɑ mɑn kukirisimɔ nɡe ɡbee sunɔ ɡe ɡɑ yɑɑ kɑsu.

Womusu 27:13

Nɑ yĩiyɔbu mɔ mɑ kon Yinnin durom dendɑ, wɑsobun suunu sɔɔ.

Womusu 42:11

Nɛn kukunu bɛsikirɑmɔ sɑnɑm mɛ bɑ mɑn nɔni sɔ̃ɔmɔ, bɑ mɑn wɔmmɔ, bɑ ɡerumɔ bɑ mɔ̀, mɑnɑ Gusunɔ nɛn Yinni wi.

Womusu 42:5

Nɛn tororu tɑ rɑ kɑrewɑ nɑ̀ n yɑɑyɑ sɑnɑm mɛ tɔn dɑbiru tɑ rɑ n mɑn sikerenɛ, nɑ n tu ɡbiiye su kɑ dɑ Gusunɔn sɑ̃ɑ yerɔ, sɑ n nuku dobu mɔ̀, sɑ n Gusunɔ siɑrɑmɔ sɑnnu.

Womusu 43:5

Mbɑn sɔ̃nɑ nɑ kon nuki sɑnkire, kpɑ nɑ n weeweenu mɔ̀ nɛn ɡɔ̃ruɔ. Nɑ kon nɛn nɑɑnɛ dokewɑ wunɛ sɔɔ, kpɑ n wure n nun siɑrɑ. A sɑ̃ɑwɑ nɛn Yinni kɑ nɛn Fɑɑbɑ kowo.

Womusu 65:4

Bɛsɛn torɑnu sun buniɛ. Wunɑ kɑɑ sun nu suuru kuɑ.

Esɑi 38:17

Wee, nɛn wɑhɑlɑ yɑ ɡɔsirɑ bɔri yɛndu, ɑ wurɑ ɑ mɑn yɑrɑ siki wɔrun di wunɛn kĩrun sɔ̃. Domi ɑ nɛn durum kpuro wɔkɑ ɑ kɔ̃ wunɛn biruɔ.

Esɑi 50:10

Bɛɛ sɔɔ, wi u Yinni Gusunɔ nɑsie, u win sɔm kowon nɔɔ nɔɔwɔ. Wi u sĩimɔ yɑm wɔ̃kuru sɔɔ, u Yinni Gusunɔ nɑɑnɛ koowo, kpɑ u n tɑ̃sɑ wi sɔɔ.

Yonɑsi 2:4

Wee ɑ mɑn kpɛ̃ɛ sere nim wɔ̃kun sɔɔwɔ. Mɑ nim mɑn mwɛ. Nim kurenu kpuro mɑn tɑɑre.

Misee 1:2

Bɛɛ bwesenu kpuro, i swɑɑ dɑkio. Bɛɛ hɑnduniɑɡibu, i swɑɑ tem kpĩiyɔ i nɔ. Yinni Gusunɔ u koo nɑ sɑɑ win wɑ̃ɑ yee dɛɛrɑrun di u bɛɛ tɑɑrɛ wɛ̃.

Hɑbɑkuku 2:20

Yinni Gusunɔ u wɑ̃ɑ win sɑ̃ɑ yee dɛɛrɑrɔ. Tɔmbu kpuro bu nɔɔ mɑrio win wuswɑɑɔ.

Heberu 12:3

I win ɡɑri bwisikuo nɡe mɛ u tɛmɑnɑ kɑ yibɛrɛ tɛɛ te durumɡibɑ kɑ nùn nɛnuɑ, kpɑ i ku mwiɑ kpɑnɑ i dɑm biɑ.

Sɑmuɛli I 30:6

Mɑ Dɑfidin nuki sɑnkirɑ too domi win tɔmbu bɑ ɡerunɑmɔ bɑ mɔ̀ bu nùn kpenu kɑsuku bu ɡo, yèn sɔ̃ bɑ ben kurɔbu kɑ bibu biɑ. Yerɑ n derɑ bɑ nuki sɑnkire. Adɑmɑ Dɑfidi u tii deri Yinni Gusunɔn nɔmuɔ. Mɑ u nùn dɑm kɑ̃.