Yonɑsi 2:2 - Bibeli Gusunɔn Gari

² Swɑ̃ɑ yen nukurun diyɑ Yonɑsi u Gusunɔ win Yinni kɑnɑ.

Yonɑsi 2:2 ပူးပေါင်းရင်းမြစ်များ

Bɑndun Gɑri II 33:12

Sɑnɑm mɛ u wɑ̃ɑ nuku sɑnkirɑnu sɔɔ, yerɑ u tii kɑwɑ Gusunɔ win bɑɑbɑbɑn Yinnin wuswɑɑɔ. Mɑ u nùn kɑnɑ.

Womusu 116:3

Gɔɔn yɔni yi rɑɑ mɑn bɔkuɑ, mɑ ɡɔribun wɑ̃ɑ yerun nuku sɑnkirɑnu mɑn nɛni. Nɑ wɑ̃ɑ nɔni swɑ̃ɑru kɑ wuriribu sɔɔ.

Womusu 120:1

Sɑ̃ɑ dɑɑrun womu. Ge wee. Sɑnɑm mɛ nɑ wɑ̃ɑ nuku sɑnkirɑnu sɔɔ, nɑ Yinni Gusunɔ sokɑ, mɑ u mɑn wurɑri.

Womusu 16:10

Domi ko nɑ n kɑ nun wɑ̃ɑ. A ǹ nɛn hunde derimɔ ɡɔribun wɑ̃ɑ yerɔ. A ǹ wurɑmɔ wunɛn kĩnɑsin wɑsi yi kɔ̃si.

Womusu 22:24

Yɑkɔbun bweseru, bɛɛ be i Yinni Gusunɔ nɑsie, i nùn siɑro. Bɛɛ Isirelibɑ, Yɑkɔbun bweseru, i nùn tɔmɔ. Bɛɛ Isirelibɑ, i nùn sɑ̃ɑwɔ.

Womusu 34:6

Be bɑ nùn wuswɑɑ kisi, bɑ rɑ n nuku dobu mɔwɑ. Bɑ ǹ mɑɑ ben wuswɑɑ wukirimɔ sekurun sɔ̃.

Womusu 4:1

Dɑfidin womu ɡe u wom kowobun wiruɡii kuɑ kɑ mɔrɔku. Ge wee.

Womusu 61:2

Gusunɔ, ɑ nɛn weeweenu nɔɔwɔ, kpɑ ɑ nɛn kɑnɑru nɔ.

Womusu 65:2

Yinni Gusunɔ, sɑ ko nun siɑrɑ kɑ nɑɑnɛ dokebu Siɔniɔ, kpɑ su nɔɔ mwɛɛ ni sɑ nun kuɑ yibiɑ.

Womusu 86:13

Domi ɑ mɑn durom bɑkɑm kuɑ, ɑ mɑn yɑrɑ ɡɔribun wɑ̃ɑ yerun sɔɔ sɔɔn di.

Esɑi 14:9

Be bɑ wɑ̃ɑ ɡɔribun wɑ̃ɑ yerɔ bɑ seewɑ bu kɑ nun dɑm koosiɑ, be kɑ ben wiruɡibu kpuro. Mɛyɑ sinɑm be bɑ ɡu bɑ seewɑ ben sinɑ ɡɔnin di.

Swĩi 3:55

Sɑɑ ye sɔɔ, nɑ kɑnɑru kuɑ nɑ nɛɛ, Yinni Gusunɔ, nɑ nun sokɑ sɑɑ wɔru ɡe sɔɔn di,

Esekiɛli 26:20

U koo de yu dɑ sere tem sɔɔwɔ mi yeruku tɔmbɑ wɑ̃ɑ kpɑ yɑ n kɔ̃ɔre mi. U koo de yɑ n wɑ̃ɑ mi kɑ ɡɔribu. Goo kun mɑɑ sinɑmɔ ye sɔɔ. Yɑ ǹ mɑɑ ɑyeru wɑsi wɑsobun suunu sɔɔ.

Esekiɛli 31:14

Yeni yɑ koo koorɑwɑ kpɑ dɑ̃ɑ ni nu nim wɑɑmɔ nu ku rɑɑ kɑ ɡuniɑ nu ɡuru winu ɡirɑri nu sere tii suɑ nin ɡunum sɔ̃. Domi dɑ̃nu kɑ tɔmbu kpuro bɑ koo ɡbiwɑ bu dɑ bu ɡɔribu deemɑ.

Mɑteu 12:40

Domi nɡe mɛ Yonɑsi kuɑ sɔ̃ɔ sɔɔ itɑ kɑ wɔ̃kuru itɑ swɑ̃ɑ bɑkɑn nukurɔ, nɡe mɛyɑ mɑɑ nɛ Tɔnun Bii kon ko sɔ̃ɔ sɔɔ itɑ kɑ wɔ̃kuru itɑ tem nukurɔ.

Luku 11:10

Domi bɑɑwure wi u bikiɑmɔ bɑ koo nùn wɛ̃. Wi u kɑsu u koo wɑ. Wi u mɑɑ ɡɑmbo soomɔ, bɑ koo yɛ̃ro kɛniɑ.

Luku 22:44

Nuku sɑnkirɑ bɑkɑnu sɔɔ u kɑnɑru mɔ̀ kɑ dɑm, mɑ win wɛnyɑnu kuɑ nɡe yɛm nu dɑ̃ɑkumɔ temɔ.]

Gɔrobun Kookoosu 2:27

Domi ɑ ǹ nɛn hunde derimɔ ɡɔribun wɑ̃ɑ yerɔ. Mɛyɑ mɑɑ ɑ ǹ derimɔ wunɛɡii wi u nɑɑnɛ mɔn wɑsi yi kɔ̃si.

Heberu 5:7

Yesun hɑnduniɑn wɑ̃ɑru sɔɔ u Gusunɔ kɑnɑ wi u koo kpĩ u nùn wɔrɑ ɡɔɔn nɔmɑn di. U mɑɑ nùn suuru kɑnɑ kɑ wuri bɛkɛ kɑ yĩresu. Mɑ Gusunɔ u nùn swɑɑ dɑki win wii kpĩibun sɔ̃.

Sɑmuɛli I 1:16

A ku nɛ wunɛn bii ɡɑrisi nɡe bii kɑm. Nɛn nuku sɑnkirɑ bɑkɑnun sɑɑbuwɑ nɑ kɑnɑru mɔ̀ sere kɑ tɛ̃.

Sɑmuɛli I 30:6

Mɑ Dɑfidin nuki sɑnkirɑ too domi win tɔmbu bɑ ɡerunɑmɔ bɑ mɔ̀ bu nùn kpenu kɑsuku bu ɡo, yèn sɔ̃ bɑ ben kurɔbu kɑ bibu biɑ. Yerɑ n derɑ bɑ nuki sɑnkire. Adɑmɑ Dɑfidi u tii deri Yinni Gusunɔn nɔmuɔ. Mɑ u nùn dɑm kɑ̃.