Yonɑsi 1:4 - Bibeli Gusunɔn Gari

⁴ Adɑmɑ Yinni Gusunɔ u derɑ woo bɔkɔ ɡɑ seewɑ nim wɔ̃ku ɡen mi. Mɑ n sɑ̃ɑre ɡoo ɡe, ɡɑ koo nim diirɑ.

Yonɑsi 1:4 ပူးပေါင်းရင်းမြစ်များ

Womusu 135:6

Ye u kĩ, yerɑ u rɑ ko wɔllɔ kɑ temɔ kɑ nim wɔ̃kuɔ kɑ ɡen sɔɔwɔ.

Womusu 135:7

U rɑ de ɡuru winu nu sɔ̃ɔsirɑ hɑnduniɑ kpuro sɔɔ. U rɑ de ɡuru mɑɑkinu nu koorɑ kpɑ u de ɡurɑ yu nɛ. Kpɑ u woo kusiɑmɑ ɡen wɑ̃ɑ yerun di.

Womusu 148:8

Dɔ̃ɔ kɑ ɡuru kpenu kɑ ɡuri bɑkɑ kɑ bukɔ kɑ woo bɔkɔ, bɛɛ be i win woodɑbɑ mɛm nɔɔwɑmmɛ, i Yinni Gusunɔ siɑro.

Yɑribu 10:13

Yerɑ Mɔwisi u win dɛkɑ ye suɑ u tĩi mi. Mɑ Yinni Gusunɔ u derɑ woo ɡɑɡɑ seemɑ sɑɑ sɔ̃ɔ yɑri yerun di tem mɛ sɔɔ. Woo ɡe, ɡɑ kuɑwɑ sɑɑ sɔ̃ɔ sɔɔn di sere kɑ wɔ̃kuru kpuro. Sisi bururu bɑ deemɑ twee wee yɑm kpuro yi woo ɡe, ɡɑ kɑ nɑ.

Yɑribu 10:19

Yerɑ Yinni Gusunɔ u derɑ woo dɑmɡuu ɡɑ seemɑ sɑɑ sɔ̃ɔ duu yerun di ɡɑ kɑ twee yi doonɑ ɡɑ ɡure nim wɔ̃ku sɔɔ ɡe bɑ mɔ̀ Nɑɑ yɑri. Bɑɑ yin tiɑ kun tiɑre tem mɛ kpuro sɔɔ.

Yɑribu 14:21

Ye bɑ turɑ nim wɔ̃ku ɡen mi, yerɑ Mɔwisi u win dɛkɑ tĩi ɡen wɔllɔ mɑ Yinni Gusunɔ u woo dɑmɡuu seeyɑ sɔ̃ɔ yɑri yerun di wɔ̃ku ɡiriru sɔɔ, ɡɑ derɑ nim wɔ̃ku ɡen nim mu bɔnu kuɑ yiru, mɑ ɡen suunu sɔɔ mi, n ɡberɑ.

Yɑribu 15:10

Adɑmɑ ɑ wunɛn wom wɛ̃siɑ, mɑ nim mu bu wukiri. Bɑ numɑ bɑ kpunɑ nɡe dɔ̃ɔ kpenu mi nim mu duku.

Yeremi 51:16

Ù n nɔɔɡiru suɑ u woodɑ wɛ̃, nim mu rɑ kpɑɑsinɛwɑ wɔllɔ, kpɑ ɡuru winu nu n sĩimɔ, kpɑ ɡuru mɑɑkinu nu de ɡurɑ yu nɛ, kpɑ woo ɡu seemɑ ɡen wɑ̃ɑ yerun di.

Amɔsu 4:13

Domi nɛnɑ nɑ ɡuunu mɔmɑ, mɑ nɑ woo tɑkɑ kuɑ. Nɑ rɑ nɛn bwisikunu tɔnu ɡiɑsie. Nɑ rɑ mɑɑ yɑm bururɑm ɡɔsie yɑm wɔ̃kuru, kpɑ nɑ n sĩimɔ ɡuunu wɔllɔ. Nɛn yĩsirɑ Gusunɔ wɔllu kɑ tem Yinni.

Gbɑburu 11:31

Yerɑ Yinni Gusunɔ u woo seeyɑ sɑɑ nim wɔ̃kun di. Mɑ woo ɡe, ɡɑ kɑ kusunu nɑ nu tɛriɑ sɑnsɑni ye sɔɔ kpuro nɡe sɔ̃ɔ teerun sɑnum sɑkɑ. Kusu ni, nu tem wukiriwɑ ɡɔm soonu yirun sɑkɑ.