Yohɑnu II 1:10 - Bibeli Gusunɔn Gari

¹⁰ Goo ù n nɑ bɛɛn mi, mɑ n kun kɑ Kirisin sɔ̃ɔsi te, i ku yɛ̃ro dɑm koosiɑ, i ku mɑɑ nùn domɑru kuɑ.

Yohɑnu II 1:10 ပူးပေါင်းရင်းမြစ်များ

Torubu 24:12

Yerɑ u nɛɛ, Gusunɔ, wunɛ wi ɑ sɑ̃ɑ nɛn yinni Aburɑhɑmu Yinni, nɑ nun kɑnɑmɔ, ɑ Aburɑhɑmu durom kuo, ɑ de ye nɑ kɑso nɑ n ye wɑ ɡisɔ.

Sinɑmbu I 13:16

Adɑmɑ sɔmɔ wi, u nùn wisɑ u nɛɛ, n ǹ koorɔ n kɑ nun wurɑ n sere mɑm nɛɛ, kon di mi, kpɑ n nɔ.

Womusu 129:8

Be bɑ sɑrɔ mi, bu ku bu domɑru kuɑ bu nɛɛ, Gusunɔn domɑru tɑ n kɑ bu wɑ̃ɑ. Bu ku rɑɑ mɑɑ nɛɛ, bɑ bu domɑru kuɑ kɑ Yinni Gusunɔn yĩsiru.

Gɔrobun Kookoosu 15:23

Mɑ durɔ be, bɑ dɑ kɑ tire te, te tɑ nɛɛ, bɛsɛ ɡɔrobu kɑ nɑɑnɛ dokeobun ɡuro ɡurobu sɑ bɛɛ tɔburɑ, bɛɛ nɑɑnɛ dokeobu Antiɔsiɔ kɑ bɛɛ be i wɑ̃ɑ Siri kɑ Silisin temɔ, bɛɛ be bɑ mɑrɑ tɔn tukobu.

Korinti I 16:22

Bɑɑwure wi u kun Yinni kĩ, u bɔ̃ri wɑ. Mɑrɑnɑtɑ. Yen tubusiɑnɑ, Yinni, ɑ nɑ.

Korinti I 5:11

Nɑ nɛɛwɑ i ku kɑ ɡoo mɛnnɑ wi bɑ sokumɔ kĩnɑsi Yesu sɔɔ ù n sɑ̃ɑ kurɔ dɑmɑ kowo, ǹ kun mɛ binɛɡii, ǹ kun mɛ bũu sɑ̃ɔ, ǹ kun mɛ ɑtɑmɑ ɡero, ǹ kun mɛ tɑm nɔro, ǹ kun mɛ tɑki dio. I ku mɑm dĩɑ ɡbɛ̃ɛru mɛnnɑ kɑ ben bweseru.

Tɛsɑlonikɑ II 3:14

Goo ù n yinɑ u ɡɑri yi mɛm nɔɔwɑ yi sɑ yoruɑ tire teni sɔɔ, i n nùn lɑɑkɑri sɑ̃ɑ kpɑ i kun mɑɑ ɡɑ̃ɑnu mɔɔsinɛ kɑ wi, n wɑ sekuru tu nùn mwɑ.

Tɛsɑlonikɑ II 3:6

Nɛɡibu, kɑ Yinni Yesu Kirisin yĩsiru sɑ bɛɛ yiiremɔ, i nɑɑnɛ dokeo bɑɑwure ɡɔwo wi u sɑ̃ɑ ɡɑru koo sɑri mɑ u ǹ sɔ̃ɔsinu swĩi ni sɑ bɛɛ wɛ̃.

Titu 3:10

Wi u kɑrɑnɑɑ dokemɔ, ɑ nùn ɡerusio nɡe nɔn yiru ɑ sere nùn fɛ̃rɑ bee tiɑ.

Yohɑnu II 1:11

Domi wi u nùn yen ɡɑɑ kuɑ, u bɔnu mɔ win kom kɔ̃sum sɔɔ.

Yohɑnu III 1:10

Yen sɔ̃nɑ nɑ̀ n nɑ, kon ɡere dɑɑ ye u mɔ̀ u kɑ sun ɡɑri kɔ̃si mɑnimɔ. N ǹ ye tɔnɑ, u ku rɑ mɑɑ nɑɑnɛ dokeobu dɑm koosie. Be bɑ mɑɑ kĩ bu bu dɑm koosiɑ, u rɑ bu yinɑriwɑ, kpɑ u bu ɡirɑ sɑɑ Yesun yiɡbɛrun di.