Yohɑnu 9:31 - Bibeli Gusunɔn Gari

³¹ Sɑ yɛ̃ mɑ Gusunɔ u ku rɑ toron ɡɑri nɔ, ɑdɑmɑ tɔn be bɑ nùn nɑsie, mɑ bɑ mɔ̀ ye u kĩ, beyɑ u rɑ swɑɑ dɑki.

Yohɑnu 9:31 ပူးပေါင်းရင်းမြစ်များ

Torubu 19:29

Sɑnɑm mɛ Gusunɔ u bɑtumɑ yen wusu kpeerɑsiɑmɔ, u Aburɑhɑmu yɑɑye mɑ u Lɔtu yɑrɑ kɑm koo bin min di.

Torubu 20:7

Ǹ n mɛn nɑ, ɑ durɔ wi nùn win kurɔ wesio tɛ̃, domi nɛn sɔmɔwɑ u sɑ̃ɑ. U koo mɑɑ nun kɑnɑru kuɑ kpɑ ɑ ku ɡbi. À n mɑɑ yinɑ ɑ nùn kurɔ wi wesiɑ, i ko ɡbiwɑ wunɛ kɑ wunɛn tɔmbu kpuro.

Yoobu 35:12

Bɑ̀ n somiru kɑnɑ Gusunɔ u ku rɑ wure, yèn sɔ̃ bɑ tii sue mɑ bɑ sɑ̃ɑ tɔn kɔ̃sobu.

Yoobu 35:13

Bɑ ko n kuuki mɔ̀, ɑdɑmɑ kɑm sɔɔrɑ mi. Domi Yinni Gusunɔ Dɑm kpuroɡii u ǹ nɔɔmɔ u sere ben lɑɑkɑri ko.

Yoobu 42:8

Yen sɔ̃, i seewo i nɑɑ kinɛnu nɔɔbɑ yiru kɑ yɑ̃ɑ kinɛnu nɔɔbɑ yiru suɑ i kɑ dɑ nɛn bɔ̃ɔ Yoobun mi, i kɑ yɑ̃ku dɔ̃ɔ mwɑɑrɑruɡinu ko. Kpɑ u bɛɛ kɑnɑru kuɑ. Kon kɑnɑ te mwɑ. Kpɑ n ku mɑɑ bɛɛ kuɑ ye kon dɑɑ bɛɛ kuɑ bɛɛn wiirɑ ɡɑrin sɔ̃. Domi i ǹ nɛn ɡɑri ɡeruɑ dee dee nɡe mɛ Yoobu u ɡeruɑ.

Womusu 106:23

Yen biru, ɑ ɡɔ̃ru doke ɑ bu kpeerɑsiɑ. Adɑmɑ Mɔwisi wunɛn sɔm kowo u nun suuru kɑnɑ ɑ kɑ wunɛn mɔru suresiɑ, kpɑ ɑ ku mɑɑ bu kɑm koosiɑ.

Womusu 143:10

Wunɑ sɑ̃ɑ nɛn Yinni. A mɑn sɔ̃ɔsio mɛ ko nɑ n dɑ wunɛn kĩru ko. A de wunɛn Hunde ɡeo wi, u mɑn kpɑrɑ swɑɑ ye yɑ nɔɔ nɛ sɔɔ.

Womusu 145:19

A rɑ be bɑ nun nɑsie kĩru yibie kpɑ ɑ ben wuri nɔ ɑ bu fɑɑbɑ ko.

Womusu 18:41

Wunɑ ɑ rɑ de nɛn yibɛrɛbɑ bu mɑn biru kisi. Wunɑ ɑ rɑ de n be bɑ mɑn tusɑ kpeerɑsiɑ.

Womusu 40:8

Mɑ nɑ nɛɛ, nɛ wee, nɡe mɛ bɑ nɛn ɡɑri yoruɑ woodɑn tireru sɔɔ.

Womusu 99:6

Mɔwisi kɑ Aroni bɑ wɑ̃ɑwɑ win yɑ̃ku kowobu sɔɔ. Sɑmuɛli u sɑ̃ɑwɑ be bɑ rɑ nùn sokun turo. Be kpurowɑ bɑ nùn sokɑ mɑ u bu wurɑri.

Mɔnnu 15:29

Yinni Gusunɔ u ku rɑ tɔn kɔ̃son kɑnɑru lɑɑkɑri ko, ɑdɑmɑ u rɑ ɡemɡiin kɑnɑru nɔ.

Mɔnnu 21:13

Wi u yinɑ u sɑ̃ɑron wuri nɔ, bɑ ǹ mɑɑ win tiiɡii nɔɔmɔ ù n somiru kɑnɑmɔ.

Mɔnnu 28:9

Wi u yinɑ u Gusunɔn woodɑ swɑɑ dɑki, Gusunɔ u rɑ yɛ̃ro yinɛwɑ sere kɑ win kɑnɑrɔ.

Esɑi 1:15

Bɑɑ ì n bɛɛn kɑnɑru dɛnyɑsiɑmɔ, nɑ ku rɑ nu swɑɑ dɑki. Ì n nɔmɑ yiiyɑ wɔllɔ i kɑ kɑnɑru ko, nɑ rɑ nɛn wuswɑɑ sĩiyɛwɑ, nɑ kun bɛɛ mɛɛrɑ. Domi bɛɛn nɔmɑ tɔmbun yɛm yibɑ be i ɡo.

Esɑi 58:9

Sɑnɑm mɛyɑ ì n mɑn sokɑ, kon bɛɛ wisi n nɛɛ, nɛ wee. Ì n bɛɛn yobu kɑrɑ, mɑ i murɑfitiru kɑ ɡɑri kɔ̃si deri,

Yeremi 11:11

Yen sɔ̃nɑ nɛ, Yinni Gusunɔ, kon de kɔ̃sɑ yu bu wɔri. Bɑ ǹ yɑriɔ kɔ̃sɑ yen min di. Bɑ koo mɑn nɔɔɡiru sue ɑdɑmɑ nɑ ǹ bu swɑɑ dɑkimɔ.

Yeremi 14:12

Domi bɑɑ bɑ̀ n nɔɔ bɔkuɑ, nɑ ǹ ben kɑnɑru nɔɔmɔ. Bɑ̀ n mɑɑ yɑ̃ku dɔ̃ɔ mwɑɑrɑruɡinu kɑ kɛ̃nu ɡɑnu kuɑ, nɑ ǹ nu mwɑɑmɔ. Kon de bu ɡbiwɑ ɡɔ̃ɔrun sɔ̃ kɑ kɛ̃si kɛ̃si bɑrɑrun sɔ̃ kɑ mɑɑ tɑbu sɔɔ.

Yeremi 15:1

Yinni Gusunɔ u Yeremi sɔ̃ɔwɑ u nɛɛ, nɑ ǹ nɛn tɔmbu Yudɑbɑ wɔnwɔndu kuɑmmɛ, bɑɑ Mɔwisi kɑ Sɑmuɛli bɑ̀ n nɑ nɛn mi, bu kɑ mɑn suuru kɑnɑ ben sɔ̃. Kon bu sɔ̃wɑ n nɛɛ, bu doonɔ nɛn wuswɑɑn di.

Esekiɛli 8:18

Nɛn tii kon bu ye bɑ kuɑ kɔsie kɑ nɛn mɔru bɑkɑ. Nɑ ǹ bu mɛɛrimɔ kɑ wɔnwɔndu. Bɑ koo wuri kowɑ kɑ dɑm bu kɑ mɑn somiru kɑnɑ. Adɑmɑ nɑ ǹ bu swɑɑ dɑkimɔ.

Misee 3:4

Yen sɔ̃nɑ ì n Yinni Gusunɔ kɑnɑ u bɛɛ somi, u ǹ bɛɛ wisimɔ. U koo bɛɛ biru kisiwɑ kɔ̃sɑ ye i kuɑ min sɔ̃.

Sɑkɑri 7:13

Sɑnɑm mɛ nɑ bu sokɑ, bɑ ǹ wisɑ. Yen sɔ̃nɑ nɛn tii nɑ ǹ mɑɑ bu wisɑ sɑnɑm mɛ bɑ mɑn somiru kɑnɑ.

Yohɑnu 11:22

Adɑmɑ bɑɑ tɛ̃, nɑ yɛ̃ mɑ yɑbu bɑɑyere ye kɑɑ bikiɑ Gusunɔn nɔmuɔ u koo nun wɛ̃.

Yohɑnu 15:16

N ǹ mɔ bɛɛyɑ i mɑn ɡɔsɑ, nɛnɑ nɑ bɛɛ ɡɔsɑ. Nɑ mɑɑ bɛɛ wunɑ nɛnɛm kpɑ i dɑ i binu mɑ ni nu koo tɛ. Kpɑ ɡɑ̃ɑnu bɑɑnire ni bɛɛ i kɑnɑ nɛn Bɑɑbɑn mi kɑ nɛn yĩsiru, u bɛɛ wɛ̃.

Yohɑnu 4:34

Yesu u bu sɔ̃ɔwɑ u nɛɛ, nɛn dĩɑnɑ n wi u mɑn ɡɔrimɑn ɡɔ̃ru kĩru ko kpɑ n win sɔmburu wiru ɡo.

Yohɑnu 7:17

Goo ù n kĩ u Gusunɔn kĩru ko, u koo ɡiɑ nɡe mɛ nɛn sɔ̃ɔsirɑ sɑ̃ɑ, ǹ n Gusunɔɡirun nɑ, ǹ n mɑɑ nɛn tiiɡirun nɑ.

Yohɑnu 9:30

Mɑ durɔ wi, u bu sɔ̃ɔwɑ u nɛɛ, ɡeemɑ, bitin ɡɑriyɑ ye i ǹ kɑ yɛ̃ mìn di u nɑ. Kɑ mɛ, sii mɑn yɑm wɑɑsiɑ.

Yohɑnu 9:32

Sɑɑ toren di ɡoo kun nɔɔre bɑ tɔnun nɔni wukiɑ wi bɑ mɑrɑ kɑ wɔ̃koru.

Sɔ̃ɔsiru 1:45

Ye i wurɑmɑ, i Yinni Gusunɔ weeweenu koosi. Adɑmɑ u ǹ bɛɛ swɑɑ dɑki.

Heberu 10:7

Mɑ nɑ nɛɛ, nɛ wee Gusunɔ, nɑ sisi n kɑ wunɛn kĩru ko nɡe mɛ bɑ nɛn ɡɑri yoruɑ woodɑn tireru sɔɔ.”