Yohɑnu 8:9 - Bibeli Gusunɔn Gari

⁹ Ye bɑ yeni nuɑ mɑ bɑ yɑrɑ tiɑ tiɑ sɑɑ bukurobun min di sere kɑ bibɔ. Mɑ Yesu tiɑ wi turo kɑ sere kurɔ wi.

Yohɑnu 8:9 ပူးပေါင်းရင်းမြစ်များ

Sinɑmbu I 17:18

Yerɑ u Eli sɔ̃ɔwɑ u nɛɛ, Gusunɔn tɔnu wunɛ, ɑ nɑwɑ ɑ kɑ Gusunɔ nɛn torɑnu yɑɑyɑsiɑ? Domi wee nɛn bii u ɡu.

Sinɑmbu I 2:44

Tɛ̃ ɑ yɑɑye kɔ̃sɑ ye ɑ nɛn tundo Dɑfidi kuɑ? Yinni Gusunɔwɑ u koo nun ye kɔsie.

Yoobu 20:27

Wɔllu tɑ koo win durum sɔ̃ɔsi, kpɑ tem mu nùn seesi.

Yoobu 20:5

ɑ ǹ yɛ̃ mɑ kɔ̃sɑn kowon nɑsɑrɑ ku rɑ tɛ? Mɛyɑ mɑɑ win nuku dobu kun tɛɛmɔ.

Womusu 40:14

Yinni Gusunɔ, ɑ mɑn wɔro, ɑ nɑ fuuku ɑ mɑn fɑɑbɑ ko.

Womusu 50:21

Yenibɑ kpurowɑ ɑ kuɑ, mɑ nɑ mɑɑri. Domi ɑ tɑmɑɑ nɑ sɑ̃ɑwɑ nɡe wunɛ. Adɑmɑ kon nun tɑɑrɛ wɛ̃ kpɑ n kpuro terɑsiɑ wunɛn wuswɑɑɔ.

Womusu 71:13

A de be bɑ kɑsu bu mɑn ɡo mi, bu burisinɑ bu kɑm ko. A de be bɑ nɛn kɑm kobu kĩ bu sekuru wɑ.

Wɑɑsu kowo 7:22

Domi wunɛn ɡɔ̃ru ɡɑ koo nun sɔ̃ mɑ wunɛn tii ɑ ɡɑbu bɔ̃rusire.

Luku 13:17

Sɑnɑm mɛ u yeni ɡerumɔ, sekurɑ win wɛrɔbu kpuro mwɑ, mɑ tɔn wɔru ɡɑ nuku dobu mɔ̀ sɔm mɑɑmɑɑkiɡinu kpuron sɔ̃ ni u mɔ̀.

Yohɑnu 8:10

Yesu u tii dɛmiɑ mɑ u nùn bikiɑ u nɛɛ, kurɔ wunɛ, be bɑ nun tɑɑrɛ wɛ̃ɛmɔ mɑnɑ bɑ wɑ̃ɑ. Ben ɡoo kun mɑɑ tie?

Yohɑnu 8:12

Yen biru Yesu u kpɑm kɑ tɔmbu ɡɑri kuɑ u nɛɛ, nɛnɑ hɑnduniɑn yɑm bururɑm. Wi u mɑn swĩi, u ko n yɑm bururɑm mɔ mɛ mu sɑ̃ɑ wɑ̃ɑru, u ǹ mɑɑ wɑ̃ɑ u sĩ yɑm wɔ̃kuru sɔɔ.

Yohɑnu 8:2

Yen sisiru buru buru yellu u ɡɔsirɑ sɑ̃ɑ yerɔ. Mɑ tɔmbu kpuro bɑ dɑ win mi, mɑ u sinɑ u bu keu sɔ̃ɔsim wɔri.

Yohɑnu 8:3

Mɑ woodɑ yɛ̃robu kɑ Fɑlisibɑ bɑ kɑ kurɔ ɡoo nɑ win mi, wi bɑ mwɑɑmɑ sɑkɑrɑru sɔɔ, bɑ nùn yɔ̃rɑsiɑ be kpuron wuswɑɑɔ.

Yohɑnu 8:8

Mɑ u kpɑm tukɑ u yorumɔ temɔ.

Romu 2:15

Ben dɑɑ yɑ sɔ̃ɔsimɔ mɑ woodɑn kookoosu su yoruɑ ben ɡɔ̃rusu sɔɔ. Ben ɡɔ̃ru ɡɑ mɑɑ yen seedɑ dimɔ, domi ben bwisikunu nu bu ben torɑnu sɔ̃ɔsimɔ, ǹ kun mɛ, nu kɑ bu yinɑmɔ.

Romu 2:22

Wunɛ wi ɑ ɡerumɔ bu ku sɑkɑrɑru ko, mbɑn sɔ̃nɑ ɑ mɔ̀. Wunɛ wi ɑ bũnu tusɑ, mbɑn sɔ̃nɑ ɑ ɡbɛnimɔ nin dinɔ.

Yohɑnu I 3:20

Domi bɛsɛn ɡɔ̃ru ɡɑ̀ n sun tɑɑrɛ wɛ̃ɛmɔ sɑ yɛ̃ mɑ Gusunɔ u bɛsɛn ɡɔ̃ru kere, u mɑɑ kpuro yɛ̃.