Yohɑnu 8:43 - Bibeli Gusunɔn Gari

⁴³ Mbɑn sɔ̃nɑ nɛn bɑrum kun kɑ bɛɛ yeeri. Mu ǹ bɛɛ yeeri yèn sɔ̃ i ǹ kpɛ̃ i nɛn ɡɑri nɔ.

Yohɑnu 8:43 ပူးပေါင်းရင်းမြစ်များ

Mɔnnu 28:5

Tɔn kɔ̃sobu bɑ ku rɑ ɡem swɑɑ tubu, ɑdɑmɑ be bɑ rɑ Yinni Gusunɔ mɛm nɔɔwɛn mi, kpuro rɑ bu yeeriwɑ.

Esɑi 44:18

Adɑmɑ tɔn ben bweseru, bɑ ǹ yɛ̃ru mɔ, bɑ ǹ mɑɑ bwisi mɔ. Domi bɑ tii nɔni wɔ̃kuɑ bu ku kɑ yɑm wɑ. Mɛyɑ bɑ mɑɑ ben tiin bwisikunu sĩiyɑ, kpɑ ɡɑ̃ɑnu nu ku kɑ bu yeeri.

Esɑi 6:9

Mɑ u mɑn sɔ̃ɔwɑ u nɛɛ, ǹ n mɛn nɑ, n doo n Isirelibɑ ɡɑri yini sɔ̃ n nɛɛ, wee bɑ ko n dɑ kɑsu bu win ɡɑri nɔ, ɑdɑmɑ bɑ ǹ yi nɔɔmɔ. Bɑ ko n dɑ kɑsu bu wɑ, ɑdɑmɑ bɑ ǹ ɡɑ̃ɑnu wɑsi.

Yeremi 6:10

Mɑ Yeremi u wisɑ u nɛɛ, wɑrɑ kon ɡɑri sɔ̃, kpɑ n nùn kirɔ ko. Wɑrɑ koo mɑn swɑɑ dɑki. Wee, bɑ swɑɑ tɑu. Bɑ ǹ kpɛ̃ bu lɑɑkɑri ko. Ben mi, wunɛ Yinni Gusunɔn ɡɑri yi rɑ bu sekuru kowɑ. Bɑ ku rɑ kɑ̃ bu yi nɔ.

Osee 14:9

Sɑɑ ye, Isirelibɑ bɑ ǹ mɑɑ bũnu sɑ̃ɑmɔ. Domi kon ben kɑnɑru nɔ, kpɑ n bu nɔni doke. Nɑ kon sɑ̃ɑwɑ nɡe dɑ̃ɑ ye yɑ ku rɑ ɡbere ben sɔ̃. Nɛn min diyɑ bɑ koo domɑru wɑ.

Misee 4:12

Adɑmɑ tɔn be, bɑ ǹ yɛ̃ himbɑ ye Yinni Gusunɔ u yi win tɔmbun sɔ̃. Bɑ ǹ win bwisikunu yɛ̃. U kĩ u bu mɛnnɑ nɡe ɑlikɑmɑ ye bɑ subɑ mi bɑ rɑ ye so.

Mɑteu 13:15

Domi tɔn benin ɡɔ̃ru ɡɑ ǹ biti mɔ. Bɑ ben tiin swɑɑ kɔruɑ, bɑ nɔni yinwɑ. Kpɑ bu ku wɑ kɑ ben nɔni. Kpɑ bu ku nɔ kɑ ben swɑɑ. Kpɑ bu ku ɡiɑ kɑ ben bwisi. Kpɑ bu ku rɑɑ kɑ ɡɔsirɑmɑ nɛn mi n kɑ bu bɛkiɑ.”

Yohɑnu 5:25

Kɑ ɡeemɑ nɑ bɛɛ sɔ̃ɔmɔ, sɑɑ yɑ sisi yɑ mɑm tunumɑ kɔ, ye ɡɔribu bɑ koo Gusunɔn Biin nɔɔ nɔ. Be bɑ koo mɑɑ ɡu nɔ bɑ ko n wɑ̃ɑru mɔ.

Yohɑnu 5:43

Nɑ nɑwɑ kɑ nɛn Bɑɑbɑn yĩsiru, mɑ i ǹ mɑn wure. Adɑmɑ ɡoo ù n nɑ kɑ win tiin yĩsiru, wiyɑ i ko wurɑ.

Yohɑnu 6:60

Sɑnɑm mɛ win bwɑ̃ɑ dɑbirɑ ɡɑri yi nuɑ bɑ nɛɛ, ɡɑri yi, ɡɑri sɛ̃sɔɡiiyɑ, wɑrɑ u koo kpĩ u yi nɔ.

Yohɑnu 7:17

Goo ù n kĩ u Gusunɔn kĩru ko, u koo ɡiɑ nɡe mɛ nɛn sɔ̃ɔsirɑ sɑ̃ɑ, ǹ n Gusunɔɡirun nɑ, ǹ n mɑɑ nɛn tiiɡirun nɑ.

Yohɑnu 8:27

N ǹ mɑɑ bu yeeri mɑ Bɑɑbɑn ɡɑriyɑ u bu sɔ̃ɔmɔ.

Yohɑnu 8:33

Bɑ nùn sɔ̃ɔwɑ bɑ nɛɛ, bɛsɛ Aburɑhɑmun bweserɑ, sɑ ǹ mɑɑ koore ɡoon yobu. Amɔnɑ ɑ kɑ nɛɛ sɑ ko yɑkiɑrɑ yorun di.

Yohɑnu 8:39

Bɑ nùn sɔ̃ɔwɑ bɑ nɛɛ, Aburɑhɑmuwɑ bɛsɛn bɑɑbɑ. Mɑ Yesu u bu wisɑ u nɛɛ, ì n dɑɑ sɑ̃ɑn nɑ Aburɑhɑmun bibu, i ko n dɑɑ Aburɑhɑmun kookoosu mɔ̀.

Gɔrobun Kookoosu 7:51

Etiɛni u mɑɑ bu sɔ̃ɔwɑ u nɛɛ, bɛɛ deɡɑnɡɑmɡibu! Bɛɛn ɡɔ̃rusu kɑ bɛɛn swɑsu su sɑ̃ɑ nɡe be bɑ ǹ Gusunɔ nɑsieɡisu, i rɑ n Hunde Dɛɛro yinɑmɔ, i mɔ̀wɑ nɡe bɛɛn bɑɑbɑbɑ.

Romu 3:11

Goo sɑri wi u bwisi mɔ. Goo sɑri wi u Gusunɔ kɑsu.