Yohɑnu 8:41 - Bibeli Gusunɔn Gari

⁴¹ Bɛɛ i bɛɛn tundon kookoosu mɔ̀. Bɑ nùn sɔ̃ɔwɑ bɑ nɛɛ, sɑ ǹ sɑ̃ɑ seeɡebɑ. Bɑɑbɑ turowɑ sɑ mɔ, wiyɑ Gusunɔ.

Yohɑnu 8:41 ပူးပေါင်းရင်းမြစ်များ

Yɑribu 4:22

Kpɑ ɑ nùn sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ, Isirelin bweseru tɑ sɑ̃ɑwɑ nɡe nɛn bii yerumɑ.

Esɑi 63:16

Adɑmɑ wunɑ ɑ sɑ̃ɑ bɛsɛn bɑɑbɑ. Bɛsɛn yĩiyɔbu kun mɑɑ wɑ̃ɑ bɛsɛn sikɑdobɑ sɔɔ. Bɑɑ Aburɑhɑmu kɑ Isireli bɑ̀ kun sun wure, Yinni Gusunɔ, wunɑ ɑ sɑ̃ɑ bɛsɛn bɑɑbɑ, wunɛ wi ɑ sun fɑɑbɑ kuɑ sɑɑ yellun di.

Esɑi 64:8

Yinni Gusunɔ, ɑ ku mɔru ko too, ɑ kun mɑɑ bɛsɛn durum ye yɑɑye sere kɑ bɑɑdommɑɔ. Adɑmɑ ɑ n yɛ̃ mɑ sɑ sɑ̃ɑwɑ wunɛn tɔmbu.

Yeremi 3:19

Nɛ, Yinni Gusunɔ nɑ ɡeruɑ nɑ nɛɛ, kon dɑɑ bɛɛ Isirelibɑ kowɑ nɛn bii kĩnɑsibu, kpɑ n bɛɛ tem ɡem wɛ̃ mɛ mu burɑm bo hɑnduniɑ yeni sɔɔ. Nɑ rɑɑ tɑmɑɑ i ko mɑn sokuwɑ bɛɛn Bɑɑbɑ, kpɑ i ku mɑɑ mɑn deri.

Yeremi 31:20

Isirelin bweseru tɑ sɑ̃ɑwɑ nɡe nɛn bii kĩnɑsi. Mɛyɑ nɑ mɑɑ tu kĩru sɔ̃ɔsi. Domi nɡe mɛ̀n nɔru nɑ ten ɡɑri mɔ̀, nɡe mɛyɑ ten kĩru tɑ rɑ n wɑ̃ɑ nɛn ɡɔ̃ruɔ. Nɛn bwɛ̃rɑ kun kpunɛ ten sɔ̃. Kon tu wɔnwɔn bɑkɑru kuɑ. Nɛ, Yinni Gusunɔwɑ nɑ yeni ɡeruɑ.

Osee 1:2

Gɑri yi Yinni Gusunɔ u ɡbiɑ u Osee sɔ̃ɔwɑ yi wee. U nɛɛ, Osee, ɑ doo ɑ kurɔ suɑ wi u rɑ sɑkɑrɑru ko. Bɛɛn bibu bɑ koo mɑɑ win yirɑ swĩi. Domi Isirelibɑ bɑ bũnu ɡɑsirimɔ bɑ sɑ̃ɑmɔ nɡe kurɔ sɑkɑrɑ wi u durɔbu ɡɑsirimɔ. Mɑ bɑ nɛ, Yinni Gusunɔ deri.

Mɑlɑsi 1:6

Bɛɛ yɑ̃ku kowobu, bɛɛ be i mɑn ɡɛmɑ, mɑ i mɔ̀, yen yere sɔɔrɑ i mɑn ɡɛmɑ, wee ye nɛ Gusunɔ wɔllu kɑ tem Yinni nɑ bɛɛ sɔ̃ɔmɔ. Bii u rɑ win tundo bɛɛrɛ wɛ̃. Mɛyɑ sɔm kowo u rɑ mɑɑ win yinni bɛɛrɛ wɛ̃. Nɑ̀ n sɑ̃ɑn nɑ bɛɛn tundo, mɑnɑ bɛɛrɛ yɑ wɑ̃ɑ ye i mɑn wɛ̃ɛmɔ. Nɑ̀ n mɑɑ sɑ̃ɑn nɑ bɛɛn Yinni, mɑnɑ bɛɛrɛ yɑ wɑ̃ɑ ye i mɑn wɛ̃ɛmɔ.

Mɑlɑsi 2:11

Yudɑbɑ bɑ kuɑ nɑɑnɛ sɑribɑ. Mɑ bɑ durum bɑkɑ kuɑ Yerusɑlɛmuɔ kɑ Isirelin tem kpuro sɔɔ. Domi bɑ Yinni Gusunɔn sɑ̃ɑ yee te u kĩ too disi doke. Mɑ bɑ dɑ bɑ bũuɡibun wɔndiɑbɑ suɑ kurɔbu.

Yohɑnu 8:38

Nɑ bɛɛ sɔ̃ɔmɔ ye nɑ wɑ nɛn Bɑɑbɑn mi, ɑdɑmɑ bɛɛ i mɔ̀ ye i ɡiɑ bɛɛn bɑɑbɑn mi.

Yohɑnu 8:44

Setɑmwɑ bɛɛn tundo, i mɑɑ kĩ i bɛɛn tundon kĩru ko. Tɔn ɡowowɑ sɑɑ toren di, u ǹ mɑɑ ɡem swĩi, domi ɡem sɑri wi sɔɔ. Sɑnɑm mɛ u weesu ɡerumɔ, u rɑ n ɡerumɔwɑ kɑ win tiin dɑɑ, yèn sɔ̃ weesuɡiiwɑ kɑ mɑɑ weesu kpuron bɑɑbɑ.

Sɔ̃ɔsiru 14:1

Bɛɛ Isirelibɑ, i sɑ̃ɑwɑ Gusunɔ bɛsɛn Yinnin tɔmbu. Goo ù n ɡu, i ku rɑ bɛɛn wɑsin ɡɑm murɑ. I ku rɑ mɑɑ bɛɛn seri kɔni wuswɑɑ ɡiɑ.

Sɔ̃ɔsiru 32:6

Gɑri bɑkɑsu bɛɛ, nɡe mɛyɑ bɑ rɑ Yinni Gusunɔ kue? U ǹ sɑ̃ɑ bɛɛn bɑɑbɑ kɑ bɛɛn tɑkɑ kowo? N ǹ wi, u bɛɛ tɑ̃sisiɑ u kuɑ win tɔmbu?

Yohɑnu I 3:12

kpɑ sɑ kun sɑ̃ɑ nɡe Kɑɛni wi u sɑ̃ɑ tɔn kɔ̃so wiɡii mɑ u win wɔnɔ ɡo. Mbɑn sɔ̃nɑ u nùn ɡo. U nùn ɡo yèn sɔ̃ win tii u kom kɔ̃sum kuɑ, wɔnɔ mɑɑ kom ɡem kuɑ.