Yohɑnu 7:7 - Bibeli Gusunɔn Gari

⁷ Hɑnduniɑɡibɑ kun kpɛ̃ bu bɛɛ tusi, ɑdɑmɑ bɑ mɑn tusɑ nɛ, yèn sɔ̃ nɑ nɛɛ, ben kookoosu kun wɑ̃.

Yohɑnu 7:7 ပူးပေါင်းရင်းမြစ်များ

Sinɑmbu I 21:20

Yerɑ Eli u dɑ Akɑbun mi. Ye u turɑ mi, yerɑ Akɑbu u nùn sɔ̃ɔwɑ u nɛɛ, nɛn yibɛrɛ, ɑ den mɑn wɑ? Eli u nùn wisɑ u nɛɛ, nɑ nun wɑ. Wee, Yinni Gusunɔ u koo nun kɔ̃sɑ suremɑ kpɑ u wunɛn tɔmbu kpuro ɡo kɑ wunɛn yobɔ yèn sɔ̃ ɑ tii yɔ̃su ɑ kɔ̃sɑ kuɑ win wuswɑɑɔ.

Sinɑmbu I 22:8

Isirelibɑn sinɑ boko u nɛɛ, Gusunɔn sɔmɔ turowɑ u wɑ̃ɑ mini, wìn min di sɑ ko kpĩ su Yinni Gusunɔn ɡere nɔ. Adɑmɑ nɑ nùn tusɑ. Domi u ku rɑ mɑn ɡɑ̃ɑ ɡeenu sɔ̃. Sɔmɔ win yĩsirɑ Misee Yimilɑn bii. Mɑ Yosɑfɑti u nùn sɔ̃ɔwɑ u nɛɛ, sinɑ boko, ɑ ku ɡere mɛ.

Womusu 109:5

Wee bɑ mɑn kɔ̃sɑ kɔsiemɔ ɡem ɑyerɔ. Mɑ bɑ mɑn tusɑ bɑɑ mɛ nɑ bu kĩru sɔ̃ɔsimɔ.

Mɔnnu 15:12

Wi u tii sue, u ku rɑ kɑ̃ bu nùn ɡerusi. U ku rɑ mɑɑ kɑ̃ bwisiɡibu bu nùn bwisi kɛ̃.

Mɔnnu 8:36

Adɑmɑ wi u mɑn torɑ u tii kɔ̃sɑ kuɑwɑ. Be bɑ mɑn tusɑ kpuro, ɡɔɔwɑ bɑ kĩ.

Esɑi 29:21

Kon mɑɑ be bɑ rɑ tɔmbu tɑɑrɛ wɛ̃ siri yerɔ kpeerɑsiɑ, kɑ be bɑ rɑ tɔmbu yinɑ bɛrie be bɑ kɑ tii yinɑmɔ, kɑ be bɑ rɑ ɡemɡii win ɡem bire siri yerɔ.

Esɑi 49:7

Yeniwɑ Gusunɔ, Isirelibɑn Yinni Dɛɛro wi u bu fɑɑbɑ kuɑ, u nun sɔ̃ɔwɑ, wunɛ wi ɑ sɑ̃ɑ dɑmɡibun yoo wi tɔmbɑ tusɑ bɑ ɡɛmɑ. U nɛɛ, sinɑmbɑ koo nun wɑ kpɑ bu nun bɛɛrɛ wɛ̃. Sinɑ bibɑ koo mɑɑ nun kpunɑ nɛ, Isirelibɑn Yinni Dɛɛron sɔ̃, nɛ wi nɑ sɑ̃ɑ nɑɑnɛɡii mɑ nɑ nun ɡɔsɑ.

Yeremi 20:8

Nɑ̀ n kĩ n ɡɑri ɡere, sere n nɔɔɡiru suɑ kɑ dɑm n nɛɛ, yibɛrɛbɑ bɑ wee bu sun dɑm dɔre, kpɑ bu sun kɑm koosiɑ. Yinni Gusunɔ, tɔmbɑ rɑ n mɑn yɛ̃ɛmɔwɑ wunɛn ɡɑrin sɔ̃ bɑɑdommɑ.

Sɑ̃ɑrun Woodɑ 13:10

Yɑ̃ku kowo wiyɑ u koo nùn mɛɛri. Ù n bɑu kpiku wɑ mi, mɑ bɑu ɡen sɑnsu buriri, mɑ ɡɔnɑ ye, yɑ boo kuɑ,

Sɑkɑri 11:8

Suru tiɑn bɑɑ sɔɔ u nin kpɑrobu itɑ ɡo. Mɑ u kɑ nu tii kpɑrɑ u tɛmɑnɑbu kpɑnɑ. Mɑ nin tii nu nùn tusɑ.

Mɑlɑsi 3:5

Kon susimɑ bɛɛn bɔkuɔ n bɛɛ siri. Kpɑ n dobo doboɡibu seesi kɑ sɑkɑrɑ kowobu kɑ be bɑ rɑ bɔ̃re weesu sɔɔ kɑ be bɑ rɑ sɔm kowobun ɡobi tɛɛsi kɑ be bɑ rɑ ɡɔminibu kɑ ɡobekubɑ kɑ sɔbu dɑm dɔre, mɑ bɑ ǹ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Luku 6:26

Nɔni swɑ̃ɑruɡibɑ bɛɛ, tɔmbu kpuro bɑ̀ n bɛɛn ɡeɑ ɡerumɔ. Domi mɛyɑ ben bɑɑbɑbɑ bɑ sɔmɔ weesuɡibu kuɑ.

Yohɑnu 17:14

Nɑ bu wunɛn ɡɑri wɛ̃, mɑ hɑnduniɑɡibɑ bu tusɑ yèn sɔ̃ bɑ ǹ sɑ̃ɑ hɑnduniɑɡibu, nɡe mɛ nɛn tii nɑ ǹ sɑ̃ɑ hɑnduniɑɡii.

Yohɑnu 3:19

N wee mìn di tɑɑrɛ wɛ̃ɛbu nɑ. Yɑm bururɑm mu nɑ hɑnduniɑɔ, ɑdɑmɑ tɔmbɑ yɑm wɔ̃kuru kĩɑ n yɑm bururɑm kere yèn sɔ̃ ben kookoosu kun wɑ̃ si bɑ mɔ̀.

Romu 8:7

Domi be bɑ ben dɑɑɡiɑ bwisikumɔ bɑ kuɑ Gusunɔn yibɛrɛbɑ. Bɑ ǹ Gusunɔn woodɑ mɛm nɔɔwɑmmɛ, bɑ ǹ mɑm kpɛ̃.

Gɑlɑti 4:16

Nɑ kuɑ bɛɛn yibɛrɛ yèn sɔ̃ nɑ bɛɛ ɡem sɔ̃ɔwɑ?

Yɑkɔbu 4:4

Bɛɛ be i ǹ kɑ tɔn turo yɔ̃, i ǹ yɛ̃ mɑ hɑnduniɑn bɔrɔ Gusunɔn yibɛrɛwɑ? Ǹ n mɛn nɑ wi u kĩ u ko hɑnduniɑn bɔrɔ, u tii kuɑ Gusunɔn yibɛrɛ.

Yohɑnu I 4:5

Beni hɑnduniɑɡibɑ bɑ sɑ̃ɑ, yen sɔ̃nɑ bɑ kɑ hɑnduniɑn bwisi ɡɑri mɔ̀, mɑ hɑnduniɑɡibɑ bu swɑɑ dɑki.