Yohɑnu 7:38 - Bibeli Gusunɔn Gari

³⁸ Nɡe mɛ bɑ yoruɑ Gusunɔn ɡɑri sɔɔ bɑ nɛɛ, bɑɑwure wi u mɑn nɑɑnɛ doke, wɑ̃ɑrun bwii yi ko n kokumɔwɑ sɑɑ yɛ̃ron nukurun di.

Yohɑnu 7:38 ပူးပေါင်းရင်းမြစ်များ

Mɔnnu 10:11

Bwisiɡiin ɡɑri yi sɑ̃ɑwɑ wɑ̃ɑrun nuuru, ɑdɑmɑ tɔn kɔ̃son ɡɑri, kɔ̃sɑ yi rɑ n bɛki.

Mɔnnu 18:4

Tɔnun ɡɑri yi sɛ̃wɑ nɡe dɑɑ tèn nim mu duku, ɑdɑmɑ bwisi yi sɑ̃ɑwɑ nɡe nim mɛ mu yɑrimɔ sɑɑ bwiɑn di.

Esɑi 12:3

Nɡe mɛ wi nim nɔru ɡɑ mɔ̀, ù n nim wɑ, u rɑ n nuku dobu mɔ, nɡe mɛyɑ bɑ̀ n fɑɑbɑ wɑ bɑ koo nuku dobu ko,

Esɑi 35:6

kpɑ kɔ̃ri kpirinuɡibu bɑ n yɔ̃ɔkumɔ nɡe kpɑsi. Mɛyɑ wi u ku rɑ kpĩ u ɡɑri ɡere, win yɑrɑ koo kusiɑrɑ kpɑ u n nɔɔɡiru mɔ̀ kɑ nuku dobu. Nim mu koo yɑri mu koku tem mi ɡɑ̃ɑnu ku rɑ kpi sɔɔ,

Esɑi 44:3

Kon de nim mu tɛriɑ tem ɡbebum wɔllɔ, kpɑ dɑru koki yi yɑri min di. Kon nɛn Hunde yibie wunɛn bibun bweseru sɔɔ, kpɑ n bu domɑru kuɑ.

Esɑi 55:1

Yinni Gusunɔ u nɛɛ, bɛɛ be nim nɔru ɡɑ mɔ̀, i nɑ i nim nɔ. Bɑɑ bɛɛ be i ǹ ɡobi mɔ, i nɑ i mwɑ i di. I nɑ i tɑm kɑ bom mwɑ i nɔ n kun kɑ ɡobi.

Esɑi 58:11

Nɛ, Yinni Gusunɔ, kon bɛɛ kpɑrɑ sere kɑ bɑɑdommɑɔ, kpɑ n de i n debɑ bɑɑ mi dĩɑnu ku rɑ kpi. Kon de bɛɛn wɑsi yi dɑm wɑ, kpɑ i n sɑ̃ɑ nɡe ɡbee te tɑ kɑkoru mɔ, ǹ kun mɛ nɡe bwii yìn nim ku rɑ kpe.

Esɑi 59:21

U mɑɑ nɛɛ, win ɑrukɑwɑni wee, ye u kɑ bu bɔkumɔ. Win Hunde u ko n wɑ̃ɑwɑ be sɔɔ, kpɑ u win ɡɑri doke ben nɔsɔ. Yin ɡɛɛ kun doonɔ ben nɔsun di, sere n kɑ dɑ ben bibun bibun nɔsɔ, sɑɑ tɛ̃n di sere kɑ bɑɑdommɑɔ. Wi, Yinni Gusunɔwɑ u yeni ɡeruɑ.

Sɑkɑri 14:8

Yen tɔ̃ɔ te, nim ɡem mu koo yɑri Yerusɑlɛmun di kpɑ mɛn sukum mu koku mu dɑ nim wɔ̃kuɔ ɡe ɡɑ wɑ̃ɑ sɔ̃ɔ yɑri yeru ɡiɑ, kpɑ sukum mu dɑ nim wɔ̃ku ɡe ɡɑ wɑ̃ɑ sɔ̃ɔ duu yeru ɡiɑ. Nɡe mɛyɑ n ko n sɑ̃ɑ sɔ̃ɔ sɑ̃reru kɑ ɡurɑn sɑɑ.

Yohɑnu 4:10

Yesu u nùn wisɑ u nɛɛ, ɑ̀ n dɑɑ Gusunɔn kɛ̃ru yɛ̃, mɑ ɑ mɑɑ nùn yɛ̃ wi u nun nim bikiɑmɔ, kɑɑ rɑɑ mɑn bikiɑwɑ kpɑ n nun nim wɑ̃ɑruɡim kɛ̃.

Yohɑnu 4:14

Adɑmɑ bɑɑwure wi u koo nim nɔ, mɛ kon nùn kɛ̃, nim nɔru ɡɑ ǹ mɑɑ yɛ̃ro mɔ̀ kɑ bɑɑdommɑɔ. Domi nim mɛ nɑ kon nùn kɛ̃ mu koo ko bwiɑ yɛ̃ro sɔɔ, ye yɑ ko n nim sumɔ, mɛ mu tɔnu wɑ̃ɑru te tɑ ku rɑ kpe wɛ̃ɛmɔ.

Efesu 5:9

Domi wi u sĩimɔ yɑm bururɑm sɔɔ wiyɑ rɑ n tɔn ɡeerun kom bwese bwesekɑ mɔ̀ kɑ ɡeɑn kobu kɑ mɑɑ ɡem ɡerubu.

Sɔ̃ɔsiru 18:15

U koo bɛɛ win sɔmɔ ɡoo seeyɑ bɛɛn bweseru sɔɔn di nɡe nɛ, Mɔwisi. Wiyɑ i ko i swɑɑ dɑki.