Yohɑnu 7:35 - Bibeli Gusunɔn Gari

³⁵ Yuubɑ bɑ bikiɑnɑmɔ bɑ mɔ̀, mɑ ɡiɑrɑ durɔ wini u koo dɑ sɑ kun kɑ nùn wɑ. U koo dɑwɑ Yuubɑn mi be bɑ yɑrinɑ Gɛrɛkibɑn suunu sɔɔ, kpɑ u n Gɛrɛkibɑ keu sɔ̃ɔsimɔ?

Yohɑnu 7:35 ပူးပေါင်းရင်းမြစ်များ

Womusu 147:2

Yinni Gusunɔ u Yerusɑlɛmu seeyɑmɔ. U Yerusɑlɛmuɡii be bɑ rɑɑ yoru mwɛɛrɑ mɛnnɑmɔ.

Esɑi 11:10

Sɑɑ ye sɔɔ, ɡoo u koo yɑri Isɑin bweserun di nɡe dɑ̃ɑ kpii pɔturɑ, kpɑ u n sɑ̃ɑ nɡe ɡidi bɔrɑ bwesenu kpuron sɔ̃. Bwese ni, nu koo ɡɔsirɑmɑ win mi. Kpɑ win wɑ̃ɑ yeru tɑ n Gusunɔn yiiko sɔ̃ɔsi.

Esɑi 11:12

U koo ɡidi bɔrɑ ɡirɑ u kɑ sɔ̃ɔsi mɑ u koo Isirelibɑ mɛnnɑ be bɑ rɑɑ yoru mwɛɛrɑ, kpɑ u Yudɑ be bɑ rɑɑ yɑrinɛ hɑnduniɑn ɡoonu nnɛ sɔɔ mɛnnɑ.

Esɑi 49:6

U nɛɛ, nɑ n kɑ sɑ̃ɑ win sɔm kowo, kpɑ n kɑ Isirelibɑn bwese ni nu tie seeyɑ, yɑ ǹ ɡɑ̃ɑnu turɑ. Wee u mɑn kuɑ bwese tukunun yɑm bururɑm, kpɑ n kɑ win fɑɑbɑ dɑ hɑnduniɑn ɡoonu nnɛ kpuro sɔɔ.

Esɑi 56:8

Nɛ, Yinni Gusunɔ, nɛ wi nɑ Isireli be bɑ rɑɑ yɑrinɛ mɛnnɑ, kon mɑɑ bwese tukunu mɛnnɑ kɑ be, nɛn tɔmbu sɑnnu.

Sofoni 3:10

Be bɑ nùn sɑ̃ɑmɔ bɑ yɑrinɛ bɑɑmɑ, bɑ koo kɑ nùn kɛ̃nu nɑɑwɑ sɑɑ Etiopin dɑɑnun ɡurun di.

Mɑteu 12:21

kpɑ bwesenu kpuro nu nin yĩiyɔbu doke win yĩsiru sɔɔ.”

Luku 2:32

Yeyɑ yɑm bururɑm mɛ mu koo tɔn tukobu wunɛn swɑɑ sɔ̃ɔsi. Mu koo mɑɑ wunɛn tɔmbu Isirelibɑ bɛɛrɛ doke.

Yohɑnu 12:20

Gɛrɛki ɡɑbɑ wɑ̃ɑ be sɔɔ be bɑ sɑ̃ɑru dɑ Yerusɑlɛmuɔ tɔ̃ɔ bɑkɑrun sɑnɑm.

Yohɑnu 7:1

Amɛn biru Yesu u sĩimɔ Gɑlilen tem sɔɔ. U ǹ kĩ u dɑ Yudeɑn tem ɡiɑ yèn sɔ̃ Yuubɑ bɑ swɑɑ kɑsu bu kɑ nùn ɡo.

Yohɑnu 8:22

Yèn sɔ̃ u nɛɛ, mi u dɔɔ bɑ ǹ kpɛ̃ bu dɑ mi, yen sɔ̃nɑ bɑ bikiɑnɑmɔ bɑ mɔ̀, u koo tii ɡowɑ?

Gɔrobun Kookoosu 11:18

Ye bɑ ɡɑri yi nuɑ, bɑ ben sikirinɔ mɑri, mɑ bɑ Gusunɔ siɑrɑ bɑ nɛɛ, Gusunɔ mɑɑ tɔn tukobu ɑyeru wɛ̃ bu kɑ ɡɔ̃ru ɡɔsiɑ, kpɑ bɑ n wɑ̃ɑru mɔ.

Gɔrobun Kookoosu 11:20

Adɑmɑ nɑɑnɛ dokeobu ɡɑbu be bɑ Antiɔsi dɑ sɑɑ Sipu kɑ Sirɛnin di, bɑ mɑɑ tɔn tukobu Yinni Yesun Lɑbɑɑri ɡeɑ ye wɑɑsu kuɑ.

Gɔrobun Kookoosu 14:1

Ikonimuɔ Pɔlu kɑ Bɑɑnɑbɑsi bɑ duɑ Yuubɑn mɛnnɔ yerɔ mɑ bɑ wɑɑsu kuɑ sere tɔn dɑbinu nɑɑnɛ doke, Yuubɑ kɑ mɑɑ Gɛrɛkibɑ.

Gɔrobun Kookoosu 17:4

Be bɑ nùn swɑɑ dɑki sɔɔ, ɡɑbɑ ɡɑri yi wurɑ, mɑ bɑ kɑ nùn nɔɔ tiɑ kuɑ wi kɑ Silɑsi. Mɛyɑ mɑɑ tɔn tuko dɑbinu bɑ kuɑ be bɑ Gusunɔn bɛɛrɛ yɛ̃, kɑ mɑɑ tɔn kurɔ dɑbinu be bɑ sɑ̃ɑ tɔn ɡirobu wuu ɡe sɔɔ.

Gɔrobun Kookoosu 18:4

Tɔ̃ɔ wɛ̃rɑruɡiru bɑɑtere u rɑ Yuubɑn mɛnnɔ yeru de u kɑ bu wesiɑnɑ. U rɑ bu kɔkiri be kɑ Gɛrɛkibɑ bu kɑ Yesu nɑɑnɛ doke.

Gɔrobun Kookoosu 21:21

Bɑ bu wunɛn ɡɑri sɔ̃ɔwɑ mɑ ɑ Yuu be bɑ wɑ̃ɑ tɔn tukobun mi sɔ̃ɔmɔ bu Mɔwisin ɡɑri deri, bu ku deemɑ swĩi, bu ku mɑɑ ben bibu bɑnɡo ko.

Gɔrobun Kookoosu 22:21

Mɑ Yinni u mɑn sɔ̃ɔwɑ u nɛɛ, n doo, domi u koo mɑn ɡɔri n tomɑ tɔn tukobun mi.

Romu 1:16

Domi nɑ ǹ Lɑbɑɑri ɡeɑn sekuru mɔ̀. Gusunɔn dɑmɑ mɛ mu rɑ bɑɑwure fɑɑbɑ ko wi u nɑɑnɛ doke, ɡbiikɑɑ Yuubɑ, yen biru tɔn tukobu.

Efesu 3:8

Nɛ wi nɑ sɑ̃ɑ nɑɑnɛ dokeobu kpuron yɑ̃kɑbu, nɛnɑ Gusunɔ u durom mɛni kuɑ n kɑ ɡɑ̃ɑ ɡeenu nɔru sɑri ni nu wɑ̃ɑ Kirisi sɔɔn lɑbɑɑri kpɑrɑ tɔn tukobun mi.

Kolose 1:27

Domi u kĩ u bu ɡiɑsiɑ mɑ win ɑsiri yɑ bɛɛrɛ kɑ yiiko mɔ bwese tukunun suunu sɔɔ. Asiri ye wee, Kirisi wɑ̃ɑ bɛɛ sɔɔ, yeyɑ yɑ ɡerumɔ mɑ i ko Gusunɔn yiiko bɔnu ko.

Timɔte I 2:7

Yenin sɔ̃nɑ bɑ mɑn ɡɔsɑ wɑɑsu kowo kɑ ɡɔro, kpɑ n kɑ tɔn tukobu nɑɑnɛ dokebu kɑ ɡem keu sɔ̃ɔsi. Geemɑ nɑ ɡerumɔ nɑ ǹ weesu mɔ̀.

Timɔte II 1:11

Gusunɔ u mɑn kuɑ ɡɔro kɑ keu sɔ̃ɔsio n kɑ Lɑbɑɑri ɡeɑ ye kpɑrɑ.

Yɑkɔbu 1:1

Bɛɛ, bwesenu wɔkurɑ yiru, bɛɛ be i yɑrinɛ hɑnduniɑ kpuro sɔɔ, nɛ Yɑkɔbu, Gusunɔ kɑ Yinni Yesu Kirisin yoo, nɑ bɛɛ tɔburɑ.

Piɛɛ I 1:1

Bɛɛ be Gusunɔ u ɡɔsɑ mɑ i yɑrinɑ i sɑ̃ɑ sɔbu Pontuɔ kɑ Gɑlɑtiɔ kɑ Kɑpɑdosiɔ kɑ Asiɔ kɑ Bitiniɔ, Gusunɔ Bɑɑbɑ u bɛɛ ɡɔsɑ nɡe mɛ u rɑɑ ɡɔ̃ru doke u ko. Mɑ i kuɑ wiɡibu win Hunden sɑɑbu, kpɑ i kɑ Yesu Kirisi mɛm nɔɔwɑ, kpɑ win yɛm mu bɛɛ dɛɛrɑsiɑ. Nɛ Piɛɛ, Yesu Kirisin ɡɔrowɑ, nɑ bɛɛ tire teni yoruɑmmɛ. Durom kɑ ɑlɑfiɑ n bɛɛ sosiɑ.