Yohɑnu 7:17 - Bibeli Gusunɔn Gari

¹⁷ Goo ù n kĩ u Gusunɔn kĩru ko, u koo ɡiɑ nɡe mɛ nɛn sɔ̃ɔsirɑ sɑ̃ɑ, ǹ n Gusunɔɡirun nɑ, ǹ n mɑɑ nɛn tiiɡirun nɑ.

Yohɑnu 7:17 ပူးပေါင်းရင်းမြစ်များ

Womusu 119:10

Nɑ nun kɑsu kɑ nɛn ɡɔ̃ru kpuro. A de n wunɛn swɑɑ swĩi.

Womusu 25:12

Nɑ yɛ̃ mɑ wi u nun nɑsie, wiyɑ ɑ rɑ swɑɑ sɔ̃ɔsi ye u koo kpe.

Womusu 25:14

Yinni Gusunɔ, wi u nun nɑsie, wiyɑ ɑ rɑ wunɛn ɑsiri sɔ̃. Wiyɑ ɑ rɑ wunɛn ɑrukɑwɑnin woodɑbɑ ɡiɑsie.

Mɔnnu 28:5

Tɔn kɔ̃sobu bɑ ku rɑ ɡem swɑɑ tubu, ɑdɑmɑ be bɑ rɑ Yinni Gusunɔ mɛm nɔɔwɛn mi, kpuro rɑ bu yeeriwɑ.

Mɔnnu 3:32

Domi Yinni Gusunɔ u tɔn kɔ̃sobu tusɑ, ɑdɑmɑ u rɑ ɡemɡibu ko win bɔrɔbɑ.

Esɑi 35:8

Miyɑ bɑ koo swɑɑ yɑrɑ bu ye soku dɛɛrobun swɑɑ. Durumɡii ɡoo kun dɔɔ mi. Be bɑ ye swĩi, bɑ ǹ kɔ̃ɔrɑmɔ, bɑɑ be bɑ ǹ bwisi mɔ.

Dɑniɛli 12:10

Bɑ koo dɑbinu sɑ̃rɑsiɑ bu dɛɛrɑ mɑm mɑm. Tɔn kɔ̃sobu bɑ ko n kɔ̃sɑ mɔ̀. Ben ɡoo kun tubu ye yɑ koorɑmɔ. Adɑmɑ be bɑ bwisi mɔ, beyɑ bɑ koo tubu.

Osee 6:3

I de su kɑsu su nùn ɡiɑ. Nɡe mɛ sɑ rɑ n yɛ̃ kɑm kɑm mɑ sɔ̃ɔ u koo yɑri, nɡe mɛyɑ sɑ n mɑɑ yɛ̃ mɑ u koo nɑ. U koo nɑwɑ nɡe tom buruku ɡurɑ ye yɑ rɑ tem yɛmiɑsie.

Misee 4:2

nu nɛɛ, i nɑ su dɑ Yerusɑlɛmuɔ Yinni Gusunɔn ɡuurɔ mi Isirelibɑ bɑ rɑ nùn sɑ̃, kpɑ u sun win swɛɛ sɔ̃ɔsi su sĩ yi sɔɔ. Min diyɑ u koo win woodɑ yɑrɑ kpɑ u ɡɑri ɡerumɑ.

Mɑteu 6:22

Mɑ Yesu nɛɛ, nɔni yi sɑ̃ɑwɑ nɡe wɑsin fitilɑ. Wunɛn nɔni yì n bwɑ̃ɑ do, wɑsi kpurowɑ yi ko n yɑm bururɑm mɔ.

Luku 8:15

Tem ɡem mu mɑɑ sɑ̃ɑwɑ nɡe tɔn be bɑ rɑ ɡɑri yi bɑ nuɑ nɛnɛ ben ɡɔ̃ru ɡeu sɔɔ kɑ nuku tiɑ, mɑ bɑ binu mɑrumɔ kɑ tɛmɑnɑbu.

Yohɑnu 3:21

Adɑmɑ wi u ɡeɑ mɔ̀, wiyɑ rɑ nɛ yɑm bururɑm sɔɔ kpɑ bu kɑ wɑ mɑ win kookoosu su koorɑmɔwɑ Gusunɔn min di.

Yohɑnu 8:43

Mbɑn sɔ̃nɑ nɛn bɑrum kun kɑ bɛɛ yeeri. Mu ǹ bɛɛ yeeri yèn sɔ̃ i ǹ kpɛ̃ i nɛn ɡɑri nɔ.

Yohɑnu 8:44

Setɑmwɑ bɛɛn tundo, i mɑɑ kĩ i bɛɛn tundon kĩru ko. Tɔn ɡowowɑ sɑɑ toren di, u ǹ mɑɑ ɡem swĩi, domi ɡem sɑri wi sɔɔ. Sɑnɑm mɛ u weesu ɡerumɔ, u rɑ n ɡerumɔwɑ kɑ win tiin dɑɑ, yèn sɔ̃ weesuɡiiwɑ kɑ mɑɑ weesu kpuron bɑɑbɑ.

Yohɑnu 8:47

Wi u sɑ̃ɑ Gusunɔɡii, wiyɑ rɑ Gusunɔn ɡɑri wure. Adɑmɑ bɛɛ i ǹ sɑ̃ɑ Gusunɔɡibu. Yen sɔ̃nɑ i ǹ win ɡɑri wurɑmɔ.

Gɔrobun Kookoosu 17:11

Tɔn be bɑ wɑ̃ɑ mi, bɑ lɑɑkɑri mɔ n kere tɔn be bɑ wɑ̃ɑ Tɛsɑlonikɑɔ. Bɑ ɡɑri yi mwɑ kɑ nuku dobu. Bɑ rɑ Gusunɔn ɡɑri wɛ̃ɛri tɔ̃ru bɑɑtere bu kɑ wɑ ye Pɔlu bu sɔ̃ɔmɔ ǹ n ɡem nɑ.