Yohɑnu 6:31 - Bibeli Gusunɔn Gari

³¹ Bɛsɛn sikɑdobɑ bɑ dĩɑ ni bɑ rɑ soku mɑnnɑ di ɡbɑburu sɔɔ, nɡe mɛ bɑ yoruɑ bɑ nɛɛ, “Sɑɑ Gusunɔ wɔllun diyɑ u bu dĩɑnu kɑ̃ bɑ di.”

Yohɑnu 6:31 ပူးပေါင်းရင်းမြစ်များ

Nɛɛmi 9:15

A bu dĩɑnu wɛ̃ɛmɑ sɑɑ wɔllun di sɑnɑm mɛ ɡɔ̃ɔrɑ bu mɔ̀. Mɑ ɑ derɑ nim mu yɑrɑ kpee bɑɑn di sɑnɑm mɛ nim nɔru ɡɑ bu mɔ̀. Mɑ ɑ nɛɛ, bu doo bu tem mɛ mwɑ mɛ̀n nɔɔ mwɛɛru ɑ bu kuɑ kɑ bɔ̃ri.

Nɛɛmi 9:20

Wunɛn kĩrun sɑɑbu, ɑ bu wunɛn Hunde wɛ̃ bɑ n kɑ bwisi mɔ. Bɑɑdommɑ ɑ rɑ bu dĩɑnu wɛ̃ ni bɑ rɑ soku mɑnnɑ bu di, kpɑ ɑ bu nim wɛ̃ bu nɔ.

Womusu 105:40

Ye bɑ turɑ ɡbɑburɔ, yerɑ bɑ Yinni Gusunɔ nɔɔɡiru sue bɑ dĩɑnu kɑnɑ, mɑ u bu kusunu wɛ̃. Mɛyɑ u derɑ pɛ̃ɛ yɑ nɑ wɔllun di bɑ di bɑ debɑ.

Yɑribu 16:35

Isirelibɑ bɑ mɑnnɑ ye diwɑ wɔ̃ɔ weeru, sere bɑ kɑ turɑ Kɑnɑnin tem nɔɔ burɑ yerɔ, tem mɛ̀ sɔɔ bɑ koo du bɑ n wɑ̃ɑ.

Yohɑnu 6:32

Yesu nɛɛ, kɑ ɡeemɑ nɑ bɛɛ sɔ̃ɔmɔ, n ǹ mɔ Mɔwisiwɑ u bɛɛ dĩɑnu wɛ̃ sɑɑ wɔllun di, ɑdɑmɑ nɛn tiin Bɑɑbɑwɑ u bɛɛ dĩɑ ɡeenu wɛ̃ɛmɔ sɑɑ wɔllun di.

Yohɑnu 6:49

Bɛɛn sikɑdobɑ bɑ mɑnnɑ di ɡbɑburu sɔɔ mɑ bɑ ɡu.

Yohɑnu 6:58

Nɑ kɑ dĩɑnu yɑ̃ ni nu sɑrɑmɑ sɑɑ Gusunɔ wɔllun di. Nu ǹ sɑ̃ɑ nɡe dĩɑ ni bɑ sokumɔ mɑnnɑ ni bɛɛn sikɑdobɑ bɑ di, domi bɑ di, bɑ mɑɑ ɡu. Adɑmɑ wi u nini di u ko n wɑ̃ɑwɑ kɑ bɑɑdommɑɔ.

Korinti I 10:3

Mɑ be kpuro bɑ dĩɑ teenu di ni nu nɑ sɑɑ wɔllun di,

Sɔ̃ɔsiru 8:3

U derɑ sɑ nɔni sɔ̃ɔrɑ sɑ wɑhɑlɑ kuɑ ɡɔ̃ɔrun sɔ̃, su kɑ tii kɑwɑ mɑ u sun mɑnnɑ wɛ̃, dĩɑ ni bɛsɛ kɑ bɛsɛn bɑɑbɑbɑ sɑ ǹ dɑɑ yɛ̃. Nɡe mɛyɑ u kɑ sun sɔ̃ɔsi mɑ tɔnu kun ko n wɑ̃ɑ dĩɑnu tɔnɑn sɔ̃ mɑ n kun mɔ wi, Gusunɔn ɡere kpuron sɔ̃.

Yosue 5:12

Dɔmɑ terɑ mɑnnɑ yɑ yɔ̃rɑ mɑ bɑ Kɑnɑnin tem min dĩɑnu dim toruɑ wɔ̃ɔ ɡe.

Kɑ̃siru 2:17

Bɑɑwure wi u swɑɑ mɔ u nɔɔwɔ ye Hunde Dɛɛro u Yesun yiɡbɛnu sɔ̃ɔmɔ. Wi u tɑbu di, wiyɑ kon mɑnnɑ ye yɑ beruɑ wɛ̃ u di. Kon nùn kpee kpikiru wɛ̃ tè sɔɔ bɑ yĩsi kpɑɑru yoruɑ te ɡoo kun yɛ̃ mɑ n kun mɔ wi bɑ tu wɛ̃.