Yohɑnu 5:23 - Bibeli Gusunɔn Gari

²³ kpɑ tɔmbu kpuro bu kɑ Bii bɛɛrɛ wɛ̃ nɡe mɛ bɑ Bɑɑbɑ bɛɛrɛ wɛ̃ɛmɔ. Wi u kun Bii bɛɛrɛ wɛ̃, Bɑɑbɑwɑ u ǹ bɛɛrɛ wɛ̃, wi u nùn ɡɔrimɑ.

Yohɑnu 5:23 ပူးပေါင်းရင်းမြစ်များ

Womusu 2:12

kpɑ u ku rɑɑ mɔru ko subɑru sɔɔ. Domi win mɔru yɑ̀ n seewɑ, u koo de i kɑm ko. Adɑmɑ doo nɔɔruɡibɑ be bɑ nùn nɑɑnɛ sɑ̃ɑ kpuro.

Esɑi 42:8

Nɛnɑ Gusunɔ wi u rɑ n wɑ̃ɑ. Nɛn yĩsirɑ mi. Nɑ ǹ nɛn yiiko bũu ɡoo wɛ̃ɛmɔ. Mɛyɑ nɑ ǹ mɑɑ nɛn bɛɛrɛ bwɑ̃ɑrokunu wɛ̃ɛmɔ.

Esɑi 44:6

Nɛ, Yinni Gusunɔ Dɑm kpuroɡii, nɛ wi nɑ Isirelibɑ yɑkiɑ nɑ sɑ̃ɑ ben sinɑ boko nɑ nɛɛ, nɛnɑ nɑ sɑ̃ɑ ɡbiikoo kɑ dɑ̃ɑko. Goo mɑɑ sɑri wi u sɑ̃ɑ Gusunɔ nɛ bɑɑsi.

Esɑi 45:15

Gusunɔ Isirelibɑn Yinni ɑ sɑ̃ɑwɑ fɑɑbɑ kowo, ɑdɑmɑ ɑ ǹ wɑɑrɔ kɑ nɔni.

Esɑi 45:21

I nɑ i tii tusiɑ, kpɑ i kɑ bũu sɑ̃ɔ be nɑ bu wesiɑnɑ ben tii tiinɛ sɔɔ. Wɑrɑ u ɡeruɑ sɑɑ toren di ye yɑ koo koorɑ. N ǹ nɛ, Yinni Gusunɔ ro? Goo mɑɑ sɑri nɡe nɛ. Nɛ turowɑ nɑ sɑ̃ɑ ɡemɡii wi u rɑ fɑɑbɑ ko.

Sɑkɑri 9:9

Bɛɛ Siɔniɡibu, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio nuku dobun sɔ̃. Wee bɛɛn sinɑ boko u sisi bɛɛn mi. U sɑ̃ɑwɑ ɡemɡii kɑ fɑɑbɑ kowo. U ǹ tii sue. Kɛtɛku buuwɑ u sɔni.

Mɑteu 10:37

Wi u win tundo ǹ kun mɛ win mɛro kĩ n mɑn kere u ǹ turɑ u n kɑ sɑ̃ɑ nɛɡii. Nɡe mɛyɑ wi u win bii kĩ n mɑn kere u ǹ turɑ u n kɑ sɑ̃ɑ nɛɡii.

Mɑteu 11:27

Nɛn Bɑɑbɑ mɑn bɑɑyere kpuro wɛ̃. Goo sɑri wi u Bii wi yɛ̃ mɑ n kun mɔ Bɑɑbɑ wi. Goo mɑɑ sɑri wi u Bɑɑbɑ wi yɛ̃ mɑ n kun mɔ Bii kɑ mɑɑ wi Bii u kĩ u nùn sɔ̃ɔsi.

Mɑteu 12:21

kpɑ bwesenu kpuro nu nin yĩiyɔbu doke win yĩsiru sɔɔ.”

Mɑteu 15:8

“Tɔn beni bɑ mɑn bɛɛrɛ wɛ̃ɛmɔ kɑ nɔɔ. Adɑmɑ ben ɡɔ̃ru ɡɑ kɑ mɑn tomɑ.

Mɑteu 28:19

Yen sɔ̃, i doo bwesenu kpuron mi, kpɑ i bu ko nɛn bwɑ̃ɑbu. I bu bɑtɛmu koowo kɑ Bɑɑn yĩsiru kɑ Biiɡiru kɑ Hunde Dɛɛroɡiru.

Luku 10:16

Mɑ u win bwɑ̃ɑbu sɔ̃ɔwɑ u nɛɛ, wi u bɛɛ swɑɑ dɑki, nɛnɑ u swɑɑ dɑki, wi u mɑɑ bɛɛ yinɑ, nɛnɑ u yinɑ, wi u mɑɑ mɑn yinɑ u mɑɑ wi u mɑn ɡɔrimɑ yinɑwɑ.

Yohɑnu 14:1

Yesu bu sɔ̃ɔwɑ u nɛɛ, i ku wururɑ. I Gusunɔ nɑɑnɛ dokeo kpɑ i mɑɑ mɑn nɑɑnɛ doke.

Yohɑnu 16:14

Wiyɑ u koo mɑn bɛɛrɛ wɛ̃, domi u koo nɛɡiɑ nɔ, kpɑ u bɛɛ ye nɔɔsiɑ.

Yohɑnu 17:10

Nɛɡibu kpuro bɑ sɑ̃ɑwɑ wunɛɡibu mɑ wunɛɡibu kpuro bɑ mɑɑ sɑ̃ɑ nɛɡibu, nɛn yiiko mɑɑ sɔ̃ɔsirɑ be sɔɔ.

Romu 1:7

Nɑ bɛɛ kpuro tire teni yoruɑmmɛ bɛɛ be i wɑ̃ɑ Romuɔ, bɛɛ be Gusunɔ u kĩ mɑ u bɛɛ sokɑ i kɑ ko wiɡibu. Gusunɔ, bɛsɛn Bɑɑbɑ kɑ Yinni Yesu Kirisi bu bɛɛ durom kɑ ɑlɑfiɑ kɛ̃.

Romu 15:12

Gusunɔn sɔmɔ Esɑi mɑɑ nɛɛ, “Isɑin bweserun di, ɡoo u koo se nɡe dɑ̃ɑ kpii pɔturɑ. Kpɑ u ko tɔn tukobun sunɔ. Kpɑ bɑ n yĩiyɔbu mɔ wi sɔɔ.”

Romu 6:22

Adɑmɑ tɛ̃ ye i yɑkiɑrɑ torɑrun di i kuɑ Gusunɔn yobu, bɛɛn ɑre sɑ̃ɑ dɑɑ dɛɛrɑ, bɛɛn wii ɡoberu tɑ mɑɑ sɑ̃ɑ wɑ̃ɑru te tɑ ku rɑ kpe.

Romu 8:9

Adɑmɑ bɛɛ, i ǹ mɑɑ bɛɛn dɑɑn wɑ̃ɑru wɑ̃ɑ mɑ n kun mɔ Gusunɔn Hundeɡiru yèn sɔ̃ win Hunde u wɑ̃ɑ bɛɛ sɔɔ. Wunɛ wi ɑ kun Kirisin Hunde mɔ, ɑ ǹ sɑ̃ɑ wiɡii.

Korinti I 1:3

Gusunɔ bɛsɛn Bɑɑbɑ kɑ Yinni Yesu Kirisi bu bɛɛ durom kuɑ kpɑ bu bɛɛ ɑlɑfiɑ wɛ̃.

Korinti I 10:31

Ǹ n mɛn nɑ, ì n dimɔ ì n nɔrumɔ, ǹ kun mɛ ì n ɡɑ̃ɑnu ɡɑnu mɔ̀, i ye kpuro koowo i n kɑ Gusunɔ bɛɛrɛ wɛ̃ɛmɔ.

Korinti I 16:22

Bɑɑwure wi u kun Yinni kĩ, u bɔ̃ri wɑ. Mɑrɑnɑtɑ. Yen tubusiɑnɑ, Yinni, ɑ nɑ.

Korinti I 6:19

Nɡe i ǹ yɛ̃ mɑ bɛɛn wɑsi sɑ̃ɑwɑ Hunde Dɛɛron wɑ̃ɑ yeru wi u wɑ̃ɑ bɛɛ sɔɔ, wi Gusunɔ u bɛɛ kɑ̃? I ǹ tii mɔ.

Korinti II 1:9

Sɑ rɑɑ tɑmɑɑ bɑ sun tɑɑrɛ wɛ̃wɑ bu kɑ sun ɡo. Adɑmɑ yenin bweserɑ sun deemɑwɑ kpɑ sɑ n kɑ yɛ̃ mɑ n ǹ weenɛ sɑ n bɛsɛn tii nɑɑnɛ sɑ̃ɑ mɑ n kun mɔ Gusunɔ turo wi u rɑ ɡɔribu seeye.

Korinti II 5:14

Domi Kirisin kĩrɑ sun nɛni, bɛsɛ be sɑ tubɑ mɑ tɔn turo ù n ɡu tɔmbu kpuron ɑyerɔ, tɔmbu kpurowɑ bɑ ɡu.

Korinti II 5:19

Domi sɑɑ Kirisin min di Gusunɔ u tɔmbu kpuro kɑ tii dorɑsiɑ, u ǹ ben swɑɑ sɑrɑbu ɡɑrisi, mɑ u sun dorɑsiɑ bin ɡɑri nɔmu sɔndiɑ su kɑ nɔɔsiɑ.

Efesu 6:24

Kpɑ Gusunɔn durom mu n kɑ be kpuro wɑ̃ɑ be bɑ bɛsɛn Yinni Yesu Kirisi kĩ kɑ kĩi te tɑ ǹ nɔru mɔ.

Timɔte II 1:12

Yen sɑɑbun sɔ̃nɑ nɑ nɔni swɑ̃ɑ teni wɑɑmɔ. Adɑmɑ sekurɑ kun mɑn mɔ̀, domi nɑ yɛ̃ wi nɑ nɑɑnɛ doke, nɑ mɑɑ yɛ̃ kɑm kɑm u koo kpĩ u ye u mɑn kereɑ kɔ̃su sere tɔ̃ɔ te, tu kɑ turi.

Heberu 1:6

Adɑmɑ sɑɑ ye u win Bii yerumɑ ɡɔriɔ hɑnduniɑ sɔɔ u nɛɛ, “Gusunɔn ɡɔrɑdobɑ kpuro bu yiiro bu nùn sɑ̃.”

Piɛɛ II 1:1

Bɛɛ be Yesu Kirisi bɛsɛn Yinni kɑ bɛsɛn Fɑɑbɑ kowo ɡeeɡii u nɑɑnɛ dokebu wɛ̃ nɡe bɛsɛ, nɛ Simɔɔ Piɛɛ, win yoo kɑ win ɡɔro, nɛnɑ nɑ bɛɛ tire te yoruɑmmɛ.

Piɛɛ II 3:18

Adɑmɑ i n kpɛ̃ɑmɔ bɛsɛn Yinni Fɑɑbɑ kowo Yesu Kirisin durom sɔɔ kpɑ i n nùn ɡiɑmɔ. Su nùn bɛɛrɛ wɛ̃ tɛ̃n di sere kɑ bɑɑdommɑɔ. Ami.

Yohɑnu I 2:23

Domi wi u Bii yinɑ, u ǹ mɑɑ Bɑɑbɑ mɔ. Wi u Bii wurɑ, u mɑɑ Bɑɑbɑ mɔwɑ.

Yohɑnu II 1:9

Bɑɑwure wi u ǹ yɔ̃re Kirisin sɔ̃ɔsiru sɔɔ, mɑ u tu sɑrɑri, u ǹ Gusunɔ mɔ. Adɑmɑ wi u yɔ̃ te sɔɔ, u Bɑɑbɑ kɑ mɑɑ Bii mɔ.