Yohɑnu 3:34 - Bibeli Gusunɔn Gari

³⁴ Wi Gusunɔ u ɡɔrimɑ, wiyɑ u Gusunɔn ɡɑri ɡerumɔ, domi Gusunɔn Hunde yibɑwɑ wi sɔɔ.

Yohɑnu 3:34 ပူးပေါင်းရင်းမြစ်များ

Sinɑmbu II 2:9

Sɑɑ ye bɑ sɑrɑ bɑ kpɑ, Eli u Elisee sɔ̃ɔwɑ u nɛɛ, mbɑ ɑ kĩ n nun kuɑ bu sere mɑn nun suɑri. Elisee u nɛɛ, ye nɑ nun kɑnɑmɔ yerɑ ɑ de nɑ n wunɛn dɑm mɛ Gusunɔn Hunde u nun wɛ̃n nɔn yiru mɔ.

Womusu 45:7

Gusunɔ, bɑ wunɛn bɑndu swĩi sere kɑ bɑɑdommɑɔ. Gemɑ ɑ kɑ wunɛn bɑndu nɛni.

Esɑi 59:21

U mɑɑ nɛɛ, win ɑrukɑwɑni wee, ye u kɑ bu bɔkumɔ. Win Hunde u ko n wɑ̃ɑwɑ be sɔɔ, kpɑ u win ɡɑri doke ben nɔsɔ. Yin ɡɛɛ kun doonɔ ben nɔsun di, sere n kɑ dɑ ben bibun bibun nɔsɔ, sɑɑ tɛ̃n di sere kɑ bɑɑdommɑɔ. Wi, Yinni Gusunɔwɑ u yeni ɡeruɑ.

Sɑ̃ɑrun Woodɑ 7:35

Yɑ̃ku dɔ̃ɔ mwɑɑrɑruɡinu sɔɔ, yeniwɑ yɑ ko n sɑ̃ɑ Aroni kɑ win bibuɡiɑ dɔmɑ tèn di bɑ koo bu ɡum tɑ̃re bu kɑ ko yɑ̃ku kowobu.

Gbɑburu 11:25

Yinni Gusunɔ u sɑrɑmɑ ɡuru wii wuroru sɔɔ. Mɑ u kɑ Mɔwisi ɡɑri kuɑ. Mɑ u Hunde ye u Mɔwisi wɛ̃n dɑm sukum suɑ u ɡuro ɡuro be wɛ̃. Mɑ ɡuro ɡuro be, bɑ sɑ̃ɑru wɔri nɡe Gusunɔn sɔmɔbu, ɑdɑmɑ n ǹ kɑ tɛ.

Mɑteu 12:18

Gɑri yi sɔɔ, Gusunɔ u nɛɛ, “Nɛn sɔm kowo wi nɑ ɡɔsɑ wee, nɛn kĩnɑsi wì sɔɔ nɛn ɡɔ̃ru dobu kpuro wɑ̃ɑ. Nɑ kon nùn nɛn hunde wɛ̃, kpɑ u nɛn ɡem kpɑrɑ bwesenu kpuron mi.

Luku 4:18

“Yinni Gusunɔn Hunde kɑ mɑn wɑ̃ɑ. U mɑn ɡɔsɑ n kɑ dɑm sɑriruɡibu Lɑbɑɑri ɡeɑ nɔɔsiɑ. U mɑn ɡɔrimɑ n kɑ yobu sɔ̃ mɑ bɑ koo yɑkiɑrɑ, n kɑ wɔ̃kobu sɔ̃ mɑ bɑ koo yɑm wɑ, n kɑ mɑɑ tɑkɑsiɡibu yɔ̃su bu doonɑ,

Yohɑnu 1:16

Win durom bɑkɑm sɔɔn diyɑ bɛsɛn bɑɑwure u win bɑɑ mwɑ, mɑ sɑ durom wɑ durom mɛnsim wɔllɔ.

Yohɑnu 15:26

Adɑmɑ Dɑm Kɛ̃ɔ, Hunde ɡemɡii wi, u sisi sɑɑ nɛn Bɑɑbɑn min di. Kon bɛɛ nùn ɡɔriɑmɑ kɑ Bɑɑbɑ win yĩsiru, kpɑ u bɛɛ nɛn ɑreru diiyɑ.

Yohɑnu 16:7

Kɑ mɛ, nɑ bɛɛ ɡem sɔ̃ɔmɔ, bɛɛn ɑrufɑɑniwɑ nɑ̀ n dɑ, domi nɑ̀ kun de, Dɑm Kɛ̃ɔ wi, u ǹ sisi bɛɛn mi. Adɑmɑ nɑ̀ n dɑ kon bɛɛ nùn ɡɔriɑmɑ.

Yohɑnu 3:17

Gusunɔ u ǹ win Bii ɡɔrimɛ hɑnduniɑɔ u kɑ hɑnduniɑ tɑɑrɛ wɛ̃, ɑdɑmɑ hɑnduniɑ yu kɑ fɑɑbɑ wɑɑrɑwɑ sɑɑ win min di.

Yohɑnu 5:26

Nɡe mɛ Bɑɑbɑ win tii u sɑ̃ɑ wɑ̃ɑrun nuuru, nɡe mɛyɑ u mɑɑ win Bii kuɑ wɑ̃ɑrun nuuru.

Yohɑnu 7:16

Yesu u bu wisɑ u nɛɛ, nɛn sɔ̃ɔsirɑ kun sɑ̃ɑ nɛn tiiɡiru. Gusunɔɡirɑ, wi u mɑn ɡɔrimɑ.

Yohɑnu 8:40

Adɑmɑ tɛ̃ bɛɛ i swɑɑ kɑsu i kɑ mɑn ɡo, nɛ wi nɑ bɛɛ ɡem sɔ̃ɔmɔ mɛ nɑ nuɑ Gusunɔn min di. Aburɑhɑmu kun yenin bweseru koore.

Yohɑnu 8:47

Wi u sɑ̃ɑ Gusunɔɡii, wiyɑ rɑ Gusunɔn ɡɑri wure. Adɑmɑ bɛɛ i ǹ sɑ̃ɑ Gusunɔɡibu. Yen sɔ̃nɑ i ǹ win ɡɑri wurɑmɔ.

Gɔrobun Kookoosu 1:2

sere u kɑ wurɑ Gusunɔ wɔllɔ, ye u win ɡɔro be u ɡɔsɑ woodɑ wɛ̃ u kpɑ kɑ Hunde Dɛɛron dɑm.

Gɔrobun Kookoosu 10:38

I Yesu Nɑsɑrɛtiɡiin bɑɑru yɛ̃ nɡe mɛ Gusunɔ u nùn Hunde Dɛɛro kɑ dɑm wɛ̃. U dɑ bɑɑmɑ kpuro u sɔm ɡeenu kuɑ u tɔmbu bɛkiɑ be Setɑm u dɑm dɔre, domi Gusunɔ wɑ̃ɑ kɑ wi.

Romu 8:2

Domi Gusunɔn Hunden woodɑ ye yɑ wɑ̃ɑru wɛ̃ɛmɔ Kirisi Yesu sɔɔ yɑ sun yɑkiɑ sɑɑ torɑru kɑ ɡɔɔn nɔmɑn di.

Efesu 3:8

Nɛ wi nɑ sɑ̃ɑ nɑɑnɛ dokeobu kpuron yɑ̃kɑbu, nɛnɑ Gusunɔ u durom mɛni kuɑ n kɑ ɡɑ̃ɑ ɡeenu nɔru sɑri ni nu wɑ̃ɑ Kirisi sɔɔn lɑbɑɑri kpɑrɑ tɔn tukobun mi.

Kolose 1:19

Domi Gusunɔn ɡɔ̃ru kĩrɑ win dɑɑ kpuro yɑ n kɑ wɑ̃ɑ win Bii sɔɔ.

Kolose 2:9

Domi mɛ̀n nɔru Gusunɔ nɛ, yɑ sɔ̃ɔsirɑ Kirisin wɑsi tɔnuɡii sɔɔ.

Kɑ̃siru 21:6

Mɑ u mɑn sɔ̃ɔwɑ u nɛɛ, ye kpuro yɑ kpɑ, wiyɑ ɡɑ̃ɑnu kpuron tore kɑ nin wii ɡowo wiyɑ mɑɑ ɡbiikoo kɑ dɑ̃ɑko. Bɑɑwure wi nim nɔru ɡɑ mɔ̀ u koo nùn nim kɛ̃ nim wɑ̃ɑruɡim bwiɑn di n kun kɑ kɔsiɑru.

Kɑ̃siru 22:1

Gɔrɑdo wi, u mɑn nim wɑ̃ɑruɡim dɑɑru sɔ̃ɔsi te tɑ bɑllimɔ nɡe diki kpikɑ, te tɑ kokumɔ Gusunɔ kɑ Yɑ̃ɑ kinɛ kpɛm ten sinɑ kitɑrun di.