Yohɑnu 19:28 - Bibeli Gusunɔn Gari

²⁸ Yen biru, sɑnɑm mɛ Yesu u ɡiɑ mɑ ɡɑri yi kpuro yi wiru ɡoorɑ yi kpɑ, Gusunɔn ɡɑri yi kɑ koorɑ, u nɛɛ, nim nɔru ɡɑ mɑn mɔ̀.

Yohɑnu 19:28 ပူးပေါင်းရင်းမြစ်များ

Womusu 22:15

Nɛn dɑm mu doonɑ nɡe nim mɛ mu yɑri yɑni sɛɛri sɔɔ. Nɛn kukunun ɡbin ɡbinkɑ kpuro sɔsikiɑnɑ. Nɛn mwiɑ doonɑ nɡe ɡum mɛ mu yɑndɑ.

Womusu 69:21

Sekurɑ mɑn nuki sɑnkɑ sere nɑ kom yɑɑ bie. Nɑ mɑrɑ ɡoo u mɑn wɔnwɔndu kuɑ, ɑdɑmɑ sɑri. Nɑ kɑsu wi u koo mɑn nukuru yɛmiɑsiɑ, nɑ ǹ wɑ bɑɑ turo.

Luku 12:50

Bɑtɛmu ɡɑɑ wɑ̃ɑ ye nɑ ǹ kon ko nɑ kun kue. Nɛn bwɛ̃rɑ kun kpĩ yèn sɔ̃ yɑ ǹ ɡinɑ koore.

Luku 18:31

Yesu u wɔkurɑ yiru ye sokɑ win mi mɑ u nɛɛ, n wee sɑ Yerusɑlɛmu dɔɔ. Ye Gusunɔn sɔmɔbɑ yoruɑ Tɔnun Biin sɔ̃ kpuro, yɑ koo koorɑ.

Luku 22:37

Domi nɑ bɛɛ sɔ̃ɔmɔ, nɡe mɛ bɑ yoruɑ, “Bɑ nùn ɡɑrisi tɔn kɔ̃so.” Yɑ ǹ koo ko yɑ kun mɑn koore mɛ. Ye n mɑɑ sɑ̃ɑ nɛn ɡɑri yɑ wiru ɡoorɔ.

Yohɑnu 13:1

Yesu u rɑ n wiɡibu kĩ be bɑ wɑ̃ɑ hɑnduniɑɔ, yen sɔ̃, bu sere tɔ̃ɔ bɑkɑ te ko te bɑ rɑ nɛɛ Gɔɔ sɑrɑribu, u bu win kĩi bɑkɑru sɔ̃ɔsi. Domi u yɛ̃ mɑ win sɑɑ yɑ turɑ u kɑ doonɑ hɑnduniɑn di u dɑ win Bɑɑbɑn mi.

Yohɑnu 17:4

Nɑ nun wɔlle suɑ tem mɛ sɔɔ, nɑ mɑɑ sɔmbu te wiru ɡo te ɑ mɑn yiire.

Yohɑnu 18:4

N deemɑ Yesu u yɛ̃ kɔ ye n koo nùn ko kpuro, yen sɔ̃nɑ u susi u bu bikiɑ u nɛɛ, wɑrɑ i kɑsu.

Yohɑnu 19:24

Mɑ tɑbu kowo be, bɑ ɡerunɑ bɑ nɛɛ, bu ku rɑɑ te ɡĩɑ, ɑdɑmɑ bu de bu tu tɛtɛ toosi kpɑ bu wɑ wiɡiru tɑ koo ko. Nɡe mɛyɑ Gusunɔn ɡɑri yi koorɑ yi yi nɛɛ, “Bɑ nɛn yɑ̃nu bɔnu kuɑ ben tii tiinɛ sɔɔ. Mɑ bɑ nɛn yɑberu tɛtɛ toosi.” Nɡe mɛyɑ tɑbu kowo be, bɑ kuɑ.

Yohɑnu 19:30

Sɑnɑm mɛ Yesu u tɑm mɔmmɔm mɛ dendɑ u nɛɛ, n kpɑ. Yerɑ u tukɑ, u win tii yɔ̃su, mɑ u sɑriru kuɑ.

Yohɑnu 19:36

Yeniwɑ yɑ kuɑ kpɑ Gusunɔn ɡɑri yi kɑ koorɑ yi yi nɛɛ, “Bɑɑ win kuku teeru, tɑ ǹ kɔsirɑmɔ.”

Yohɑnu 4:34

Yesu u bu sɔ̃ɔwɑ u nɛɛ, nɛn dĩɑnɑ n wi u mɑn ɡɔrimɑn ɡɔ̃ru kĩru ko kpɑ n win sɔmburu wiru ɡo.

Gɔrobun Kookoosu 13:29

Ye bɑ kpuro kuɑ bɑ kpɑ ye bɑ yoruɑ win sɔ̃, bɑ nùn sɑrɑsiɑ dɑ̃ɑ bunɑnɑru wɔllun di, bɑ kpɛ̃ɛ sikiru sɔɔ.