Yohɑnu 16:21 - Bibeli Gusunɔn Gari

²¹ Sɑnɑm mɛ tɔn kurɔ u yiire u rɑ n nɔni swɑ̃ɑru mɔ domi win sɑɑ yɑ turɑ. Adɑmɑ sɑnɑm mɛ u win bii mɑrɑ, u ku rɑ mɑɑ nɔni swɑ̃ɑ te yɑɑye nuku dobun sɔ̃ ye u kɑ tɔnu mɑrɑ hɑnduniɑ sɔɔ.

Yohɑnu 16:21 ပူးပေါင်းရင်းမြစ်များ

Torubu 3:16

Yerɑ u mɑɑ kurɔ wi sɔ̃ɔwɑ u nɛɛ, kon wunɛn ɡurɑn wɑhɑlɑ sosi. Kɑɑ n dɑ mɑwɑ kɑ nɔni swɑ̃ɑru. Wunɛn kĩru kpuro tɑ ko n wɑ̃ɑwɑ wunɛn durɔ sɔɔ, wiyɑ ko n mɑɑ sɑ̃ɑ wunɛn wiruɡii.

Yoobu 11:16

A ǹ mɑɑ wunɛn wɑhɑlɑ yeni yɑɑyɑmɔ, yɑ koo doonɑwɑ nɡe nim mɛ mu kokɑ.

Womusu 113:9

U rɑ wĩro yɛnu bɑniɛ u sinɑ, kpɑ u nùn ko bii mɛro wi u nuku dobu mɔ win bibun suunu sɔɔ. Yen sɔ̃, i Yinni Gusunɔ siɑro.

Esɑi 13:8

Bɑbiloniɡibɑ koo bɛrum soorɑ, kpɑ ben wɑsi yi dwiiyɑ wuriribun sɔ̃. Bɑ koo tii tɛmɑ nɡe tɔn kurɔ wi u yiire u kĩ u mɑ. Bɑ ko n mɛɛrinɛ ben wuswɑɑ yɑ n burisinɛ.

Esɑi 21:3

Ye nɑ wɑ kɑ ye nɑ nuɑ kɑ̃si te sɔɔ, yɑ derɑ nɛn tororɑ kɑrɑ. Mɑ wuriribu mɑn wɔri nɡe tɔn kurɔ wi u yiire u kĩ u mɑ. Tirerɑbu derɑ nɑ ǹ mɑɑ ɡɑri nɔɔmɔ. Mɑ diiribu derɑ nɑ ǹ yɑm wɑɑmɔ.

Esɑi 66:7

Wunɛ Yerusɑlɛmu ɑ sɑ̃ɑwɑ nɡe tɔn kurɔ wi u kun mɑrubun wuriribu wɑ u kɑ mɑrɑ. U ǹ mɑrubun wɑhɑlɑ wɑ, u kɑ bii tɔn durɔ mɑrɑ.

Misee 4:10

Bɛɛ Yerusɑlɛmuɡibu, i wuri koowo nɡe tɔn kurɔ wi u yiire u kĩ u mɑ. Domi tɛ̃, i ko i yɑri Yerusɑlɛmun di. Kpɑ i dɑ i n wɑ̃ɑ yɑkɑsɔ. Bɑ koo kɑ bɛɛ dɑ sere Bɑbiloniɔ. Adɑmɑ Yinni Gusunɔ u koo rɑ bɛɛ yɑkiɑmɑ min di. Kpɑ u bɛɛ wɔrɑ bɛɛn yibɛrɛbɑn nɔmɑn di.

Misee 4:9

Mbɑn sɔ̃nɑ i kuuki mɔ̀ bɛɛ Yerusɑlɛmuɡibu. Mbɑn sɔ̃nɑ i tii tɛ̃birimɔ nɡe tɔn kurɔ wi kĩ u mɑ. Mɑnɑ bɛɛn sunɔ u wɑ̃ɑ. Mɑnɑ bɛɛn bwisi kɛ̃ɔbu bɑ dɑ.

Gɑlɑti 4:27

Domi bɑ yoruɑ, “A ɡɔ̃ru doro, kurɔ wunɛ wi ɑ ǹ mɑrure. A ɡbɑ̃ro ɑ kuukɑ ko kɑ nuku dobu, wunɛ wi ɑ ǹ mɑrubun wɑhɑlɑ koore. Domi kurɔ wi bɑ rɑɑ deri, u koo bibu mɑ n kere kurɔ wi u wɑ̃ɑ kɑ durɔ.”

Tɛsɑlonikɑ I 5:3

Sɑnɑm mɛ tɔmbɑ kun kɑ ɡɛɛ nɑnde bɑ mɔ̀, ɑlɑfiɑ wɑ̃ɑ, sɑɑ yerɑ kpeerɑsiɑbu koo tunumɑ suɑru sɔɔ nɡe mɛ mɑru wuriribu bu rɑ ɡurɑɡii deemɛ, bɑ ǹ mɑɑ kpiki yeru wɑsi.