Yohɑnu 12:40 - Bibeli Gusunɔn Gari

⁴⁰ “Gusunɔ u bu kuɑ wɔ̃kobu mɑ u ben bwisi kɑwɑ. Kpɑ bu ku rɑɑ kɑ ben nɔni yɑm wɑ. Kpɑ bu ku ɡiɑ kɑ ben bwisi. Bu ku rɑɑ ɡɔ̃ru ɡɔsiɑ, kpɑ n bu bɛkiɑ.”

Yohɑnu 12:40 ပူးပေါင်းရင်းမြစ်များ

Sinɑmbu I 22:20

Mɑ u nɛɛ, wɑrɑ u koo Akɑbu nɔni wɔ̃ke u kɑ tɑɑ bi dɑ Rɑmɔtiɔ Gɑlɑdin temɔ, kpɑ u ɡbi mi. Mɑ bɑ yen wesiɑnɔ mɔ̀. Wini ù n ɡeruɑ mɛni, wi, u ɡere mɛ.

Womusu 147:3

U be bɑ nuki sɑnkire nukuru yɛmiɑsiɑmɔ. U ben mɛɛrɑn bosu bɔkumɔ.

Womusu 41:4

Yinni Gusunɔwɑ u koo nùn kɔ̃su kpɑ u nùn nɔɔri sɑnɑm mɛ u bɑrɔ u kpĩ.

Womusu 6:2

Yinni Gusunɔ, ɑ kɑ mɑn mɔru sɑ̃ɑ, ɑdɑmɑ nɑ nun kɑnɑmɔ, ɑ ku mɑn ɡerusi, ɑ ku mɑn sɛɛyɑsiɑ.

Yɑribu 10:1

Yinni Gusunɔ u kpɑm Mɔwisi sɔ̃ɔwɑ u nɛɛ, nɑ derɑ Eɡibiti sunɔ kɑ win bwɑ̃ɑbun ɡɔ̃rusu bɔbiɑ, kpɑ n kɑ nɛn yĩre ni sɔ̃ɔsi ben suunu sɔɔ. Kpɑ wunɛn tii ɑ kɑ wunɛn bibu kɑ wunɛn debuminu sɔ̃ nɡe mɛ nɑ kɑ Eɡibitiɡibu yɑɑkoru kuɑ, kɑ yĩre ni nɑ sɔ̃ɔsi ben suunu sɔɔ kpɑ i n kɑ yɛ̃ mɑ nɛnɑ Gusunɔ wi u rɑ n wɑ̃ɑ. Ǹ n mɛn nɑ, ɑ doo Eɡibiti sunɔn mi.

Yɑribu 11:10

Mɔwisi kɑ Aroni bɑ sɔm mɑɑmɑɑkiɡii ni kpuro kuɑ Eɡibiti sunɔn wuswɑɑɔ ɑdɑmɑ Yinni Gusunɔ derɑ win ɡɔ̃ru ɡɑ bɔbiɑ mɑ u ǹ wure Isirelibɑ bu doonɑ win tem di.

Yɑribu 14:17

Nɛnɑ kon Eɡibitiɡibun ɡɔ̃rusu bɔbiɑsiɑ bu kɑ bu swĩi mi. Kpɑ n ben sunɔ kɑmiɑ kɑ win tɑbu kowobu kɑ win tɑbu kɛkɛbɑ kɑ win mɑɑsɔbu, kpɑ bu nɛn yiiko wɑ.

Yɑribu 14:4

kpɑ n win ɡɔ̃ru bɔbiɑsiɑ u bɛɛ nɑɑ swĩi. Adɑmɑ kon wi kɑ win tɑbu kowobu dendi n kɑ nɛn yiiko sɔ̃ɔsi kpɑ Eɡibitiɡibu bu kɑ ɡiɑ mɑ nɛnɑ Yinni Gusunɔ. Mɑ Isirelibɑ bɑ kuɑ mɛ.

Yɑribu 14:8

Sɑɑ yerɑ Yinni Gusunɔ u sunɔ win ɡɔ̃ru bɔbiɑsiɑ, mɑ u Isirelibɑ nɑɑ ɡirɑ bɑɑ mɛ u yɛ̃ mɑ Yinni Gusunɔwɑ u bu yɑrɑ.

Yɑribu 4:21

Yinni Gusunɔ u kpɑm Mɔwisi sɔ̃ɔwɑ u nɛɛ, tɛ̃, ɑ doo Eɡibiti mi, kpɑ ɑ n yɑɑye yĩre ni nɑ nun nɔmu bɛriɑ, ɑ kɑ nu ko Eɡibiti sunɔn wuswɑɑɔ. Adɑmɑ kon win ɡɔ̃ru bɔbiɑsiɑ. U ǹ wurɑmɔ u tɔn be deri bu doonɑ.

Yɑribu 7:13

Kɑ mɛ, Eɡibiti sunɔn ɡɔ̃ru ɡɑ bɔbiɑ, u ǹ mɑɑ Mɔwisi kɑ Aronin ɡere swɑɑ dɑki, nɡe mɛ Yinni Gusunɔ u rɑɑ ɡeruɑ.

Yɑribu 7:3

Kon de Eɡibiti sunɔn ɡɔ̃ru ɡu bɔbiɑ sere u ǹ bɛɛ swɑɑ dɑkimɔ, bɑɑ mɛ kon yĩre nɑnumɡii dɑbinu ko win temɔ. Yen sɔ̃, nɑ kon nùn nɛn dɑm sɔ̃ɔsi n win tɔmbu wɑhɑlɑ doke, kpɑ n nɛn tɔmbu Isirelibɑ yɑrɑ win tem di, bɑ n sɔkɑ sɑ̃ɑ swɛɛ swɛɛ nɡe tɑbu kowobu.

Yɑribu 9:12

Eɡibiti sunɔ u ǹ Mɔwisi kɑ Aronin ɡɑri swɑɑ dɑki. Yinni Gusunɔ u derɑ win ɡɔ̃ru ɡɑ bɔbiɑ ɡɑ sosi nɡe mɛ u rɑɑ Mɔwisi sɔ̃ɔwɑ.

Esɑi 26:11

Yinni Gusunɔ, ɑ dɑm mɔ, ɑdɑmɑ wunɛn yibɛrɛbɑ bɑ ǹ mu wɑɑmɔ. A de bu wunɛn hɑniɑ wɑ ye ɑ kɑ wunɛn tɔmbu wɔrɑmɔ, kpɑ bu sekuru wɑ bu dɔ̃ɔ mwɑɑrɑ.

Esɑi 29:10

Domi Yinni Gusunɔ u bɛɛn lɑɑkɑri sikɑrisiɑ, u win sɔmɔbu kɑ bɛɛn sɔrobun nɔni wɔ̃kuɑ.

Esɑi 53:5

Bɛsɛn durum sɔ̃nɑ bɑ nùn sɔkɑ bɑ yɑbɑ. Bɛsɛn torɑnun sɔ̃nɑ bɑ win wɑsi kɔsiki. Wɑhɑlɑ ye yɑ nùn wɔri mi, yɑ kɑ sun ɑlɑfiɑ nɑɑwɑ. Sɑ bɛkurɑwɑ win mɛɛrɑ yen sɑɑbu.

Esɑi 6:10

N de tɔn ben ɡɔ̃ru ɡu bɔbiɑ, kpɑ bu swɑɑ tɑɑyɑ bu ku rɑɑ ɡɑri nɔ. N ben nɔni wɔ̃kuo bu ku rɑɑ kɑ yɑm wɑ, kpɑ bu ku rɑɑ ɡɔ̃ru ɡɔsiɑ bu fɑɑbɑ wɑ.

Esɑi 6:9

Mɑ u mɑn sɔ̃ɔwɑ u nɛɛ, ǹ n mɛn nɑ, n doo n Isirelibɑ ɡɑri yini sɔ̃ n nɛɛ, wee bɑ ko n dɑ kɑsu bu win ɡɑri nɔ, ɑdɑmɑ bɑ ǹ yi nɔɔmɔ. Bɑ ko n dɑ kɑsu bu wɑ, ɑdɑmɑ bɑ ǹ ɡɑ̃ɑnu wɑsi.

Yeremi 3:22

Bɛɛ, bii mɛm nɔɔ sɑribɑ, i wurɑmɑ nɛn mi. Kon bɛɛ bɛɛn mɛm nɔɔbu sɑriru suuru kuɑ. Mɑ Isirelibɑ bɑ nɛɛ, Gusunɔ, wunɑ ɑ sɑ̃ɑ bɛsɛn Yinni. Bɛsɛ wee, wunɛn miyɑ sɑ wee.

Yeremi 5:21

bu swɑɑ dɑkio ye nɑ bu sɔ̃ɔmɔ. Bɑ sɑ̃ɑwɑ nɡe wɔ̃kobu, bɑ ǹ bwisi mɔ. Bɑ nɔni mɔ, ɑdɑmɑ bɑ ǹ yɑm wɑɑmɔ. Bɑ swɑsu mɔ, ɑdɑmɑ bɑ ǹ ɡɑri nɔɔmɔ.

Esekiɛli 12:2

tɔnun bii, wee ɑ wɑ̃ɑ mɛm nɔɔ sɑribɑn suunu sɔɔ. Bɑ nɔni mɔ ɑdɑmɑ bɑ ǹ kĩ bu kɑ yɑm wɑ. Bɑ swɑsu mɔ, ɑdɑmɑ bɑ ǹ kĩ bu kɑ ɡɑri nɔ yèn sɔ̃ bɑ bɔ.

Esekiɛli 14:9

Nɛn sɔmɔ ɡoo ù n wurɑ durɔ wi, u nùn nɔni wɔ̃kuɑ, mɑ u nùn bikiɑru kuɑ, nɛ, Yinni Gusunɔwɑ nɑ derɑ u kuɑ mɛ. Nɛn tiiwɑ kon sɔmɔ wi wunɑ nɛn tɔmbun suunu sɔɔn di.

Osee 14:4

Asiriɡii wi, u ǹ kpɛ̃ u sun fɑɑbɑ ko. Sɑ mɑɑ yɛ̃ mɑ dumi kun sun fɑɑbɑ mɔ̀ tɑbu sɔɔ. Sɑ ǹ mɑɑ bwɑ̃ɑroku ni sɑ tii kuɑ sokumɔ bɛsɛn yinnibu pɑi. Domi wunɑ ɑ rɑ ɡobekubɑ wɔnwɔndu kue.

Osee 6:1

Isirelibɑ bɑ sɔ̃ɔnɑ bɑ nɛɛ, i nɑ su ɡɔsirɑ Yinni Gusunɔn mi. Wee u sun so u mɛɛrɑ kuɑ. Adɑmɑ u koo bɛsɛn mɛɛrɑ ye nɔɔri u sun bɛkiɑ.

Mɑteu 15:14

I bu derio. Swɑɑ ɡbio wɔ̃kobɑ. Wɔ̃ko ù n mɑɑ win wɔ̃kosi swɑɑ ɡbiiye be yiru kpurowɑ bɑ koo tokoro wɔri.

Mɑɑku 4:12

kpɑ “Bu kɑ mɛɛri bɑ kun wɑ. Bɑ̀ n mɑɑ nuɑ, kpɑ n ku bu yeeri, kpɑ bu ku rɑɑ kɑ ɡɔ̃ru ɡɔsie, Gusunɔ u sere bu suuru kuɑ.”

Mɑɑku 6:52

domi pɛ̃ɛ yen sɔm mɑɑmɑɑkiɡirɑ kun bu yeeri ben lɑɑkɑri sɑrirun sɔ̃.

Luku 4:18

“Yinni Gusunɔn Hunde kɑ mɑn wɑ̃ɑ. U mɑn ɡɔsɑ n kɑ dɑm sɑriruɡibu Lɑbɑɑri ɡeɑ nɔɔsiɑ. U mɑn ɡɔrimɑ n kɑ yobu sɔ̃ mɑ bɑ koo yɑkiɑrɑ, n kɑ wɔ̃kobu sɔ̃ mɑ bɑ koo yɑm wɑ, n kɑ mɑɑ tɑkɑsiɡibu yɔ̃su bu doonɑ,

Luku 8:10

U nɛɛ, bɛɛyɑ bɑ wɛ̃ i kɑ Gusunɔn bɑndun ɑsiri ɡiɑ, ɑdɑmɑ bɑ ɡɑbu ɡɑri yi sɔ̃ɔmɔ kɑ mɔnnu, “kpɑ bu kɑ mɛɛri bɑ kun wɑ, bɑ̀ n mɑɑ nuɑ, kpɑ n ku bu yeeri.”

Yohɑnu 12:39

Yenin sɔ̃nɑ bɑ ǹ kpĩɑ bɑ nɑɑnɛ doke domi Gusunɔn sɔmɔ Esɑi u kpɑm ɡeruɑ u nɛɛ,

Yohɑnu 9:39

Yesu u nɛɛ, siribun sɔ̃nɑ nɑ nɑ hɑnduniɑɔ, be bɑ kun yɑm wɑɑmɔ kpɑ bu kɑ yɑm wɑ, be bɑ mɑɑ yɑm wɑɑmɔ bu kɑ ko wɔ̃kobu.

Gɔrobun Kookoosu 15:3

Yerɑ Yesun yiɡbɛru tɑ bu sɔɔru kuɑ bɑ swɑɑ wɔri, mɑ bɑ Fɛnisi kɑ Sɑmɑrin tem sɑrɑ bɑ nɑɑnɛ dokeobu sɔ̃ɔmɔ nɡe mɛ tɔn tukobu bɑ mɑɑ Yesu nɑɑnɛ doke. Yen bɑɑru yɑ bu nuku dobu wɛ̃ ɡem ɡem.

Gɔrobun Kookoosu 28:26

u nɛɛ, “A doo tɔn ben mi, ɑ nɛɛ, bɑ ko n nɔɔmɔ kɑ ɡem, ɑdɑmɑ n ǹ koo bu yeeri. Bɑ ko n mɛɛrimɔ, ɑdɑmɑ bɑ ǹ koo wɑ.

Gɔrobun Kookoosu 3:19

Yen sɔ̃, i ɡɔ̃ru ɡɔsio i ɡɔsirɑ Gusunɔn mi, u kɑ bɛɛn torɑnu wunɑ,

Romu 9:18

Nɡe mɛyɑ wi u kĩ u wɔnwɔndu kuɑ u rɑ nùn wɔnwɔndu kue, wi u mɑɑ kĩ u ɡɔ̃ru bɔbiɑsiɑ u rɑ nùn ɡɔ̃ru bɔbiɑsie.

Sɔ̃ɔsiru 29:4

U bɛɛ kpɑrɑ ɡbɑburɔ wɔ̃ɔ weeru mɑ bɛɛn yɑ̃ɑ ni i doke nu ǹ ɡɛ̃ɛkire, bɛɛn bɑrɑnu kun mɑɑ diire nu sere kpe.

Yosue 11:20

Domi Yinni Gusunɔ u derɑ sin tɔmbun ɡɔ̃rusu bɔbiɑ bɑ kɑ Isirelibɑ tɑbu kuɑ, kpɑ Isirelibɑ bu wɑ bu kɑ bu kpeerɑsiɑ mɑm mɑm bɑ kun ben wɔnwɔndu kue, nɡe mɛ Yinni Gusunɔ u win sɔm kowo Mɔwisi sɔ̃ɔwɑ.