Yohɑnu 12:27 - Bibeli Gusunɔn Gari

²⁷ Yesu mɑɑ nɛɛ, tɛ̃ nɛn ɡɔ̃ru ɡɑ sɑnkirɑ too too. Nɑ ǹ yɛ̃ ye kon ɡere. Nɡe kon nɛn Bɑɑbɑ kɑnɑwɑ u mɑn wɔrɑ ye yɑ mɑn deemɑ mini sɔɔn di? Aɑwo, domi yenin sɔ̃nɑ nɑ nɑ.

Yohɑnu 12:27 ပူးပေါင်းရင်းမြစ်များ

Womusu 6:3

A nɛn wɔnwɔndu wɑɑwo, ɑ mɑn bɛkio, domi nɛn wɑsi kun dɑm mɔ. Wee nɑ ɡɔɔ dɔɔ.

Womusu 88:3

A de ɑ nɛn kɑnɑru nɔ. A swɑɑ tem kpĩiyɔ ɑ nɔ ye nɑ nun kɑnɑmɔ.

Esɑi 38:15

Mbɑ kon mɑɑ ɡere, domi Yinni Gusunɔ u nɛn kɑnɑru nuɑ u mɑn wisɑ. Kon sĩ kɑ tii kɑwɑbu sere nɛn wɑ̃ɑrun tɔ̃ru tu kɑ kpe nɛn nuku sɑnkirɑ tenin biru.

Esɑi 53:3

Tɔmbɑ nùn ɡɛmɑ mɑ bɑ nùn biru kisi. U nɔni sɔ̃ɔre, u wɑhɑlɑn dɔɔnɛ mɔ, u ǹ wɑɑbu wɑ̃. Sɑ nùn ɑtɑfiiru kuɑ, sɑ ǹ nùn ɡɑrisi ɡɑ̃ɑnu.

Mɑteu 11:25

Sɑɑ ye sɔɔ, Yesu u nɛɛ, Bɑɑbɑ, wɔllu kɑ tem Yinni, nɑ nun siɑrɑ yèn sɔ̃ ɑ yɑbu ye bibu sɔ̃ɔsi bɑɑ mɛ ɑ ye bwisiɡibu kɑ yɛ̃ruɡibu beruɑ.

Mɑteu 11:26

N wɑ̃ Bɑɑbɑ, domi mɛyɑ n kɑ nun nɑɑwɑ wunɛn kĩru sɔɔ.

Mɑteu 26:42

U kpɑm kɑ bu tondinɑ nɔn yiruse u kɑnɑru kuɑ u nɛɛ, nɛn Bɑɑbɑ, wɑhɑlɑ yeni yɑ̀ kun koo mɑn doonɑri nɑ kun ye wɑ, ɑ de wunɛn kĩru tu koorɑ.

Mɑteu 26:45

Mɑ u kpɑm wurɑmɑ win bwɑ̃ɑbun mi u nɛɛ, i do kɑ tɛ̃ i wɛ̃rɑmɔ? Sɑɑ yɑ turuku koomɑ ye bɑ koo Tɔnun Bii tɔn kɔ̃sobu nɔmu sɔndiɑ.

Luku 22:44

Nuku sɑnkirɑ bɑkɑnu sɔɔ u kɑnɑru mɔ̀ kɑ dɑm, mɑ win wɛnyɑnu kuɑ nɡe yɛm nu dɑ̃ɑkumɔ temɔ.]

Luku 22:53

Bɑɑdommɑwɑ nɑ wɑ̃ɑ kɑ bɛɛ sɑ̃ɑ yerɔ, mɑ i ǹ mɑn mwɛ. Tɛ̃ bɛɛyɑ i sɑɑ yeni mɔ, bɛɛ kɑ yɑm wɔ̃kurun dɑmɡii.

Yohɑnu 11:41

Mɑ bɑ kpee te bimiɑ min di. Mɑ Yesu u win nɔni suɑ wɔllɔ u nɛɛ, nɛn Bɑɑbɑ, nɑ nun siɑrɑ yèn sɔ̃ ɑ nɛn ɡɑri swɑɑ dɑki.

Yohɑnu 12:23

Yesu u bu sɔ̃ɔwɑ u nɛɛ, sɑɑ yɑ turɑ ye bɑ koo kɑ Tɔnu Bii wɔlle suɑ.

Yohɑnu 13:21

Ye Yesu u yeni ɡeruɑ u kpɑ, win ɡɔ̃ru ɡɑ sɑnkirɑ too too, mɑ u bu sɔ̃ɔwɑ kpɑsɑsɑ u nɛɛ, kɑ ɡeemɑ nɑ bɛɛ sɔ̃ɔmɔ, ɡoo wɑ̃ɑ bɛɛ sɔɔ wi u koo mɑn dɔmɛ.

Yohɑnu 18:37

Mɑ Pilɑti nùn bikiɑ u nɛɛ, ǹ n mɑn nɑ, ɑ sɑ̃ɑwɑ sunɔ. Yesu u nùn wisɑ u nɛɛ, wunɛn tii ɑ mɑm ɡerumɔ mɑ nɑ sɑ̃ɑ sunɔ. Nɑ nɑ hɑnduniɑ sɔɔ, bɑ mɑn mɑrɑwɑ n kɑ ɡem ɑreru di. Bɑɑwure wi u sɑ̃ɑ ɡemɡii, wiyɑ nɛn ɡɑri nɔɔmɔ.

Timɔte I 1:15

Gɑri nɑɑnɛɡii yi yi weenɛ i nɔmɑ ɡɑ̃ri i mwɑ mɑm mɑm yiyɑ, Yesu Kirisi u nɑ hɑnduniɑ sɔɔ u kɑ durumɡibu fɑɑbɑ ko bè sɔɔ nɑ sɑ̃ɑ ben kpoko.

Heberu 2:14

Nɡe mɛ bii be, bɑ wɑsi mɔ kɑ yɛm, Yesu win tii u kuɑ nɡe be. U kuɑ mɛ kpɑ u kɑ ɡbi. Win ɡɔɔ wi, u Yibirisi kpeerɑsiɑ ye yɑ rɑɑ ɡɔɔn dɑm nɛni.

Heberu 5:7

Yesun hɑnduniɑn wɑ̃ɑru sɔɔ u Gusunɔ kɑnɑ wi u koo kpĩ u nùn wɔrɑ ɡɔɔn nɔmɑn di. U mɑɑ nùn suuru kɑnɑ kɑ wuri bɛkɛ kɑ yĩresu. Mɑ Gusunɔ u nùn swɑɑ dɑki win wii kpĩibun sɔ̃.