Yohɑnu 11:19 - Bibeli Gusunɔn Gari

¹⁹ Mɑ Yuu dɑbiru bɑ yɑrimɑ ben wuun di bɑ nɑ Mɑɑtɑ kɑ Mɑɑrin mi bu kɑ bu nukuru yɛmiɑsiɑ ben sesun ɡɔɔn sɔ̃.

Yohɑnu 11:19 ပူးပေါင်းရင်းမြစ်များ

Torubu 37:35

Win bii tɔn durɔbu kɑ tɔn kurɔbu kpuro bɑ nɑ bu kɑ nùn nukuru yɛmiɑsiɑ, ɑdɑmɑ u yinɑ u ben ɡoon ɡɑri nɔ. U nɛɛ, u koo win biin ɡɔɔ swĩwɑ sere u kɑ nùn nɑɑmwɛ ɡɔriɔ. Mɑ u ɡɔɔ wi swĩ n kɑ tɛ.

Sɑmuɛli II 10:2

Yerɑ Dɑfidi u nɛɛ, kon Hɑnuni durom kuɑwɑ nɡe mɛ win tundo Nɑkɑsi u rɑɑ mɑn kuɑ. Mɑ u win bwɑ̃ɑbu ɡɔrɑ bu dɑ bu kɑ nùn nukuru yɛmiɑsiɑ win tundon ɡɔɔn sɔ̃. Ye bwɑ̃ɑ be, bɑ turɑ mi,

Bɑndun Gɑri I 10:12

yerɑ be bɑ sɑ̃ɑ tɑbu durɔ wɔruɡɔbɑ bɑ seewɑ bɑ Sɔɔlu kɑ win bibun ɡoo ni suɑ bɑ kɑ dɑ Yɑbɛsiɔ. Mɑ bɑ ben kukunu sikuɑ dɑ̃ru ɡɑrun nuurɔ Yɑbɛsi mi. Mɑ bɑ nɔɔ bɔkuɑ sɔ̃ɔ nɔɔbɑ yiru.

Yoobu 2:11

Yoobun bɔrɔbɑ itɑ yeni, Elifɑsi Temɑɡii, kɑ Bilidɑ Suɑɡii, kɑ Sofɑɑ Nɑɑmɑɡii bɑ wɑhɑlɑ ye kpuro nuɑ ye yɑ Yoobu deemɑ, mɑ ben bɑɑwure u seemɑ sɑɑ win tem di. Bɑ wesiɑnɑ bu kɑ nɑ Yoobun mi, kpɑ bu nùn nukuru yɛmiɑsiɑ.

Yoobu 42:11

Yoobun wɔnɔbu kɑ win mɑɑbu kɑ win sesubu kɑ win yellun bɔrɔbɑ bɑ nùn berɑm dɑ mɑ bɑ di mi kɑ wi sɑnnu. Mɑ bɑ win wɔnwɔndu wɑ, bɑ nùn nukuru yɛmiɑsiɑ nɔni swɑ̃ɑ te Yinni Gusunɔ u derɑ u wɑn sɔ̃. Yerɑ ben bɑɑwure u nùn sii ɡeesun ɡobi kɑ tɑɑbu wurɑɡuu kɑ̃.

Wɑɑsu kowo 7:2

N burɑm bo ɑ dɑ yɛnu mi bɑ ɡɔɔ sɔ̃ ye kɑɑ kɑ dɑ yɛnu mi bɑ tɔ̃ɔ bɑkɑru mɔ̀. Domi ɡɔɔwɑ u sɑ̃ɑ tɔnun wɑ̃ɑrun nɔru. Mɛyɑ wi u wɑsi, u koo yɑɑyɑ mɑ ɡɔɔ wee.

Esɑi 51:19

Wee, ɡɑ̃ɑnu yiru yɑ nun deemɑ, tɑbu kɑ ɡɔ̃ɔru kɑ kpeerɑbu kɑ bɑnsu. Wɑrɑ koo nun duurɑ. Wɑrɑ koo nun nukuru yɛmiɑsiɑ.

Swĩi 1:16

Yen sɔ̃nɑ nɑ wurɑ mɔ̀, nɑ nɔni yĩresu kokumɔ. Wi u koo mɑn nukuru yɛmiɑsiɑ u mɑn wɑ̃ɑru wesiɑ, u mɑn deri. Nɛn bibɑ nuki sɑnkire, domi yibɛrɛ u mɑn kɑmiɑ.

Swĩi 1:2

Yɑ wuri mɔ̀ wɔ̃ku ɡiriru mɑ yen nɔni yĩresu kokumɔ. Be bɑ rɑɑ sɑ̃ɑ yen kĩnɑsibu, ben ɡoo sɑri wi u ye nukuru yɛmiɑsiɑmɔ. Be kpuro bɑ kuɑwɑ nɑɑnɛ sɑribɑ, mɑ bɑ kuɑ yen yibɛrɛbɑ.

Swĩi 1:21

Bɑ nɛn weeweenu nuɑ. Adɑmɑ ɡoo kun mɑn nukuru yɛmiɑsie. Yibɛrɛbɑn nukurɑ dorɑ, yèn sɔ̃ ɑ mɑn kuɑ mɛ. Ǹ n mɛn nɑ, ɑ de tɔ̃ɔ te, tu nɑ te ɑ ɡeruɑ mi, kpɑ bu ko nɡe nɛ.

Swĩi 1:9

Wee, yen durum yĩreru tɑ wɑ̃ɑ yen yɑberɔ. Adɑmɑ yɑ ǹ dɑɑ yen kpeeru bwisikɑ. Yɑ wɔrumɑ subɑru sɔɔ ɡoo kun ye nukuru yɛmiɑsie. Mɑ yɑ nɔɔɡiru suɑ yɑ nɛɛ, Yinni Gusunɔ, ɑ nɛn nɔni swɑ̃ɑru mɛɛrio. A mɛɛrio nɡe mɛ yibɛrɛ u tii sue.

Swĩi 2:13

Yerusɑlɛmu, mbɑ kon nun sɔ̃. Mbɑ kon kɑ nun weesinɑ. Wɑrɑ u mɑɑ nɔni sɔ̃ɔre nɡe wunɛ, n kɑ kpĩ n nun nukuru yɛmiɑsiɑ. Domi wunɛn nɔni swɑ̃ɑrɑ kpɑ̃ nɡe nim wɔ̃kun nim. Goo sɑri wi u koo kpĩ u tu kpeesiɑ.

Luku 10:39

Kurɔ wi, u wɔnɔ mɔ wi bɑ rɑ soku Mɑɑri. Wɔnɔ wi, u sɔ̃ Yinnin bɔkuɔ u win ɡɑri swɑɑ dɑki.

Luku 10:42

Gɑ̃ɑ teenun bukɑtɑwɑ tɔnu u mɔ. Gɑ̃ɑ ɡeenɑ Mɑɑri u ɡɔsɑ ni bɑ ǹ nùn mwɑɑrimɔ.

Yohɑnu 1:19

Yeniwɑ Yohɑnu u ɡeruɑ sɑnɑm mɛ Yuu be bɑ wɑ̃ɑ Yerusɑlɛmuɔ bɑ yɑ̃ku kowobu kɑ Lefibɑ ɡɔrimɑ win mi bu kɑ nùn bikiɑ, wiyɑ were.

Yohɑnu 11:1

N wee durɔ ɡoo wi bɑ rɑ soku Lɑsɑɑ wi u wɑ̃ɑ Betɑniɔ u bɑrɑ. Betɑni sɑ̃ɑwɑ Mɑɑri kɑ win mɔɔ Mɑɑtɑn wuu.

Yohɑnu 11:31

Yuu be bɑ Mɑɑri nukuru yɛmiɑsiɑmɔ dirɔ, ye bɑ wɑ u seewɑ kɑ sɛndɑru u yɑrɑ tɔɔwɔ, bɑ nùn swĩi. Bɑ tɑmɑɑ u dɔɔwɑ sikirɔ u swĩ.

Yohɑnu 11:33

Ye Yesu u wɑ u sumɔ, mɑ Yuu be bɑ kɑ nùn nɑ, ben tii bɑ sumɔ, yerɑ u diirɑ kɑ nuku sɑnkirɑnu.

Yohɑnu 11:36

Yen sɔ̃nɑ Yuubɑ bɑ nɛɛ, i mɛɛrio i wɑ nɡe mɛ u nùn kĩ n nɛ.

Yohɑnu 11:45

N wee Yuu dɑbiru be bɑ Mɑɑri swĩimɑ mi, mɑ bɑ wɑ ye Yesu u kuɑ, bɑ nùn nɑɑnɛ doke.

Yohɑnu 11:8

Win bwɑ̃ɑbɑ nɛɛ, yinni, sɔ̃ɔ mɛɛ terɑ Yuubɑ bɑ kĩ bu nun kpenu kɑsuku, mɑ ɑ kpɑm kĩ ɑ wurɑ mi?

Romu 12:15

I kɑ bu nuku dobu koowo be bɑ nuku dobu mɔ̀, kpɑ i kɑ bu swĩ be bɑ sumɔ.

Korinti II 1:4

U sun dɑm kɛ̃mɔ bɛsɛn nuku sɑnkirɑnu kpuro sɔɔ, kpɑ bɛsɛn tii su kɑ kpĩ su be bɑ nuki sɑnkire dɑm kɛ̃ mɛ bɛsɛn tii sɑ wɑ Gusunɔn min di.

Tɛsɑlonikɑ I 4:18

Yen sɔ̃, i de i dɑm kɛ̃ɛnɑ kɑ ɡɑri yini.

Tɛsɑlonikɑ I 5:11

Yen sɔ̃, i n dɑm kɛ̃ɛnɑmɔ kpɑ i n tɑ̃sisiɑnɑmɔ nɡe mɛ i mɔ̀ tɛ̃.

Sɑmuɛli I 31:13

Mɑ bɑ ben kukunu ɡurɑ bɑ sikuɑ dɑ̃ru ɡɑrun nuurɔ Yɑbɛsiɔ. Mɑ bɑ ɡɔɔ wooru sinɑ, bɑ nɔɔ bɔkuɑ sɔ̃ɔ nɔɔbɑ yiru.