Yohɑnu 10:34 - Bibeli Gusunɔn Gari

³⁴ Yesu u nɛɛ, bɑ ǹ yoruɑ bɛɛn tiin woodɑ sɔɔ mɑ Gusunɔ u nɛɛ, “I sɑ̃ɑwɑ Wɔrukoon bibu?”

Yohɑnu 10:34 ပူးပေါင်းရင်းမြစ်များ

Womusu 138:1

Womu ɡe Dɑfidi u kuɑ. Ge wee. Yinni Gusunɔ, nɑ nun siɑrɑmɔ kɑ nɛn ɡɔ̃ru kpuro. Kon nun tɔmɑ wɔllun tɔmbun wuswɑɑɔ.

Womusu 82:1

Womu ɡe Asɑfu u kuɑ. Ge wee. Gusunɔ u wɑ̃ɑ wɔllun tɔmbun suunu sɔɔ. Miyɑ u wɑ̃ɑ u kɑ sirimɔ. U nɛɛ,

Yɑribu 22:28

Ì n bɛɛn dĩɑ ɡbiikinu ɡɑ̃ i ku de n tɛ i sere kɑ nɛɡinu nɑ. I ku mɑɑ tɛ i kɑ bɛɛn bii tɔn durɔ ɡbiikobu yɑkiɑ domi bɑ sɑ̃ɑwɑ nɛɡibu.

Yɑribu 4:16

Wiyɑ u koo tɔmbu wunɛn ɡɑri tusiɑ. U ko n sɑ̃ɑ nɡe wunɛn nɔɔ, kpɑ ɑ n sɑ̃ɑ nɛn kɔsire win sɔ̃.

Yɑribu 7:1

Yinni Gusunɔ u Mɔwisi sɔ̃ɔwɑ u nɛɛ, wee, nɑ nun kuɑ nɛn kɔsire Eɡibiti sunɔn sɔ̃. Wunɛn mɔɔ Aroni u ko n mɑɑ sɑ̃ɑ wunɛn ɡɑri ɡero.

Yohɑnu 10:35

Sɑ yɛ̃ ye Gusunɔn ɡɑri ɡerumɔ n sɑ̃ɑwɑ ɡem kɑ bɑɑdommɑɔ. Mɑ win tii u nɛɛ, bɑ sɑ̃ɑwɑ Wɔrukoon bibu be bɑ win ɡɑri mwɑ.

Yohɑnu 12:34

Tɔn wɔru ɡe, ɡɑ nùn sɔ̃ɔwɑ ɡɑ nɛɛ, sɑ nuɑ bɛsɛn woodɑn tireru sɔɔ mɑ Kirisi u ko n wɑ̃ɑwɑ sere kɑ bɑɑdommɑɔ. Amɔnɑ ɑ kɑ ɡerumɔ mɑ bɑ ǹ koo ko bɑ kun Tɔnun Bii sue tem di. Wɑrɑ Tɔnu Bii wi.

Yohɑnu 15:25

Nɡe mɛyɑ n sɑ̃ɑ kpɑ ɡɑri yi bɑ yoruɑ woodɑn tirerɔ yi kɑ koorɑ, yi yi nɛɛ, “Bɑ mɑn tusɑ, bɑ ǹ ten wiru kɑ nɑɑsu yɛ̃.”

Yohɑnu 8:17

Bɑ yoruɑ bɛɛn woodɑ sɔɔ mɑ tɔnu yirun ɑreru ɡeemɑ.

Korinti I 14:21

Gusunɔn woodɑn tireru sɔɔ bɑ yoruɑ, “Yinni u nɛɛ, kon de bu nɛn ɡɑri nɔ be bɑ bɑrum tukum ɡerumɔn nɔɔn di, kɑ mɑɑ sɔbun nɔɔ sɔɔn di. Adɑmɑ kɑ mɛ, bɑ ǹ nɛn ɡɑri swɑɑ dɑkimɔ.”