Yohɑnu 10:16 - Bibeli Gusunɔn Gari

¹⁶ Nɑ mɑɑ yɑ̃ɑnu ɡɑnu mɔ ni nu kun wɑ̃ɑ yɑ̃ɑ ɡɔ̃ɔ teni sɔɔ. Niyɑ nɑ ǹ kon ko nɑ kun mɑɑ kɑ nɛ. Nu koo mɑɑ nɛn nɔɔ nɔ, kpɑ nu ko ɡɔ̃ɔ teeru, kpɑ nu n kpɑro turo mɔ.

Yohɑnu 10:16 ပူးပေါင်းရင်းမြစ်များ

Torubu 49:10

Bɑndɑ kun doonɔ wunɛn bweserun di. Sinɑ bɔrɑ kun kisirɑmɔ wunɛn nɔmun di, sere Silo ù n tunumɑ, kpɑ bwesenu kpuro nu nùn mɛm nɔɔwɑ.

Womusu 86:9

Bwese ni ɑ tɑkɑ kuɑ kpuro nu koo nɑ nu yiirɑ wunɛn wuswɑɑɔ, kpɑ nu wunɛn yĩsiru bɛɛrɛ wɛ̃.

Wɑɑsu kowo 12:11

Bwisiɡiin ɡɑri yi sɑ̃ɑwɑ nɡe yɑbiri yi yi rɑ tɔnun lɑɑkɑri yɑmiɛ. Mɛyɑ yi mɑɑ sɑ̃ɑ nɡe sɔretii yi yi yɛ̃ru ɡɑbe. Yi weewɑ Gusunɔn min di wi u sɑ̃ɑ kpɑro ɡeo.

Esɑi 11:10

Sɑɑ ye sɔɔ, ɡoo u koo yɑri Isɑin bweserun di nɡe dɑ̃ɑ kpii pɔturɑ, kpɑ u n sɑ̃ɑ nɡe ɡidi bɔrɑ bwesenu kpuron sɔ̃. Bwese ni, nu koo ɡɔsirɑmɑ win mi. Kpɑ win wɑ̃ɑ yeru tɑ n Gusunɔn yiiko sɔ̃ɔsi.

Esɑi 43:6

Nɑ ǹ mɑɑ derimɔ sɔ̃ɔ yɛ̃si yɛ̃sikɑn tɔmbu bu mɑɑ bu nɛnɛ. Adɑmɑ bu de nɛn bii be bɑ wɑ̃ɑ hɑnduniɑn ɡoonu nnɛ ye sɔɔ kpuro bu wurɑmɑ,

Esɑi 49:6

U nɛɛ, nɑ n kɑ sɑ̃ɑ win sɔm kowo, kpɑ n kɑ Isirelibɑn bwese ni nu tie seeyɑ, yɑ ǹ ɡɑ̃ɑnu turɑ. Wee u mɑn kuɑ bwese tukunun yɑm bururɑm, kpɑ n kɑ win fɑɑbɑ dɑ hɑnduniɑn ɡoonu nnɛ kpuro sɔɔ.

Esɑi 52:10

U koo win dɑm kɑ win dɛɛrɑru bwesenu kpuro sɔ̃ɔsi, kpɑ bu wɑ hɑnduniɑn ɡoonu nnɛ kpuro sɔɔ mɑ u win tɔmbu fɑɑbɑ kuɑ.

Esɑi 56:8

Nɛ, Yinni Gusunɔ, nɛ wi nɑ Isireli be bɑ rɑɑ yɑrinɛ mɛnnɑ, kon mɑɑ bwese tukunu mɛnnɑ kɑ be, nɛn tɔmbu sɑnnu.

Esekiɛli 34:12

Kon nu mɛnnɑwɑ nɡe mɛ yɑ̃ɑ kpɑro u rɑ win yɑ̃ɑnu mɛnnɛ nù n yɑrinɑ. Tɔ̃ɔ te nu yɑrinɑ tɑ sɑ̃ɑwɑ yɑm wɔ̃ku bɑkɑru. Kon dɑ n nu kɑsuwɑ bɑɑmɑ mi nu yɑrinɛ.

Esekiɛli 34:23

Kon nu kpɑro turo wɛ̃ wi u koo nu nɔɔri. U koo yɑriwɑ nɛn sɔm kowo Dɑfidin bweserun di. U koo nu nɔɔri kpɑ u n sɑ̃ɑ nin kpɑro ɡeo.

Esekiɛli 34:6

Mɑ nu sirenɛ ɡuunu kɑ ɡunɡunu wɔllɔ nu yɑrinɛ tem kpuro sɔɔ. Goo kun nin bwisikunu kue u sere mɑm nu kɑsum dɑ.

Esekiɛli 37:22

Bɑ koo ko bwese teeru sere kɑ be bɑ wɑ̃ɑ ɡuunɔ kpɑ bɑ n sunɔ turo mɔ. Bɑ ǹ ko n mɑɑ sɑ̃ɑ bwesenu yiru. Bɑ ǹ ko n mɑɑ sinɑmbu yiru mɔ.

Esekiɛli 37:24

Dɑfidi nɛn sɔm kowon bibun bweseru sɔɔrɑ bɑ koo sunɔ wɑ. Kpɑro turowɑ bɑ ko n mɔ. Bɑ koo nɛn woodɑbɑ mɛm nɔɔwɑ kpɑ bu kɑ ye sɔmburu ko.

Sɑkɑri 2:11

Bɛɛ Yerusɑlɛmuɡibu, bɛɛ be i yoru dimɔ Bɑbiloniɔ, i kisirɑmɑ.

Mɑteu 17:5

U ǹ ɡɑri yi ɡerum kpɑ, bukɔ kpiku ɡɑ kɑ bu wukiri. Mɑ bɑ nɔɔ ɡɑɡu nuɑ sɑɑ bukɔ min di ɡɑ nɛɛ, winiwɑ nɛn Bii kĩnɑsi wì sɔɔ nɛn ɡɔ̃ru dobu kpuro wɑ̃ɑ. I wiɡii swɑɑ dɑkio.

Luku 15:8

Yesu mɑɑ nɛɛ, nɡe kurɔ wɑrɑ, ù n sii ɡeesun ɡobi wɑsi wɔkuru mɔ, mɑ yin tiɑ kɔ̃ɔrɑ, u ǹ koo fitilɑ mɛni kpɑ u diru kurɑ u kɑ ye kɑsu kɑ lɑɑkɑri sere u kɑ wɑ.

Yohɑnu 10:11

Nɛn tiiwɑ yɑ̃ɑ kpɑro ɡeo. Yɑ̃ɑ kpɑro ɡeo u rɑ win wɑ̃ɑru wɛ̃wɑ win yɑ̃ɑnun sɔ̃.

Yohɑnu 10:2

Adɑmɑ wi u kɔnnɔn di dumɔ wiyɑ yɑ̃ɑnun kpɑro.

Yohɑnu 10:27

Nɛn yɑ̃ɑnu nu nɛn nɔɔ nɔɔmɔ, nɑ nu yɛ̃, nu mɑɑ mɑn swĩi.

Yohɑnu 10:3

Kɔnnɔ kɔ̃so u rɑ nùn kɛniɛ, yɑ̃ɑnu rɑ n mɑɑ win nɔɔ nɔɔmɔ. U rɑ win yɑ̃ɑnu soku bɑɑtere kɑ ten yĩsiru kpɑ u nu yɑrɑ tɔɔwɔ.

Yohɑnu 10:4

Sɑnɑm mɛ u nu yɑrɑ tɔɔwɔ kpuro, u rɑ nu ɡbiiye kpɑ nu n nùn swĩi yèn sɔ̃ nu win nɔɔ yɛ̃.

Yohɑnu 10:5

Nu ǹ wurɑmɔ nu tɔn tuko swĩi, ɑdɑmɑ nu koo dukɑ suwɑ n tomɑ sɑɑ win min di yèn sɔ̃ nu ǹ win nɔɔ yɛ̃.

Yohɑnu 11:52

N ǹ mɑɑ mɔ be tɔnɑn sɔ̃, ɑdɑmɑ u kɑ mɑɑ Gusunɔn bibu kpuro kowɑ tɔn teebu be bɑ wɑ̃ɑ bɑɑmɑ.

Yohɑnu 17:20

N ǹ mɔ beni tɔnɑwɑ nɑ kɑnɑru kuɑmmɛ, ɑdɑmɑ kɑ mɑɑ be bɑ koo nɑɑnɛ doke ben ɡɑrin sɑɑbu.

Yohɑnu 6:37

Bɑɑwure wi Bɑɑbɑ mɑn wɛ̃ u koo nɑ nɛn mi. Wi u mɑɑ nɑ nɛn mi, nɑ ǹ nùn yinɑmɔ, bɑɑ ǹ n kuɑ ɑmɔ.

Gɔrobun Kookoosu 15:14

Simɔɔ u bɛɛ tubusiɑ nɡe mɛ Gusunɔ u ɡbiɑ u kuɑ u kɑ tii tɔn tukobu ɡɑbu ɡɔsiɑ be bɑ koo soku wiɡibu.

Gɔrobun Kookoosu 18:10

nɑ wɑ̃ɑ kɑ wunɛ, ɡoo kun kpɛ̃ u nun nɔmɑ doke u sere nun ɡɑ̃ɑ kɔ̃sunu kuɑ. Domi tɔn dɑbinɑ nu wɑ̃ɑ wuu ɡe sɔɔ ni nu sɑ̃ɑ nɛɡibu.

Gɔrobun Kookoosu 22:14

U mɑn sɔ̃ɔwɑ u nɛɛ, Gusunɔ bɛsɛn sikɑdobɑn Yinni u mɑn ɡɔsɑ n kɑ win kĩru ɡiɑ, n kɑ Geeɡii wɑ, kpɑ n mɑɑ kɑ win nɔɔn ɡɑri nɔ.

Romu 11:25

Nɛɡibu, ɑsiri ɡɑɑ wɑ̃ɑ ye nɑ kĩ i n yɛ̃, kpɑ i ku kɑ tii ɡɑrisi bwisiɡibu. Asiri ye wee. Isirelibɑ ɡɑbu bɑ ɡinɑ ɡɔ̃rusu bɔbiɑ sere tɔn tukobun ɡeeru tu kɑ yibu fɑɑbɑ sɔɔ.

Tɛsɑlonikɑ II 2:13

Nɛɡibu, bɛɛ be Yinni u kĩ, sɑ ǹ ko ko sɑ kun Gusunɔ siɑre bɛɛn sɔ̃ sɑɑ bɑɑyere. Domi Gusunɔ u bɛɛ ɡɔsɑ sɑɑ toren di i kɑ fɑɑbɑ wɑ kɑ Hunde Dɛɛron dɑm wi u bɛɛ kuɑ Gusunɔɡibu, kɑ mɑɑ bɛɛn nɑɑnɛ ye i mɔ ɡem sɔɔ.

Heberu 13:20

Gusunɔ wi u ɑlɑfiɑ wɛ̃ɛmɔ u bɛsɛn Yinni Yesu seeyɑ ɡɔrin di, mɑ Yesu wi, u kuɑ bɛsɛn yɑ̃ɑ kpɑro boko win yɛm sɔ̃ mɛ mu nɔɔ mwɛɛ te tɑ ku rɑ kpen ɡɑri sire.

Piɛɛ I 2:10

Gɑsɔ, i ǹ sɑ̃ɑ bwese te ɡoo u yɛ̃, ɑdɑmɑ tɛ̃ i kuɑ Gusunɔn tɔmbu. Gɑsɔ i ǹ dɑɑ wɔnwɔndu wɑ, ɑdɑmɑ tɛ̃ i wɔnwɔndu wɑ.

Piɛɛ I 2:25

Domi i rɑɑ sɑ̃ɑwɑ nɡe yɑ̃ɑ ni nu kɔ̃ɔre, ɑdɑmɑ tɛ̃ i wurɑmɑ bɛɛn hunden kpɑron mi, wi u bɛɛ kɔ̃su.

Piɛɛ I 5:4

Mɑ sɑnɑm mɛ kpɑrobun wiruɡii koo kurɑmɑ, i ko ɑre yiikoɡii mwɑ yìn burɑm kun kpeemɔ.

Kɑ̃siru 3:20

Wee, nɑ yɔ̃ dii kɔnnɔwɔ nɑ tɑkɑ mɔ̀. Bɑɑwure wi u nɛn nɔɔ nɔɔmɔ mɑ u kɛniɑ, kon du win mi, kpɑ n kɑ nùn di kpɑ u mɑɑ kɑ mɑn di.