Yohɑnu 1:6 - Bibeli Gusunɔn Gari

^6-7 Durɔ ɡoo rɑɑ wɑ̃ɑ wi bɑ rɑ soku Yohɑnu, wi Gusunɔ u ɡɔsɑ u kɑ tɔmbu yɑm bururɑm mɛn ɑreru diiyɑ, kpɑ ben bɑɑwure u kɑ nɑɑnɛ doke sɑɑ win min di.

Yohɑnu 1:6 ပူးပေါင်းရင်းမြစ်များ

Mɑlɑsi 3:1

Mɑ Gusunɔ wɔllu kɑ tem Yinni u wisɑ u nɛɛ, wee kon nɛn sɔmɔ ɡɔrimɑ. U koo nɛn swɑɑ sɔmɛ. Kpɑ Yinni wi i kɑsu mi, u du win sɑ̃ɑ yerɔ subɑru sɔɔ. Wee sɔmɔ wi i kĩ mi, u sisi u kɑ nɛn ɑrukɑwɑnin ɡɑri kpɑrɑ.

Mɑteu 11:10

Domi Yohɑnu wiyɑ wìn sɔ̃ Gusunɔn ɡɑri nɛɛ, “N wee nɑ nɛn sɔmɔ ɡɔriɔ wunɛn wuswɑɑɔ wi u koo wunɛn swɑɑ sɔmɛ.”

Mɑteu 21:25

Wɑrɑ u Yohɑnu ɡɔrimɑ u kɑ bɑtɛmu ko. Gusunɔ? Nɡe tɔnu. Mɑ bɑ ɡerumɔ ben tii tiinɛ sɔɔ bɑ mɔ̀, sɑ̀ n nɛɛ Gusunɔwɑ, u koo sun bikiɑ mbɑn sɔ̃nɑ sɑ ǹ Yohɑnu nɑɑnɛ doke.

Luku 1:13

Mɑ ɡɔrɑdo wi, u nùn sɔ̃ɔwɑ u nɛɛ, ɑ ku bɛrum ko Sɑkɑri, domi bɑ wunɛn kɑnɑru mwɑ. Wunɛn kurɔ Elisɑbɛti u koo nun bii tɔn durɔ mɑruɑ, kpɑ ɑ nùn yĩsiru kɛ̃ Yohɑnu.

Luku 1:76

Wunɛ mɑɑ nɛn bii, bɑ koo nun sokuwɑ Wɔrukoon sɔmɔ domi kɑɑ Yinni ɡbiiyɑ ɑ kɑ win swɛɛ sɔmɛ,

Yohɑnu 1:33

Nɑ ǹ nùn tubɑ, ɑdɑmɑ Gusunɔ wi u mɑn ɡɔrɑ n kɑ tɔmbu bɑtɛmu ko nim sɔɔ, win tiiwɑ u mɑn sɔ̃ɔwɑ mɑ wìn wirɔ nɑ wɑ wi Gusunɔn Hunde u sɑrɑmɑ u sɔ̃, wiyɑ u koo tɔmbu bɑtɛmu ko kɑ Hunde Dɛɛro.

Yohɑnu 3:28

Bɛɛn tii i sɑ̃ɑ nɛn seedɑɡibu ye nɑ ɡeruɑ mɑ n ǹ nɛ, Kirisi wi, ɑdɑmɑ bɑ mɑn ɡɔrimɑwɑ n kɑ nùn swɑɑ ɡbiiyɑ.

Gɔrobun Kookoosu 13:24

Yesu u sere nɑ, Yohɑnu u Isirelibɑ kpuro wɑɑsu kuɑ u bu sɔ̃ɔwɑ bu ɡɔ̃ru ɡɔsiɑ bu bɑtɛmu ko.