Yoɛli 2:3 - Bibeli Gusunɔn Gari

³ Mi yi sɑrɑ kpuro, n dɑ kowɑ nɡe dɔ̃ɔ mwɑɑrɑ u doonɑ. Yi ku rɑ ɡɑ̃ɑnu deri. Yellu bɛsɛn tem mu ɡeɑ sɑ̃ɑ nɡe ɡbɑɑ te bɑ mɔ̀ Edɛni. Adɑmɑ tɛ̃ yi mu kuɑ nɡe mi ɡɑ̃ɑnu ku rɑ kpi.

Yoɛli 2:3 ပူးပေါင်းရင်းမြစ်များ

Torubu 13:10

Mɑ Lɔtu u nɔni seeyɑ u Yuudɛnin dɑɑrun berɑ mɛɛrɑ sere n kɑ dɑ wuu ɡe bɑ mɔ̀ Soɑri. U wɑ tem mu ɡeɑ sɑ̃ɑ mu nike nikeru mɔ nɡe ɡbɑɑ te Yinni Gusunɔ u kuɑ Edɛniɔ, ǹ kun mɛ Eɡibitin tem. N deemɑ Yinni Gusunɔ kun ɡinɑ Sodomu kɑ Gomɔrɑ kpeerɑsie.

Torubu 2:8

Mɑ Yinni Gusunɔ u ɡbɑɑru kuɑ Edɛniɔ sɔ̃ɔ yɑri yerun berɑ, mɑ u tɔnu wi u kuɑ mi suɑ u doke sɔɔ.

Womusu 50:3

Bɛsɛn Yinni u wee wi, wi u ku rɑ mɑri. Win wuswɑɑɔ dɔ̃ɔ boko sɔ̃ruɑ, mɑ ɡuru woo bɔkɔ ɡɑ kɑ nùn sikerenɛ.

Womusu 97:3

Dɔ̃ɔwɑ u rɑ n nùn swɑɑ ɡbiiye. Kpɑ u n win yibɛrɛbɑ mwɑɑmɔ.

Yɑribu 10:15

Tem kpuro mu tĩrɑ twee yin sɑɑbu. Mɑ yi yɑkɑsu kɑ dɑ̃ɑ binu kpuro di, ni ɡuru kpenu kun dɑɑ sɑnkɑ. Wuru ɡɑɡɑ kun mɑɑ tie Eɡibitin tem sɔɔ dɑ̃ɑɔ kɑ dɑ̃ɑ kikisɔ.

Yɑribu 10:5

Yi koo tɛriɑ yi tem wukiri. Bɑɑ tem bɑu bɑ ǹ wɑsi. Yi koo dĩɑ ni nu tie di ni ɡuru kpenu kun sɑnkɑ, kpɑ yi bɛɛn ɡbeɑn dɑ̃ɑ wurusu kpuro di.

Esɑi 14:17

U yinɑ u pirisɔmbɑ kɑrɑ. U wusu kɔsukɑ. Mɑ hɑnduniɑ yɑ ɡɔsiɑ bɑnsu.

Esɑi 15:6

Dɑɑ te bɑ mɔ̀ Nimurimu ten nim mu ɡberɑ. Yɑkɑ si su wɑ̃ɑ ten ɡɑ̃ɑrɔ su ɡberɑ. Gɑ̃ɑnu kun mɑɑ kpiɑ mi.

Esɑi 33:4

Tɔmbɑ koo ben yɑ̃nu wɔri bu ɡurɑ nɡe mɛ twee yi rɑ tem wukiri yi dĩɑnu kpuro di.

Esɑi 51:3

Nɑ Siɔnin bɑnsun wɔnwɔndu wɑ. Kon bɑn si seeyɑ, kpɑ n yen tem ɡbebum ɡɔsiɑ nɡe nɛn kɑrɑ Edɛni. Nuku dobu kɑ yɛ̃ɛribu ko n wɑ̃ɑ mi, kpɑ bu siɑrɑbun womusu ko.

Esɑi 9:18

Gusunɔ, wɔllu kɑ tem Yinnin mɔrun sɔ̃, tem mɛ, mu dɔ̃ɔ mwɑɑrɑ, mɑ mɛn tɔmbɑ dɔ̃ɔ diirɑ. Goo kun win winsim lɑɑkɑri mɔ̀ u sere nùn somi.

Esɑi 9:19

Bɑ dĩɑnu ɡurɑmɔ nɔm ɡeuɔ kɑ nɔm dwɑrɔ. Adɑmɑ kɑ mɛ, ɡoo kun debɑ. Mɑ ben bɑɑwure u win winsim wɑsin yɑɑ temmɔ.

Yeremi 5:17

Bwese te, tɑ koo bɛɛn dĩɑnu kɑm koosiɑ, kɑ bɛɛn bibu, kɑ bɛɛn yɑɑ sɑbenu, kɑ bɛɛn dɑ̃ɑ mɑrum, kpɑ bu bɛɛn wuu si su ɡbɑ̃rɑnu mɔ tɑbu wɔri, bu kɔsuku, sì sɔɔ bɛɛn yĩiyɔbu wɑ̃ɑ.

Esekiɛli 36:35

Kpɑ bu nɛɛ, tem mi ɡɑ̃ɑnu ku rɑ kpi mi, wee mu kuɑ nɡe ɡbɑɑ te bɑ mɔ̀ Edɛni. Mɛn wuu si su rɑɑ bɑnsu sɑ̃ɑ su tɛ̃ tɔmbu yibɑ mɑ bɑ su ɡbɑ̃rɑnu toosi.

Amɔsu 7:4

Wee ye Yinni Gusunɔ u mɑɑ derɑ nɑ wɑ kɑ̃siru ɡɑru sɔɔ. U nɛɛ, u koo tɔmbu sɛɛyɑsiɑ kɑ dɔ̃ɔ. Kpɑ u de dɔ̃ɔ wi, u nim mɛ mu wɑ̃ɑ tem sɔɔwɔ ɡberɑsiɑ kpɑ u Isirelibɑn tem kpuro di.

Hɑbɑkuku 1:6

Wee, kon Bɑbiloniɡibu seeyɑmɑ. Tɔn be, bɑ nuki sum. Bɑ tem kpuro bukiɑnɑmɔ bu wɑ bu kɑ bwesenu ɡɑnun wɑ̃ɑ yenu mwɛɛri.

Sɑkɑri 7:14

Yen sɔ̃nɑ nɑ bu yɑrinɑsiɑ bwesenu kpuron suunu sɔɔ ni bɑ ǹ dɑɑ yɛ̃. Mɑ bɑ ben tem deri dirum ɡoo ku rɑ mɑɑ sɑre mi. Mɑ tem ɡem mɛ, mu kuɑ bɑnsu. Nɛ, Gusunɔ wɔllu kɑ tem Yinniwɑ nɑ yeni ɡeruɑ.