Yoɛli 2:18 - Bibeli Gusunɔn Gari

¹⁸ Yinni Gusunɔ u nisinu mɔ win tem sɔ̃. U win tɔmbun wɔnwɔndu mɔ.

Yoɛli 2:18 ပူးပေါင်းရင်းမြစ်များ

Womusu 103:13

Nɡe mɛ tundo u rɑ n win bibun wɔnwɔndu mɔ, nɡe mɛyɑ Yinni u be bɑ nùn nɑsien wɔnwɔndu mɔ.

Womusu 103:17

Adɑmɑ Yinni Gusunɔn durom mu rɑ n wɑ̃ɑwɑ sere kɑ bɑɑdommɑɔ be bɑ nùn nɑsien mi, mɑ bɑ win ɑrukɑwɑni nɛni, mɑ bɑ win woodɑbɑ mɛm nɔɔwɑmmɛ. Mɛyɑ mɑɑ win ɡem mu rɑ n kɑ bu wɑ̃ɑ sere kɑ ben bibun bibɔ.

Esɑi 42:13

Yinni Gusunɔ u susimɔ u wee nɡe tɑbu kowo. U tɑbun ɡɑri wɔrɑ nɡe tɑbu durɔ, mɑ u nɔɔɡiru sue u kuuki mɔ̀, u win yibɛrɛbɑ dɑm sɔ̃ɔsimɔ.

Esɑi 60:10

Tɔn tukobɑ koo wunɛn ɡɑni seeyɑ, kpɑ ben sinɑmbu bu ko wunɛn yobu bu nun sɑ̃. Yellu, nɑ rɑɑ nun sɛɛyɑsiɑ kɑ mɔru, ɑdɑmɑ tɛ̃, nɛn durom sɔ̃, nɑ wunɛn wɔnwɔndu wɑ.

Esɑi 63:15

Yinni Gusunɔ, ɑ mɛɛrimɑ sɑɑ wɔllun di mi wunɛn wɑ̃ɑ yee dɛɛrɑru kɑ yiikoɡirɑ wɑ̃ɑ, kpɑ ɑ wɑ ye yɑ sun mɔ̀. Mɑnɑ wunɛn hɑniɑ kɑ wunɛn dɑm mu wɑ̃ɑ. Wee ɑ sun wunɛn kĩru kɑ wunɛn wɔnwɔndu wunɑri.

Esɑi 63:9

Bɛsɛn wɑhɑlɑ kpuro sɔɔ, u sun somi. N ǹ mɔ win ɡɔrɑdo u sun fɑɑbɑ kuɑ, win tiiwɑ u sun yɑkiɑ win kĩru kɑ win wɔnwɔndun sɔ̃. Mɑ u sun nɔɔri sɑɑ yellun di.

Yeremi 31:20

Isirelin bweseru tɑ sɑ̃ɑwɑ nɡe nɛn bii kĩnɑsi. Mɛyɑ nɑ mɑɑ tu kĩru sɔ̃ɔsi. Domi nɡe mɛ̀n nɔru nɑ ten ɡɑri mɔ̀, nɡe mɛyɑ ten kĩru tɑ rɑ n wɑ̃ɑ nɛn ɡɔ̃ruɔ. Nɛn bwɛ̃rɑ kun kpunɛ ten sɔ̃. Kon tu wɔnwɔn bɑkɑru kuɑ. Nɛ, Yinni Gusunɔwɑ nɑ yeni ɡeruɑ.

Swĩi 3:22

Yerɑ, Yinni Gusunɔn durom kun kpɑ, win wɔnwɔndɑ kun mɑɑ nɔru kue.

Sɑkɑri 1:14

Gɔrɑdo wi, u mɑɑ nùn sɔ̃ɔwɑ u nɛɛ, ɑ ɡeruo ɑ nɛɛ, ɑmɛniwɑ wi, Yinni Gusunɔ u ɡeruɑ. U nɛɛ, u Yerusɑlɛmu kɑ Siɔnin kĩru mɔ tɑ kpɑ̃.

Sɑkɑri 8:2

nɛn nisinu kpɑ̃ Yerusɑlɛmun sɔ̃. Domi nɑ ye kĩ ɡem ɡem.

Luku 15:20

U seewɑ mɑ u doonɑ win bɑɑn mi ɡiɑ. Sɑɑ yèn di u tomɑ, win bɑɑ nùn wɑ mɑ wɔnwɔndɑ nùn mwɑ. U dukɑ dɑ u nùn ɡɑbɑ kɑ nuku dobu, u nùn tɔburɑ kɑ kĩru.

Sɔ̃ɔsiru 32:16

Bɑ win nisinu seeyɑ bɑ dɑ bɑ bũnu sɑ̃ɑmɔ. Bɑ win mɔru seeyɑ bɑ dɑ bɑ bũnu yiire

Sɔ̃ɔsiru 32:36

Yinni Gusunɔ ù n deemɑ win tɔmbu bɑ ǹ dɑm mɔ, bɑ ǹ mɑɑ tɑ̃si yeru ɡɑru mɔ, u koo bu siriɑ, kpɑ u be, win sɔm kowobun wɔnwɔndu wɑ.

Sɔ̃ɔsiru 32:43

Bɛɛ bwese tukunu, i Yinni Gusunɔn tɔmbu tɔmɔ, domi u koo bu mɔru bɑrɑ, kpɑ u bu ben torɑnu suuru kuɑ u ben tem dɛɛrɑsiɑ.

Yɑkɔbu 5:11

Wee, sɑ bu sokumɔ doo nɔɔruɡibu yèn sɔ̃ bɑ yɔ̃rɑ dim dim. I Yoobun tɛmɑnɑbun bɑɑru nuɑ, i mɑɑ yɛ̃ ye Yinni Gusunɔ u nùn kuɑ yen biru. Domi Yinni u rɑ wɔnwɔndu kɑ tɔn ɡeeru ko.

Kpɑrobu 10:16

Yerɑ Isireli be, bɑ bũu ni wunɑ ben suunu sɔɔn di, bɑ Yinni Gusunɔ sɑ̃wɑ. Sɑɑ ye sɔɔrɑ u ben wɔnwɔndu wɑ, wɑhɑlɑ ye bɑ bu mɔ̀n sɔ̃.