Yoɛli 2:14 - Bibeli Gusunɔn Gari

¹⁴ Sɔrɔkudo kon ɡɔ̃ru ɡɔsiɑ, kpɑ n bɛɛ durom kuɑ. Sɑɑ ye sɔɔrɑ i ko i kpĩ i kɑ mɑn ɑlikɑmɑ kɑ tɑm kɛ̃nu nɑɑwɑ.

Yoɛli 2:14 ပူးပေါင်းရင်းမြစ်များ

Sɑmuɛli II 12:22

U bu wisɑ u nɛɛ, sɑɑ ye bii wi, u wɑsi, nɑ nɔɔ bɔkuɑ nɑ swĩ, domi nɑ ǹ yɛ̃ Yinni Gusunɔ ù n koo nɛn wɔnwɔndu wɑ kpɑ u bii wi bɛkiɑ.

Sɑmuɛli II 16:12

Sɔrɔkudo Yinni Gusunɔ u koo nɛn wɔnwɔndu wɑ kpɑ u kɔ̃sɑ ye ɡɔsiɑ ɡeɑ.

Sinɑmbu II 19:4

Ǹ n mɛn nɑ, ɑ kɑnɑru koowo bɛsɛ be sɑ ɡinɑ tien sɔ̃. Sɔrɔkudo Gusunɔ wunɛn Yinni u ko n Asirin sinɑ bokon ɡɑri yi nuɑ wi u nɑ u nùn wɔnwɑ. Kpɑ u nùn sɛɛyɑsiɑ.

Yɑribu 32:30

Yen sisiru u tɔn be sɔ̃ɔwɑ u nɛɛ, wee, i durum bɑkɑ kuɑ. Yen sɔ̃, kon yɔ ɡuu ten mi, n Yinni Gusunɔ suuru kɑnɑ bɛɛn durum yen sɑɑbu.

Esɑi 65:8

Ì n resɛm swɑɑru wɑ te tɑ nim mɔ, i rɑ nɛɛwɑ, bu ye derio mi, bu ku ye sɑnku, domi yɑ koo tɑm ɡem ko. Nɡe mɛyɑ kon kɑ Isirelibɑ kɑ Yudɑbɑn sukum ko, be bɑ ɡɔ̃ru ɡɔsiɑ bɑ mɑn kɑsu. Kon bu ɡɔsi bu ko nɛn sɔm kowobu, kpɑ n bu domɑru kuɑ bu mɑrurɑ, kpɑ bu tem mɛ tubi di mi ɡuunu wɑ̃ɑ, bu ben wɑ̃ɑ yenu ko mi. Kpɑ Sɑronin wɔwɑ yu ko ben yɑɑ sɑbenun kpɑrɑ yeru, kpɑ Akɔɔn wɔwɑ yu ko nin sɔri yeru.

Yeremi 18:8

Adɑmɑ bwese te, tɑ̀ n ten dɑɑ kɔsɑ tɑ nuku kɔ̃suru deri, nɑ rɑ tu deriwɑ nɑ kun mɑɑ tu kɔ̃sɑ kue.

Yeremi 26:13

I ɡɔ̃ru ɡɔsio kpɑ i kom kɔ̃sum deri. I Gusunɔ bɛɛn Yinnin ɡɑri swɑɑ dɑkio, kpɑ u kɔ̃sɑ ye deri ye u rɑɑ kĩ u bɛɛ kuɑ.

Yeremi 26:3

Bɑ̀ n wurɑ bɑ nun swɑɑ dɑki, mɑ bɑ wurɑ ben dɔɔ sɔɔ, bɑ ben kom kɔ̃sum deri, kɔ̃sɑ ye nɑ rɑɑ ɡɔ̃ru doke n bu kuɑ, kon ye deri.

Yoɛli 1:13

Bɛɛ Yinni Gusunɔn sɔm kowobu, yɑ̃ku kowobu, i sɑɑki sebuo i kɑ kpunɑ wɔ̃ku ɡiriru nuku sɑnkirɑnun sɔ̃. Domi wee bɑ ku rɑ mɑɑ kɑ ɑlikɑmɑ kɑ tɑm kɛ̃nu nɛ Gusunɔ bɛsɛn Yinnin sɑ̃ɑ yerɔ.

Yoɛli 1:16

Wee sɑ mɛɛrɑ bɑ kɑ bɛsɛn dĩɑnu doonɔ. Mɑ nuku dobu kpɑ Gusunɔ bɛsɛn Yinnin sɑ̃ɑ yerɔ.

Yoɛli 1:9

Bɑ ku rɑ mɑɑ kɑ kɛ̃nu de Yinni Gusunɔn sɑ̃ɑ yerɔ ni nu sɑ̃ɑ ɑlikɑmɑ kɑ tɑm. Yen sɔ̃nɑ Yinni Gusunɔn sɔm kowo be bɑ sɑ̃ɑ yɑ̃ku kowobu bɑ sɑ̃ɑre bɑ ɡɔɔ sɔ̃.

Amɔsu 5:15

I kɔ̃sɑ tusio kpɑ i ɡeɑ kĩɑ. I de ɡem mu siribu di siri yerɔ. Sɔrɔkudo Gusunɔ, wɔllu kɑ tem Yinni u koo bɛɛ Isirelibɑn tɔn be bɑ tiɑrɑ wɔnwɔndu kuɑ.

Yonɑsi 1:6

Mɑ ɡoo ɡen tɛmɔ tɔnwero u susi u Yonɑsi yɑmiɑ u nùn bikiɑ u nɛɛ, mbɑn sɔ̃nɑ ɑ dò. A seewo ɑ wunɛn bũu soku. Sɔrɔkudo u koo sun yɑɑyɑ kpɑ sɑ kun kɑm kue.

Yonɑsi 3:9

Sɔrɔkudo Gusunɔ u koo ɡɔ̃ru ɡɔsiɑ kpɑ win mɔru yu sure u kun mɑɑ sun kɑm koosie.

Sofoni 2:3

Bɛɛ be i tii kɑwe kpuro tem mɛ sɔɔ, i Yinni Gusunɔ kɑsuo. Bɛɛ be i nùn mɛm nɔɔwɛ, i ɡem kɑsuo, kpɑ i tii kɑwɑ. Sɔrɔkudo i ko i yɑri Gusunɔn mɔrun tɔ̃ɔ te sɔɔn di.

Asee 2:19

I mɑɑ dĩɑnu mɔ birɑnu sɔɔ? Bɛɛn ɡbeɑn dɑ̃ɑ binuɡinu mɑrɑ? Aɑwo, ɑdɑmɑ sɑɑ ɡisɔn di, kon bɛɛ durom kuɑ.

Timɔte II 2:25

N weenɛ u be bɑ kun kɑ nùn nɔɔ tiɑ sɑ̃ɑ ɡerusi tɛɛru. Sɔrɔkudo Gusunɔ u koo de bu ben ɡɔ̃ru ɡɔsiɑ kpɑ bu ɡem ɡiɑ.

Yosue 14:12

Yen sɔ̃ tɛ̃, ɑ mɑn ɡuunun berɑ ɡiɑ wɛ̃ɛyɔ mi Yinni Gusunɔ u mɑn nɔɔ mwɛɛru kuɑ. Nɑ nùn sɔ̃ɔwɑ mɑ Anɑkin bweserɑ tɑ wɑ̃ɑ berɑ mi. Bɑ ben wusu ɡbɑ̃rɑnu toosiwɑ mɑm mɑm. Yen sɔ̃, Gusunɔ ù n kɑ mɑn wɑ̃ɑ, kon tem mɛ mwɑ nɡe mɛ win tii u ɡeruɑ.

Sɑmuɛli I 6:5

Yen sɔ̃nɑ i ko i bwisinun weenɑsinu ko kɑ ɡunɔ ni nu tem sɑnkumɔn weenɑsinu, kpɑ i Isirelibɑn Yinni bɛɛrɛ wɛ̃. Sɔrɔkudo u koo win nɔmɑn bunum kɑwɑ u bɛɛ wɑhɑlɑ wunɑri bɛɛ kɑ bɛɛn bũnu kɑ bɛɛn tem min di.