Yoɛli 2:12 - Bibeli Gusunɔn Gari

^12-13 Yinni Gusunɔ u nɛɛ, nɑ sɑ̃ɑwɑ wɔnwɔnduɡii. Nɛn kĩru tɑ kpɑ̃. Nɛn mɔru yɑ ku rɑ fuuku se. Nɑ rɑ mɑɑ tɔnu suuru kue kɔ̃sɑ ye nɑ rɑɑ kĩ n nùn kuɑ sɔɔ. Tɛ̃, i wurɑmɑ kɑ bɛɛn ɡɔ̃ru kpuro nɛn mi, i nɔɔ bɔke, kpɑ i wuri ko. Bɛɛn ɡɔ̃ruwɑ i ko i ɡɔsiɑ, n ǹ mɔ i yɑ̃nu ɡɛ̃ɛku tɔnɑ. I wurɑmɑ nɛ, Gusunɔ bɛɛn Yinnin mi.

Yoɛli 2:12 ပူးပေါင်းရင်းမြစ်များ

Sɑmuɛli II 24:10

Ye Dɑfidi u nuɑ mɛ, yerɑ win torɑrɑ kɑrɑ, mɑ u Yinni Gusunɔ sɔ̃ɔwɑ u nɛɛ, nɑ torɑ n kpɑ̃ ye nɑ kɑ tɔn be ɡɑrɑ. Tɛ̃ nɑ ɡiɑ mɑ ɡɑri bɑkɑ kookoosɑ nɑ kuɑ. A mɑn nɛn torɑ ten suuru kuo.

Bɑndun Gɑri II 30:6

Mɑ ɡɔro be, bɑ sinɑ boko kɑ win sinɑ ɑsɑkpɔbun tire ni suɑ bɑ kɑ dɑ Isireliɔ kɑ Yudɑɔ. Mɑ bɑ bu sɔ̃ɔwɑ kɑ sinɑ bokon yĩsiru bɑ nɛɛ, bɛɛ Isirelibɑ, i wurɑmɑ Gusunɔ Aburɑhɑmu kɑ Isɑki kɑ Yɑkɔbun Yinnin mi, kpɑ win tii u mɑɑ wurɑmɑ bɛɛn mi. I de i wurɑmɑ bɛɛ be i kisirɑ Asirin sinɑ bokon nɔmɑn di.

Bɑndun Gɑri II 6:27

ɑ bu swɑɑ dɑkio sɑɑ wɔllun di, kpɑ ɑ bu ben durum suuru kuɑ. A bu swɑɑ ɡeɑ sɔ̃ɔsio yè sɔɔ bɑ koo sĩ, kpɑ ɑ de ɡurɑ yu nɛ tem mɛ sɔɔ, mɛ bɛsɛ wunɛn tɔmbu sɑ tubi di mi.

Ɛsitɛɛ 4:16

u doo u Yuubɑ kpuro mɛnnɑ be bɑ wɑ̃ɑ Susi mi, kpɑ bu nɔɔ bɔke win sɔ̃, sɔ̃ɔ sɔɔ itɑ kɑ wɔ̃kuru itɑ, bu ku dĩɑnu di, bu ku mɑɑ nim nɔ. Wi kɑ mɑɑ win sɔm kowobu bɑ koo mɑɑ ko mɛsum. Yen biru, kpɑ u dɑ sinɑ bokon mi, bɑɑ mɛ woodɑ yɑ mɛ yinɑ. Ù n koo ɡbin nɑ, kpɑ u ɡbi.

Yɑribu 33:5

Yinni Gusunɔ u Mɔwisi sɔ̃ɔwɑ u nɛɛ, ɑ Isirelibɑ sɔ̃ɔwɔ ɑ nɛɛ, ben swɑɑ tɑu. Nɑ̀ n kɑ bu sĩimɔ nɔni kpɑki teeru sɔɔ mɑm, kon bu kɑm koosiɑ. Bu ben burɑ yɑ̃nu potirio tɛ̃, kpɑ n wɑ ye kon bu kuɑ.

Esɑi 22:12

Yen sɔ̃nɑ tɔ̃ɔ teni sɔɔ, Gusunɔ, wɔllu kɑ tem Yinni, u bɛɛ sokɑ i kɑ swĩ, kpɑ i weeweenu ko i bɛɛn winu kɔni, kpɑ i sɑɑkibɑ dewe nuku sɑnkirɑnun sɔ̃.

Esɑi 58:4

I rɑ n sikirinɑmɔwɑ i n sɑnkinɑmɔ, kpɑ i n nɔm kusenu soonɑmɔ kɑ nuku kɔ̃suru. Ì n nɔɔ bɔkumɔ mɑ i mɔ̀ mɛ, nɛ, Gusunɔ nɑ ǹ bɛɛn ɡɑri nɔɔmɔ.

Yeremi 3:22

Bɛɛ, bii mɛm nɔɔ sɑribɑ, i wurɑmɑ nɛn mi. Kon bɛɛ bɛɛn mɛm nɔɔbu sɑriru suuru kuɑ. Mɑ Isirelibɑ bɑ nɛɛ, Gusunɔ, wunɑ ɑ sɑ̃ɑ bɛsɛn Yinni. Bɛsɛ wee, wunɛn miyɑ sɑ wee.

Yeremi 36:7

Sɔrɔkudo bɑ koo ɡɔ̃ru ɡɔsiɑ bu ben dɑɑ kɔ̃sɑ deri, kpɑ bu Yinni Gusunɔ suuru kɑnɑ. Domi win mɔru yɑ kpɑ̃ ye u kɑ bu mɔ̀.

Yeremi 4:1

Yinni Gusunɔ u nɛɛ, bɛɛ Isirelibɑ, ì n kĩ i wurɑmɑ nɛn mi, i ko kpĩ i wurɑmɑ. Ì n bɛɛn bũu sɑ̃ɑru deri, i ǹ mɑɑ yɑɑyɑɑre mɔ̀,

Yeremi 4:2

ì n dɑ bɔ̃re ɡem sɔɔ kɑ ɡɔ̃ru dɛɛrɔ, i nɛɛ, kɑ Yinni Gusunɔn wɑ̃ɑru, sɑɑ yerɑ bwese tukunu nu koo domɑru wɑ nɛn min di, kpɑ bu woo kɑnɑ nɛn sɔ̃.

Esekiɛli 33:11

Adɑmɑ ɑ bu wisio ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, sere kɑ nɛn wɑ̃ɑru, nɑ ǹ tɔn kɔ̃son ɡɔɔ kĩ. Nɑ kĩwɑ u ɡɔ̃ru ɡɔsiɑ kpɑ u wɑ u n wɑ̃ɑ. Yen sɔ̃, be, Isirelibɑ bu ɡɔ̃ru ɡɔsio. Mbɑn sɔ̃nɑ bɑ koo tii ɡo.

Dɑniɛli 9:3

Mɑ u nɔɔ bɔkuɑ u sɑɑki deewɑ u tii torom wisi nuku sɑnkirɑnun sɔ̃. Mɑ u kɑnɑru koosi Yinni Gusunɔn mi ɡiɑ,

Osee 12:6

Nɛnɑ Gusunɔ wɔllu kɑ tem Yinni. Nɛn yĩsirɑ Wi u rɑ n wɑ̃ɑ.

Osee 12:7

Bɛɛ Isirelibɑ, i de i wurɑmɑ nɛ bɛɛn Yinnin mi. I de i ɡeɑ ko kpɑ i n mɑn nɑɑnɛ sɑ̃ɑ bɑɑdommɑ.

Osee 14:1

Nɑ kon de bu Sɑmɑri sɛɛyɑsiɑ yèn sɔ̃ yen tɔmbu bɑ nɛ Gusunɔ ben Yinni seesi. Bɑ koo bu ɡowɑ tɑbu sɔɔ kpɑ bu ben bii piiminu nɑm. Kpɑ bu ben kurɔ be bɑ ɡuri mɔn nukunu bɛsuku.

Osee 6:1

Isirelibɑ bɑ sɔ̃ɔnɑ bɑ nɛɛ, i nɑ su ɡɔsirɑ Yinni Gusunɔn mi. Wee u sun so u mɛɛrɑ kuɑ. Adɑmɑ u koo bɛsɛn mɛɛrɑ ye nɔɔri u sun bɛkiɑ.

Yoɛli 1:13

Bɛɛ Yinni Gusunɔn sɔm kowobu, yɑ̃ku kowobu, i sɑɑki sebuo i kɑ kpunɑ wɔ̃ku ɡiriru nuku sɑnkirɑnun sɔ̃. Domi wee bɑ ku rɑ mɑɑ kɑ ɑlikɑmɑ kɑ tɑm kɛ̃nu nɛ Gusunɔ bɛsɛn Yinnin sɑ̃ɑ yerɔ.

Sɑkɑri 7:3

Kpɑ bu mɑɑ yɑ̃ku kowobu kɑ win sɔmɔbu bikiɑ bɑ̀ n ko bɑ n sumɔn nɑ, kpɑ bɑ n nɔɔ bɔkuɑ wɔ̃ɔn suru nɔɔbuse kpuro sɔɔ nɡe mɛ bɑ mɔ̀ tɛɛbun di.

Sɑkɑri 7:5

ɑ yɑ̃ku kowobu kɑ tɔn be kpuro wisio ɑ nɛɛ, sɑɑ wɔ̃ɔ wɑtɑ kɑ wɔkurun di, bɑ rɑ nɔɔ bɔke kpɑ bɑ n wɑ̃ɑ nuku sɑnkirɑnu sɔɔ wɔ̃ɔn suru nɔɔbuse kɑ nɔɔbɑ yiruse sɔɔ. Adɑmɑ bɑ ǹ ye mɔ̀ bu kɑ mɑn bɛɛrɛ wɛ̃.

Mɑlɑsi 1:9

Yen sɔ̃ tɛ̃, ì n nɛ, Yinni Gusunɔ suuru kɑnɑ n bɛɛn wɔnwɔndu wɑ, i tɑmɑɑ kon bɛɛ kuɑ nɡe mɛ n weenɛ? Aɑwo, domi i kɔ̃sɑ kuɑ. Nɛ Gusunɔ wɔllu kɑ tem Yinniwɑ nɑ yeni ɡeruɑ.

Gɔrobun Kookoosu 26:20

Nɑ wɑɑsu kuɑ, ɡbiikɑɑ Dɑmɑsiɔ kɑ mɑɑ Yerusɑlɛmuɔ, yen biru Yudeɑn tem kpuro sɔɔ, kɑ mɑɑ tɔn tukobun mi. Nɑ bu sɔ̃ɔwɑ bu ben ɡɔ̃ru ɡɔsio bu torɑnu deri bu wurɑ Gusunɔn mi, kpɑ bu ɡɔ̃ru ɡɔsiɑbun kookoosu sɔ̃ɔsi.

Kpɑrobu 2:4

Sɑɑ ye Yinni Gusunɔn ɡɔrɑdo wi, u ɡɑri yi ɡeruɑ u kpɑ, yerɑ Isirelibɑ kpuro bɑ nɔɔɡiru suɑ bɑ swĩ.

Kpɑrobu 20:26

Yerɑ Isirelibɑ kpuro bɑ mɛnnɑ Betɛliɔ bɑ sinɑ Yinni Gusunɔn sɑ̃ɑ yeru mi, bɑ weeweenu mɔ̀. Yen dɔmɑ te, bɑ nɔɔ bɔkuɑwɑ sere n kɑ kuɑ yokɑ. Mɑ bɑ Yinni Gusunɔ yɑ̃ku dɔ̃ɔ mwɑɑrɑruɡinu kuɑ kɑ siɑrɑbun yɑ̃kunu.

Sɑmuɛli I 7:3

Mɑ Sɑmuɛli u bu sɔ̃ɔwɑ u nɛɛ, ì n yɛ̃ i ɡɔsirɑwɑ Yinni Gusunɔn mi, kɑ bɛɛn ɡɔ̃ru kpuro, i bũu wi bɑ mɔ̀ Asitɑɑten bwɑ̃ɑrokunu wunɔ bɛɛn suunu sɔɔn di, kɑ ni nu tie, kpɑ i bɛɛn ɡɔ̃rusu Yinni Gusunɔ wɛ̃ i wi turo sɑ̃. U koo bɛɛ fɑɑbɑ ko Filisitibɑn nɔmɑn di.

Sɑmuɛli I 7:6

Mɑ bɑ mɛnnɑ Misipɑ mi, bɑ nɔɔ bɔkuɑ bɑ ɡeruɑ bɑ nɛɛ, sɑ Yinni Gusunɔ torɑ. Mɑ bɑ nim tɑkɑ bɑ mu yɛ̃kɑ win sɑ̃ɑ yerɔ bu kɑ sɔ̃ɔsi mɑ bɑ tii wɛ̃. Yen tɔ̃ɔ te, be kpuro bɑ wurɑ mɑ Sɑmuɛli sɑ̃ɑ ben kpɑro.