Yoɛli 2:1 - Bibeli Gusunɔn Gari

¹ I kɔbɑ soowo Siɔniɔ. I de bu ye nɔ Yinni Gusunɔn ɡuu dɛɛrɑru mi. Bɛɛ be i wɑ̃ɑ tem mɛ sɔɔ kpuro, i diirio bɛrum sɔ̃. Domi Yinni Gusunɔn mɔrun tɔ̃rɑ wee. Wee tɑ mɑm turuku kuɑ.

Yoɛli 2:1 ပူးပေါင်းရင်းမြစ်များ

Bɑndun Gɑri I 15:28

Isirelibɑ kpuro bɑ kɑ Yinni Gusunɔn woodɑn kpɑkoro te nɑ Yerusɑlɛmuɔ. Bɑ kuuki mɔ̀ nuku dobun sɔ̃, mɑ bɑ kɔbi kɑ sɛkɛtirɛnu kɑ ɡuunu kɑ mɔrɔkunu soomɔ.

Womusu 119:120

Wunɛn nɑnum mu derɑ nɛn wɑsi diirimɔ. Nɑ wunɛn siribu nɑsie.

Womusu 87:1

Womu ɡeniwɑ Koren bibu bɑ kuɑ. Bɑ nɛɛ, Yinni Gusunɔ u Yerusɑlɛmun kpɛɛkpɛɛku swĩiwɑ ɡuu te win tii u ɡɔsɑ u dɛɛrɑsiɑn wɔllɔ.

Yɑribu 10:14

Twee yi, yi nɑ wuunu kɑ wuunu yi pusɑ Eɡibitin tem bɑɑmɑ. Yi dɑbiɑ yi sɑrɑ yi bɑ rɑɑ wɑɑre. Mɛyɑ bɑ ǹ mɑɑ yin bweseru wɑsi.

Esɑi 13:6

I ɡɔɔ swĩiyɔ domi Yinni Gusunɔn tɔ̃ɔ te, tɑ turuku kuɑ. Tɑ sɑ̃ɑwɑ kɑm koo bi bu wee wi, Dɑm kpuroɡiin min di.

Esɑi 13:9

Wee Yinni Gusunɔn tɔ̃ru tɑ sisi. Tɔ̃ɔ te, tɑ sɑ̃ɑwɑ nɔni swɑ̃ɑruɡiru tè sɔɔ u koo win mɔru bɑkɑ sɔ̃ɔsi. U koo durumɡibu kpeerɑsiɑ, kpɑ tem mɛ, mu ko bɑnsu.

Esɑi 2:12

Domi wi, wɔllu kɑ tem Yinniwɑ. U tɔ̃ɔ te yi, tè sɔɔ u koo bɑɑwure siri wi u tii sue, kpɑ u nùn kɑwɑ.

Esɑi 66:2

Ye kpuro nɛɡiɑ. Nɛnɑ nɑ ye tɑkɑ kuɑ kɑ nɛn nɔmɑ. Wi u tii kɑwe, u nuki sɑnkire win durum sɔ̃, mɑ u nɛn ɡɑri nɑsie, wiyɑ nɑ kɑ nɔnu ɡeu mɛɛrɑ.

Esɑi 66:5

Bɛɛ be i Yinni Gusunɔn ɡɑri nɑsie, i swɑɑ dɑkio i nɔ ye u ɡerumɔ. U nɛɛ, wee, bɛɛn mɛro bisibu be bɑ bɛɛ tusɑ bɑ ɡirɑ ben min di nɛn yĩsirun sɔ̃, bɑ bɛɛ yɑɑkoru mɔ̀ bɑ mɔ̀, Yinni Gusunɔ u win yiiko sɔ̃ɔsio, kpɑ bu bɛɛn nuku dobu wɑ. Adɑmɑ ben tiiwɑ bɑ koo sekuru wɑ.

Yeremi 16:10

Sɑnɑm mɛ kɑɑ tɔn be ɡɑri yi nɔɔsiɑ, bɑ koo nun bikiɑ bu nɛɛ, mbɑn sɔ̃nɑ nɛ, Yinni Gusunɔ nɑ bu nɔni swɑ̃ɑ tenin bweserun ɡɑri sɔ̃ɔmɔ. Mbɑ bɑ nɛ, Gusunɔ ben Yinni torɑri.

Yeremi 16:7

Bèn tɔmbɑ ɡu mi, bɑ ǹ ɡoo wɑsi wi u koo kɑ bu dĩɑnu nɑɑwɑ u kɑ bu nukuru yɛmiɑsiɑ. Goo mɑɑ sɑri wi u koo kɑ bu tɑm nɑɑwɑ u kɑ bu dɑm kɛ̃, bɑɑ ǹ n ben mɛron nɑ u ɡu, ǹ kun mɛ, ben tundo.

Yeremi 4:5

Yeremi u nɛɛ, i Yudɑbɑ sɔ̃ɔwɔ kpɑ i ɡbɑ̃rɑ Yerusɑlɛmuɔ. I kɔbɑ soowo tem mɛ kpuro sɔɔ. I nɔɔɡiru suo kɑ dɑm i nɛɛ, bu mɛnnɑmɑ bu dɑ wuu si su ɡbɑ̃rɑnu mɔ sɔɔ.

Yeremi 5:22

Bɑ ǹ koo mɑn nɑsiɑ? Bɑ ǹ koo diiri nɛn wuswɑɑɔ? Nɛnɑ nɑ derɑ yɑni sɛɛri yi nim wɔ̃kun nim ɡunuɑ. Mɑ nɑ nɛɛ, mu ǹ mɑɑ sɑrɑmɔ mi nɑ mɛn nɔɔ burɑ yeru yi mi. Miyɑ mu ko n wɑ̃ɑ sere kɑ bɑɑdommɑɔ. Bɑɑ mɛ nim kurenu nu rɑ se, nu ǹ dɑm mɔ. Bɑɑ mɛ nu rɑ wɔki, mu ku rɑ ɡɑm de.

Esekiɛli 12:23

Yen sɔ̃, ɑ bu sɔ̃ɔwɔ ɑ nɛɛ, nɛ, Yinni Gusunɔ kon de mɔn te, tu kpe. Bɑ ǹ mɑɑ tu ɡerumɔ Isireliɔ. Adɑmɑ ɑ bu sɔ̃ɔwɔ ɑ nɛɛ, tɔ̃rɑ turuku mɔ̀. Kɑ̃si nin bɑɑtere tɑ koo koorɑwɑ.

Esekiɛli 21:12

Bɑ̀ n nun bikiɑ mbɑn sɔ̃nɑ ɑ weeweenu mɔ̀, kɑɑ bu wisiwɑ ɑ nɛɛ, lɑbɑɑri kɔ̃sɑ ɑ nuɑ. Yɑ koo mɑɑ tunumɑ. Kpɑ tɔmbun toronu nu kɑrɑ. Bɑ koo ɡɔmɑ dwiiyɑ. Kpɑ ben wɔruɡɔru tu kpe, bu dũunu soonɑ. Wee, yɑ koo nɑ yɑ mɑm tunumɑ. Nɛ, Yinni Gusunɔwɑ nɑ yeni ɡeruɑ.

Esekiɛli 30:3

Tɔ̃ɔ te, tɑ sisi tè sɔɔ nɛ, Yinni Gusunɔ kon bu wɔri. Wee tɑ mɑm turuku kuɑ. Tɑ ko n sɑ̃ɑwɑ yɑm wɔ̃kuru.

Esekiɛli 33:3

Sɑɑ ye sɔɔ, ɡbɑmɡbɑ sowo wi, ù n yibɛrɛbɑ wɑ kpɑ u ɡbɑmɡbɑ so u kɑ wiɡibu nɔɔsiɑ.

Esekiɛli 33:6

Su nɛɛ, ɡbɑmɡbɑ sowo wi, u yibɛrɛbɑ wɑɑmɔ bɑ wee, mɑ u ǹ ɡbɑmɡbɑ so u kɑ wiɡibu nɔɔsiɑ. Sɑɑ ye sɔɔ, bɑ̀ n ɡoo sɑmbɑ kuɑ bɑ mwɑ bɑ ɡo, u koo ɡbiwɑ win durum sɔɔ. Adɑmɑ ɡbɑmɡbɑ sowo win tɑɑrɛwɑ. Wiyɑ bɑ koo wi bɑ ɡo min yɛm bikiɑ.

Esekiɛli 7:10

Tɔ̃ɔ te wee tɑ tunumɑ, tɑ turuku kuɑ. Bɔbunu kɑ tii suɑbu bu sosimɔ.

Esekiɛli 7:12

Sɑɑ yɑ turuku mɔ̀. Tɔ̃ɔ te, tɑ wee. Wi u dwemɔ u ku yɛ̃ɛri. Wi u mɑɑ dɔrɑmɔ u ku swĩ. Domi nɛ, Yinni Gusunɔn mɔru sisi tɔn be bɑ wɑ̃ɑ tem mɛ sɔɔ kpuron sɔ̃.

Dɑniɛli 6:26

Yen biru, sinɑ boko u bwesenu kpuro tirenu yoruɑ u nɛɛ, ɑlɑfiɑ yɑ n sosimɔ bɛɛ sɔɔ yɑ n dɔɔ.

Dɑniɛli 9:16

Tɛ̃ Yinni, nɑ nun kɑnɑmɔ wunɛn durom sɔ̃, ɑ de wunɛn mɔru yu doonɑ wunɛn wuu Yerusɑlɛmun min di, ɡe ɡɑ wɑ̃ɑ wunɛn ɡuu te ɑ ɡɔsɑn wɔllɔ. Domi be bɑ sun sikerenɛ bɑ Yerusɑlɛmu kɑ bɛsɛ wunɛn tɔmbu ɡɛmɑ bɛsɛn torɑnu kɑ bɛsɛn bɑɑbɑbɑn dɑɑ kɔ̃sɑn sɔ̃.

Dɑniɛli 9:20

Sɑnɑm mɛ Dɑniɛli u kɑnɑ te mɔ̀ u ɡɑri ɡerumɔ u ǹ kpɑ, u wi kɑ win tɔmbun torɑnu tuubɑ mɔ̀, mɑ u Gusunɔ win Yinni kɑnɑmɔ win sɑ̃ɑ yee dɛɛrɑ ten sɔ̃, yerɑ durɔ wi, Gɑbiriɛ wi u rɑɑ wɑ win kɑ̃si ɡbiikiru sɔɔ, u nùn yɔ̃ɔsimɑ kɑ dɑm u surɑ win bɔkuɔ sɑɑ yè sɔɔ bɑ rɑ yokɑn yɑ̃kuru ko.

Osee 5:8

Yinni Gusunɔ u nɛɛ, i tɑbun kɔbɑ soowo Gibeɑɔ kɑ Rɑmɑɔ. I tɑbun wurenu koowo Betɛli Afɛniɔ. Bɛɛ Bɛnyɑmɛɛbɑ, tɑbu durɔbɑ wee bɛɛn birun di.

Osee 8:1

Yinni Gusunɔ u nɛɛ, i kɔbɑ soowo. Wee yibɛrɛbɑ bɑ nɛn sɑ̃ɑ yeru wuusimɑ nɡe kɑsi. Domi Isirelibɑ bɑ nɛn ɑrukɑwɑni kusiɑ. Mɑ bɑ nɛn sɔ̃ɔsiru yinɑ.

Yoɛli 1:15

Yinni Gusunɔn tɔ̃ru tɑ turuku kuɑ. Tɔ̃ɔ te, tɑ sɑ̃ɑwɑ win tɔ̃ru. Te sɔɔrɑ wi, Dɑm kpuroɡii u koo kpuro kɑm koosiɑ. Annɑ ɑ tɔ̃ɔ kɔ̃suru wɑ te tɑ sisi mi.

Yoɛli 2:11

Nɡe mɛyɑ Yinni Gusunɔ ù n ɡɑri ɡeruɑ win tɑbu kowobun wuswɑɑɔ, bɑ rɑ nùn mɛm nɔɔwɛwɑ. Bɑ dɑbi, bɑ mɑɑ dɑm mɔ. Yen sɔ̃nɑ win tɔ̃ɔ te, tɑ nɑnum mɔ. Wɑrɑ u koo yɔ̃rɑ u tu mɑ.

Yoɛli 2:15

I kɔbɑ soowo Siɔniɔ. I tɔmbu mɛnnɔ, kpɑ i nɔɔ bɔkurun tɔ̃ru yi.

Amɔsu 3:6

Bɑ rɑ tɑbun kɔbɑ so wuuɔ wuuɡibu bɑ kun nɑnde? Kɛ̃siru ɡɑru tɑ rɑ koore wuuɔ n kun nɛn min di?

Amɔsu 5:18

Bɔ̃rurobɑ bɛɛ be i Yinni Gusunɔn siribun tɔ̃ru mɑrɑ. Mbɑ i yĩiyɔ i wɑ tɔ̃ɔ te sɔɔ. I n yɛ̃ mɑ tɑ ko n sɑ̃ɑwɑ yɑm wɔ̃kuru, n ǹ mɔ yɑm bururɑm.

Amɔsu 8:2

Mɑ Yinni Gusunɔ u nɛɛ, mbɑ nɑ wɑɑmɔ mi. Nɑ nùn wisɑ nɑ nɛɛ, dɑ̃ɑ mɑrumɑ nɑ wɑ mɛ mu ye. Yerɑ u mɑɑ mɑn sɔ̃ɔwɑ u nɛɛ, sɑɑ yɑ turɑ u kɑ win tɔmbu Isirelibɑ sɛɛyɑsiɑ. U ǹ mɑɑ bu suuru kuɑmmɛ.

Abudiɑsi 1:15

Domi sɑɑ yɑ turuku kuɑ yè sɔɔ Yinni Gusunɔ u koo bwesenu kpuro siri. Sɑɑ ye sɔɔ, bɑ koo bɛɛ kuɑ nɡe mɛ i ɡɑbu kuɑ. Kɔ̃sɑ ye i kuɑ mi, yɑ koo wɔriwɑ bɛɛn wiru wɔllɔ.

Sofoni 1:14

Yinni Gusunɔn tɔ̃ɔ nɑnumɡirɑ tɑ turuku kuɑ. Te wee tɑ wee fuuku, tɑ nɔɔɡiru sue. Tɑbu durɔ dɑmɡii u koo kuuki ko dɔmɑ te.

Sofoni 1:16

Yen tɔ̃ɔ te, tɑbu kowobu bɑ koo kɔbi so kpɑ bu kuuki ko bu kɑ wuu si su ɡbɑ̃rɑnu mɔ wɔri.

Sofoni 1:7

I nɔɔ mɑrio wi, Yinni Gusunɔn wuswɑɑɔ. Domi win tɔ̃ru tɑ turuku kuɑ. U win yɑ̃kuru sɔɔru kuɑ. U mɑɑ ɡɔsɑ be bɑ koo tu di.

Sofoni 3:11

Yen tɔ̃ɔ te, bɛɛ win tɔmbu Isirelibɑ, i ǹ sekuru wɑsi bɛɛn dɑɑ kɔ̃sɑ kɑ bɛɛn torɑ ni i kuɑ sɔɔ. Domi u koo be bɑ rɑ tii sue bɛɛn suunu sɔɔ wunɑ, kpɑ bɛɛn tiin tɔn biɑru tu kpe win ɡuu dɛɛrɑrun wɔllɔ.

Sɑkɑri 14:1

Bɛɛ Yerusɑlɛmuɡibu, Yinni Gusunɔn tɔ̃rɑ wee. Bɑ koo bɛɛn yɑ̃nu ɡurɑ bu bɔnu ko bɛɛn nɔni biru.

Sɑkɑri 8:3

Yen sɔ̃nɑ nɑ nɛɛ, kon wurɑ Yerusɑlɛmu ye sɔɔ kpɑ nɑ n wɑ̃ɑ mi. Bɑ koo ye soku wuu ɡemɡuu. Kpɑ bu mɑɑ nɛ, Gusunɔ wɔllu kɑ tem Yinnin ɡuu te soku ɡuu dɛɛrɑru.

Gbɑburu 10:2

ɑ de bu kɔbi yiru seku kɑ sii ɡeesu yi bɑ ko n dɑ so bu kɑ tɔmbu mɛnnɑ kpɑ bu bu sɔ̃ bu seewo bu doonɑ sɑnsɑnin di.

Gbɑburu 10:3

Bɑ̀ n kɔbi yiru ye so sɑnnu, tɔmbu kpurowɑ bɑ koo mɛnnɑ wunɛn mi, Yinni Gusunɔn kuu ten wuswɑɑɔ.

Korinti I 14:8

Wi u mɑɑ kɔbɑ soomɔ, ù kun soomɔ dee dee, wɑrɑ u koo tɑbun sɔɔru ko.

Filipi 2:12

Yen sɔ̃nɑ nɛn kĩnɑsibu, nɡe mɛ i rɑ rɑɑ mɛm nɔ sɑnɑm mɛ nɑ wɑ̃ɑ kɑ bɛɛ, tɛ̃ ye nɑ kɑ bɛɛ tomɑ, i kookɑri koowo n kere kɑ bɛrum kɑ diiribu bɛɛn fɑɑbɑ yu kɑ yibu.

Tɛsɑlonikɑ I 5:2

Domi bɛɛn tii i yɛ̃ ɡem kɑ ɡem mɑ Yinnin tɔ̃ru tɑ koo nɑwɑ nɡe ɡbɛnɔ wi u sisi wɔ̃kuru.

Yɑkɔbu 5:8

Bɛɛn tii mɑɑ, i n suuru sɑ̃ɑ, i n yɔ̃ dim dim domi Yinnin nɑɑru tɑ turuku koomɑ.

Piɛɛ I 4:7

Bɑɑyere kpuron kpeeru tɑ turuku kuɑ. Ǹ n mɛn nɑ, i tii nɛnuɔ kɑ lɑɑkɑri, kpɑ i se i yɔ̃rɑ i kɑ kpĩ i kɑnɑru ko.

Kɑ̃siru 6:17

Domi ben mɔrun tɔ̃ɔ bembere te, tɑ tunumɑ. Wɑrɑ u koo kpĩ u yɔ̃rɑ u tu mɑ.