Yoɛli 1:4 - Bibeli Gusunɔn Gari

⁴ Wee dĩɑ ni kɔkɔnu nu di n tiɑrɑ, twee yi nɑ yi di. Ye twee yi nɑ yi di n tiɑrɑ mɑ swĩini yi nɑ yi di. Ye swĩini yi di n tiɑrɑ, mɑ ɡbɑɑnu nɑ nu ye di.

Yoɛli 1:4 ပူးပေါင်းရင်းမြစ်များ

Sinɑmbu I 8:37

Gɔ̃ɔru tɑ̀ n duɑ tem mɛ sɔɔ, ǹ kun mɛ kɛ̃si kɛ̃si bɑrɑru, ǹ kun mɛ dĩɑnun ɡɔɔ, ǹ kun mɛ twee, ǹ kun mɛ kɔkɔnu ɡɑnu ni nu rɑ dĩɑnu sɑnku, ǹ kun mɛ yibɛrɛbɑ bɑ̀ n tem mɛn wusu tɑrusi, ǹ kun mɛ bɑrɑ bwese bwesekɑ yɑ̀ n wunɛn tɔmbu deemɑ, ǹ kun mɛ wɑhɑlɑ ɡɑɑ,

Bɑndun Gɑri II 6:28

Gɔ̃ɔru tɑ̀ n duɑ tem mɛ sɔɔ, ǹ kun mɛ kɛ̃si kɛ̃si bɑrɑru, ǹ kun mɛ dĩɑnun ɡɔɔ, ǹ kun mɛ twee, ǹ kun mɛ kɔkɔnu ɡɑnu ni nu rɑ dĩɑnu sɑnku, ǹ kun mɛ yibɛrɛbɑ bɑ̀ n tem mɛn wusu tɑrusi, ǹ kun mɛ bɑrɑ bwese bwesekɑ yɑ̀ n wunɛn tɔmbu deemɑ, ǹ kun mɛ wɑhɑlɑ ɡɑɑ,

Bɑndun Gɑri II 7:13

Nɑ̀ n wɔllu kɛnuɑ, mɑ ɡurɑ kun mɑɑ nɛmɔ, ǹ kun mɛ nɑ derɑ twee yi tem mɛ wukiri yi mɛn dĩɑnu di, ǹ kun mɛ nɑ̀ n mɛn tɔmbu kɛ̃si kɛ̃si bɑrɑnu sure,

Womusu 105:34

Yen biru, u derɑ twee yi nɑ dɑbi dɑbinu.

Womusu 78:46

U derɑ twee yi ben dĩɑnu wɔri yi di. Mɑ u derɑ ben hɑniɑn ɑre kɑm kuɑ.

Yɑribu 10:4

À n mɑɑ yinɑ ɑ bu kɑrɑ, wee, siɑ u koo de twee yi nɑ wunɛn tem kpuro sɔɔ.

Yɑribu 10:5

Yi koo tɛriɑ yi tem wukiri. Bɑɑ tem bɑu bɑ ǹ wɑsi. Yi koo dĩɑ ni nu tie di ni ɡuru kpenu kun sɑnkɑ, kpɑ yi bɛɛn ɡbeɑn dɑ̃ɑ wurusu kpuro di.

Esɑi 33:4

Tɔmbɑ koo ben yɑ̃nu wɔri bu ɡurɑ nɡe mɛ twee yi rɑ tem wukiri yi dĩɑnu kpuro di.

Yeremi 51:14

Domi Gusunɔ, wɔllu kɑ tem Yinni, u bɔ̃ruɑ u nɛɛ, sere kɑ win wɑ̃ɑru, u koo nun tɔmbu kpɑremɑ nɡe twee kpɑ bu nun nɑsɑrɑn kuuki koosi.

Yeremi 51:27

I tɑbun ɡidi bɔrɑ yɔ̃rɑsio i Bɑbiloni wɔri. I kɔbɑ soowo kpɑ bwesenu nu mɛnnɑ. I nu sɔɔru koosio. I sinɑm be bɑ wɑ̃ɑ Arɑrɑtiɔ kɑ Miniɔ kɑ Asikenɑsiɔ mɛnnɑmɑ bu Bɑbiloni tɑbu wɔri. I tɑbu sinɑmbu ɡɔsio kpɑ i de dumi yi se nɡe twee yi bu wɔri.

Yoɛli 2:25

Kon bɛɛ wɔ̃ɔ si kɑ dĩɑ nin kɔsire wɛ̃, ni nɛn tɑbu kowobu, kɔkɔnu, kɑ ɡbɑɑnu, kɑ twee yi di wɔ̃ɔ si su doonɑ sɔɔ.

Amɔsu 4:9

Nɑ derɑ bɛɛn dĩɑnu kusenu kuɑ, mɑ twee yi nɑ yi bɛɛn ɡbeɑn dĩɑnu kɑ bɛɛn dɑ̃ɑ ɡbɑɑnun wurusu kpuro di. Adɑmɑ kɑ mɛ, i ǹ ɡɔsirɑmɛ nɛ Gusunɔ bɛɛn Yinnin mi.

Amɔsu 7:1

Wee ye Yinni Gusunɔ u derɑ nɑ wɑ kɑ̃siru sɔɔ. Tweeyɑ u derɑ yi kɔwɑrɑ dɑbi dɑbinu sɑnɑm mɛ yɑkɑsu kpɑrɑm wee si sinɑ boko u rɑɑ bɔɔrɑ win yɑɑ sɑbenun sɔ̃.

Mɑlɑsi 3:11

Nɑ kon twee ɡirɑ bɛɛn tem di. Kpɑ yi ku mɑɑ bɛɛn dɑ̃ɑ binu sɑnku. Kon de resɛm ye yɑ ku rɑ rɑɑ mɑ yu mɑ bɛɛn ɡbeɑɔ. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Sɔ̃ɔsiru 28:38

Dĩɑ bwese bɑkɑrɑ i ko i kɑ dɑ ɡbeɑɔ i duure, ɑdɑmɑ nin fiikowɑ i ko i wɑ i ɡɛ̃, domi twee yi koo nɑ yi nu di.

Sɔ̃ɔsiru 28:42

Bɛɛn dɑ̃ɑ kɑ bɛɛn ɡbeɑn mɑrum kpurowɑ mu koo ko tween dĩɑnu.